Fakta
Atorfiup suussusaa: Dronning Ingridip Napparsimmavissuani teknikkeqarfik sulisartumik angummik/arnamik pissarsiorpoq
Suliffeqarfik: Dronning Ingridip Napparsimmavissuani
Qinnuteqarfissamut killigititaq: 15. oktober
Attavissaq: Gorm Dupont, 585408 imaluunniit GVLD@PEQQIK.GL
Dronning Ingridip Napparsimmavissuani teknikkimut illuutinullu tunngasunik ingerlatsineq aserfallatsaaliinerlu teknikkeqarfimmit isumagineqarput.
Suleqatitaassatsitut makku suliassarissavatit:
- Iluarsaanerit
- Suliassat takkussortut
- Eqqagassalerineq
- Aputaajaaneq isaarissanillu saliineq
- Suliassat kiffartuussinermut tunngasut
Neqeroorutigaagut:
- Ulluinnaat allanngorartut assigiinngitsorpassuarnik suliassartallit
- Akisussaassuseqartumik nammineersinnaaneq
- Suleqatigiinnut ilinniagaqassutsikkut pikkorissunut akuulernissaq
Pissarsiariniagarput:
- Namminersorluni pimoorussillunilu sulisinnaavoq
- Suleqatiginnillaqqissuuvoq Peqqinnissaqarfimmilu assigiinngitsunik ilinniagalippassuarnik attaveqateqallaqqisuulluni
- Akisussaassuseqarpoq kiffartuussiumatuujullunilu
- Ajornanngippat truckimik ingerlatsisinnaanermut uppernarsaateqarpoq
- Kalaallisut oqalussinnaaneq iluaqutaassaaq
Uagut:
- Ingerlatsiviuvugut Peqqinnissaqarfiup immikkoortuinik kiffartuussisussat
- Suliffitsinnik nuannarinnittuuvugut suleqatigiittullu ataqatigiilluarluta
- Suleqatigiinnut arfineq pingasut qulillu akornanniittunut akuulissaatit
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. november 2025 immikkulluunniit isumaqatigiissuteqarnikkut
Qinnuteqarfissaq kingulleq: 15. oktober 2025
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Teknikkeqarfimmi pisortaq Gorm Dupont, oqarasuaatikkut: 585408 imal. mailikkut: GVLD@PEQQIK.GL attavigalugu pissarsiarineqarsinnaapput.
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.
Ineqarneq
Inissamik innersuussisoqanngilaq
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
