Fakta
Atorfiup suussusaa: Dronning Ingridip Napparsimmavissuani igaffissuaq inuussutissalerinermi assistentinik pissarsiorpoq
Suliffeqarfik: Dronning Ingridip Napparsimmavisuani
Qinnuteqarfissamut killigititaq: 24. juuni
Attavissaq: Heidi Sikemsen oqarasuaatikkut: +299 344660 imal. mailikkut: HESI@PEQQIK.GL attavigalugu pissarsiarineqarsinnaapput.
Inuussutissalerinermi assistentitut ilinniarsimavit, nerisassanik eqqoortunik inuussutissartalinnik immikkut nerisassanik qallersukkanillu soqutigisalik? Taamaassappat tassasinnaavutit Sanap igaffissuani suleqatissatut pissarsiariniagarput!
Inuussutissalerinermi assistentimik atorfinivittussamik piffissaq suliffiusartoq tamakkerlugu sap. ak. nal. ak. 40-ini sulisussamik pissarsiorpugut. Sap. ak. naaneri allorttarlugit suliffiusassapput. Ullormut nal. 7:00-imiit 15:00-imut -suliffiussaaq, ullaakkullu ammaasussaagaanni qaammammut miss. pingasoriarluni nal. 6:30-imiit -14:30 sulisoqartarpoq. Nalliuttut ilaat suliffiusassapputtaaq.
1/7-2026-imiit qaammatini pingasuni misileeqqaarnissat naatsorsuutigaarput.
Igaffissuaq ingerlalluartoq Dronning Ingridip Napparsimmavisuani uninngaasunik 200-it pallingajattunik ullormut nerisitsisarpoq. Suliffeqarfiuvugut ineriartortuartoq, taamaammallu inuussutissalerinermi assistentinik pikkorissunik marlunnik pisariaqartitsisoq.
Pissarsiariniagarput:
Piffissaq eqqorlugu takkuttuarpoq timikkullu sanngisuujulluni
Peqqussutit malillugit nakkutilliinermik ilisimaarinnilluarpoq qarasaasiarsorsinnaallunilu
Nerisassanik assigiinngitsunik immikkullu- soorlu nerilittartunut nerisassanik ilisimasalik.
Namminersorluni sulisinnaavoq aammali suleqateqallaqqilluni
Suliat ingerlatat pitsaassusaannik ilisimaarinnippoq
Uagut:
Suliffiuvugut, toqqammavissiissutaasut iluanni, napparsimasut nerinermut atatillugu sapinngisamik pitsaanerpaamik misigisaqarnissaannik suliniuteqartoq.
Suliffiuvugut, sullivimmi pitsaasunik avatangiiseqarnissamik, iluarisamik – aammali pimoorussilluni ukkassisoq.
Suliffiuvugut ineriartortuartoq.
Dronnings Ingridip Napparsimmavissuani igaffissuarmi uninngasunut 200-it missaanniittunut ullormut nerisassiortarpugut. Ullup qeqqanut kissartunik igaartortarput unnukkullu qallersugartortarlutik.
Nerisassiatta ukiup kaajallakkiartornerani kalaaliminernik pissarsiarineqarsinnaasunik ilaqarnerannik takutitsinissaq anguniagaraarput.
Isumarput naapertorlugu, inuussutissat uninnganermi pingaarutilinnut ilaammata, uninngasut iluarusutsinniarlugit nerisassat mamasaarniarnissaat annertuumik ukkataraarput.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/7-2026 immikkulluunniit isumaqatigiissuteqarnikkut
Qinnuteqarfissaq kingulleq: 24/6-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Igaffimmi aqutsisoq Heidi Sikemsen oqarasuaatikkut: +299 344660 imal. mailikkut: HESI@PEQQIK.GL attavigalugu pissarsiarineqarsinnaapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
