Dr. Ingrid meeqqeriviani Flyver ininut pisariaqartitsineq naapertorlugu ikiuuttartoq

Flyver (ininut pisariaqartitsineq naapertorlugu ikiuuttartoq) soqutiginnittoq tunniusimasorlu Dr. Ingrid meeqqerivimmi pissarsiariumaneqarpoq.

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

Meeqqerivitsinni immikkut ilisarnaatigaarput:

Meeqqerivimmi ilisarnaatigaarput meeqqanik sullissinermik nuannarisaqartuunerput naleqartitanillu, soorlu silamiittarnermik, qanilaartuunissamik nuannaarnermilu, pingaartitsisuunerput.

Meeqqerivik ikiortimik ilinniagaqarsimanngitsumik pissarsiorpoq Flyveritut inimut ataatsimut attuumassuteqassanngilatit, meeqqerivilli tamaat suliffigisinnaassallugu.

Inunnut pitsaasumik attaveqarneq aqqutigalugu meeqqat ulluinnarni ataqatigiissunik toqqissisimanartunillu misigisaqarnissaat uagutsinnut pingaaruteqarpoq. Taamaattumik suliffiup anguniagaanut sinaakkutissanik pilersitseqataassasutit taakkununngalu tapersersuissasutit naatsorsuutigaarput.

Meeqqat alapernaatsut, tatituut, peqqittut nuannaartullu pilersissallugit ataatsimut anguniagaraarput.

Atorfik pillugu:

∙Piffissaq tamaat suliffik - piffissaq suliffiusoq nal. 7 nal. 17-illu akornanniissaaq. Sulisut amerlassusiligaasut saniatigut atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi flyveri immikkoortortamut ataatsimut atassuserneqarsinnaavoq

∙Napparsimasoqartillugu imaluunniit aalajangersimasumik sulisut allanik pissuteqartumik piffissaaleqineranni, meeqqat ulluinnaasa aalajaatsuunissaat skemamilu pilersaarutaareersut malinnissaasa qulakkeerneranut peqataassaaq

∙Illup iluani tamani ikiuuttarsinnaavoq, annikitsumik eqqiaanermik, aaqqissuussinermik, igaffimmi ikiuunnermik kiisalu inini ikiuisarneq, taamaattumik sulisut meeqqallumi ilisarisimassavai

Ukununnga immikkut piumasaqaatit:

∙Ilinniarsimanngitsut

∙Suliniuteqarumasoq, suliniutinik aallartitsisinnaasoq namminersorsinnaasorlu

∙Suleqatiginnilluarsinnaasoq ammasuullunilu, allanngortitsinissamut piareersimasoq saaffigiuminartorlu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Atorfimmi akisussaaffinnut piginnaatitaaffinnullu tunngasut:

Sulisut amerlassusiligaasut saniatigut atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi flyveri immikkoortortamut ataatsimut atassuserneqarsinnaavoq.

Suliassat pingaarnerpaat:

∙Inini aalajangersimasumik atorfillit tapersersornissaat, taamalu sammisassaqartitsinerit pilersaarutaasut ingerlanneqarniassammata

∙Napparsimasoqartillugu imaluunniit aalajangersimasumik sulisut allanik pissuteqartumik piffissaaleqineranni, meeqqat ulluinnaasa aalajaatsuunissaat skemamilu pilersaarutaareersut malinneqarnissaat qulakkeerniarlugit ikiuuttarsinnaaneq

∙Illup iluani tamani ikiuuttarsinnaavoq, annikitsumik eqqiaanermik, aaqqissuussinermik, igaffimmi ikiuunnermik kiisalu inini ikiuisarneq, taamaattumik sulisut meeqqallumi ilisarisimassavai

∙Suliatigut ineriartortitsinissamut periarfissaqarneq

Meeqqerivik pillugu:

Meeqqerivik Dr. Ingrid 1960-simi ammarneqarpoq. Tasiilami meeqqerivinni pisoqaanersaralugu. Meeqqerivik illoqarfiup qeqqani Kommuneqarfiup utoqqaat illuata aamma napparsimaviup akornanni inissisimavoq.

Meeqqanut 40-nut meqqerivik inissaqartitsinissamut naatsorsuutaavoq 3-6-nik ukiulinnut, inini marlunni agguataarsimallutik.

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Nivi B.Saimuinaq, oqarasuaat +299 36 78 91 imaluunniit e-mail: nbsa@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 244-26, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 25.-at, 2026