Dronning Ingridip Napparsimmavissuani qitiusumik peqqumaasivik sulisussarsiorpoq

Nuummi Dronning Ingridip Napparsimmavissuani qitiusumik peqqumaasivik, ulluinnarni ingerlatsinermik aalajaatsumik, kiffartuussinermik qaffasissumik pitsaassusilimmik suliassanillu kinguneqarluartumik naammassinninnermik qitiutitsisumik sulisussarsiorpoq.

Immikkoortoq, nuna tamakkerlugu atortussanik, ataqatigiissaarinermut tunngatillugu pissutsini immikkut ittuni, angallannikkullu pissutsini paasilertoruminaatsuni, pilersuinermut akisussaasuuvoq. Sapinngisamik piaarnerpaamik tunniussinissaq, eqqortumik tunniussineq pitsaanerpaamillu peqqumaatinik aqutsineq, ulluinnarni sulinermi anguniagaapput.

Neqeroorutigaagut:

• Atorfik ineriartornissamut periarfissagissaartoq, suliassat annertunersaat ataqatigiissaarinermut pilersaarusiornermullu tunngasuullutik, tamatumunngalu atatillugu ulluinnarni ingerlatsinermi suliassat naammassinissaannut, pilersuisunik suleqatigisartakkanillu danskisut oqaasilinnik suleqateqarneq
• Pisiniarnermi uninngasuutinillu aqutsinermi qarasaasiakkut sullississut nutaaq atuleqqammerparput, pilersorneqarnitta pitsaanerulersinnissaanut tunngatillugu sullississummik atuinermik inerisaaqqinnermi suleqataassaatit.
• Pisianik tikuttunik tigooraaneq – qarasassiakkut sullississut atorlugu nalinginnaasumillu sulinikkut- ilaatigut containerinik imaajaaneq
• Napparsimmavissuarmi immikkoortortat inniminnigaannik aggiussineq
• Toqusut illerfii inuullu timaanit misissugassatut piikkat ilanngullugit nassiussineq, tamatumunngalu atatillugu pilersaarusiorneq, eqqortumik poortuineq nassiussassanillu inniminniineq
• Peqqumaasivimmiittuutinik eqqortumik aqutsinermik periarfissamillu atuilluarnissamik qulakkeerineq
• Nuummi Peqqinnissaqarfiup pisiniarnermut immikkoortortaanik Aalborgimilu Region Nordjyllandip nunatsinnut immikoortortaanik suleqateqarneq
• Pisariaqartitsineq naapertorlugu peqqumaasivimmi suliassanik suliaqarneq

Pissarsiariniagarput:

• Peqqumaasivimmut, ataqatigiissaarinermut pilersuisunullu ataqatigiissunut tunngasumik ilinniagaqarpoq, imal. peqqumaasivimmi ingerlatsinermik, tamatumunngalu atatillugu nassiussanik tigooraanermik nassiussuinermillu ukiuni arlalinni misilittagaqarluni.
• Danskisut oqalussinnaallunilu allassinnaavoq ajornanngippallu illugiinnik- kalaallisut danskisullu oqaasiliulluni.
• Qarasaasiarsornermik sungiussisimavoq.
• Akisussaassuseqarpoq, kiffartuussiumatuujuvoq pimoorussisuullunilu, tamatumunngalu atatillugu suleqatinut sulisunullu maligassiuisuulluni.
• Aaqqiissuteqarusuttuuvoq, aaqqissuussillaqqissuullunilu pilersaarusiullaqqissuuvoq ataatsimullu isiginillaqqilluni.
• Inuttut qanoq ittuunerit nunatsinnilu ingerlatsiviit annersaasa ilaanni suliassanik pingaarutilinnik kivitsisinnaanissannik, imal. tamatuma ilikkarsinnaanissaanik annertuumik sapiissuseqarnissannik upperinninnerput pingaarteqaarput.

Uagut:

• Immikkoortortami pissanganartumi ineriartortumi, ulluinnarnilu ingerlatsinermi aalajangiisuulluinnartuni tassalu suliakkiinermik namminerlu akisussaaffeqarnermik pingaartitsiviusumi, suleqataalissaatit.
• Immikkoortortami suliassanik isumaginninnermut nalinginnaasumillu inerisaanermut tunngatillugu tapersersoqatigiinneq, ikioqatigiinneq siunersioqatigiinnerlu pingartinneqarput. Immikkoortortaq annertuumik tamatigoortumillu attaveqarfeqarpoq, inussiarnisaarfiulluni suleqatillu iluarinarlutik.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq:1. september 2025

Qinnuteqarfissaq kingulleq: 27. august 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Napparsimmavissuup qitiusumik peqqumaasiviani pisortaq Angerla Siegstad oqarasuaatikkut: (+299) 34 49 44 imal. mailikkut: ansi@peqqik.gl attavigalugu pissarsiarineqarsinnaapput

Ineqarneq

Atorfimmut tassunga inissamik innersuussisoqarsinnaanngilaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk