Eqimattanik katsorsaanermik immikkoortortami aqutsisoq

Uagut pilluta:

Siunnersuinermut Ilaqutariinnillu Katsorsaanermut Sullissivimmit meeqqanut, inuusuttunut ilaqutariinnullu siunnersuinikkut, ilaqutariinnik katsorsaanikkut aamma siunnerfilinnik tapersersuilluni suliniuteqarnikkut atugarissaarnermik ineriartortitsinermillu suliaqartoqartarpoq. Sullissiviuvugut suliatigut nukittuumik inissisimalluta, siusissukkut iliuuseqartarneq, suliassaqarfiit assigiinngitsut akornanni suleqatigiinneq aamma tamakkiisumik aaqqiissutit ukkataralugit.CRF-imi ilaqutariinnik naapitsinermi, amerlasuunik assigiinngitsunik ajornartorsiutilinnik, aalajangersimasumik meeqqanik isiginnittaaseqarluta suliatigullu qaffasissumik ilisimasaqarluta suliaqartarpugut. Suleqatigiinneq, sinaakkutit ersarissut kiisalu meeqqanut, inuusuttunut angajoqqaanullu ataqqinnittumik periuseqarnissaq pingaartipparput.

Atorfik pillugu:

Ataqatigissaarisartumik, meeqqanut, inuusuttunut ilaqutariinnullu tapersersortinnissaminnut pisariaqartitsisunut allanngueqataanissamut uummateqarfiginnittumik tunniusimasumik patajaatsumillu pissarsiorpugut. Ataqatigiissaarisartutut ilaqutariit iliuuseqarsinnaanissaminnut piginnaasaannik nukittorsaataasunik meeqqallu atugarissaarnissaannut tapersersuisunik suliniutinik ineriartortitsinermi naammassinninnissamullu suliaqarnissamut pingaarutilimmik inissisimasuussaatit. Atorfimmi pingaarnertut ilaqutariinnik siunersiuititsineq ukkatarineqassaaq, tassungalu pilersaarusiornermut, ingerlatsinermut malinnaatitsinermullu akisussaasuussaatit.

Ataqatigiissaarisartoq alla peqatigalugu ilaqutariit, attaveqaataat sulisullu attuumassuteqartut akornanni pingaarutilimmik atuuffeqassaatit. Toqqissisimasumik aaqqissuussaasumillu ingerlatsinerit, amerlasuutigut misigissutsikkut piumasaqaatitaqartut assigiinngisitaartullu, qulakkiissavatit.

Suliassatit ilaatigut makkuussapput:

∙Suliamik aallarniisoq suleqatigalugu ilaqutariinnik siunersiuititsinermik pilersaarusiorneq ingerlatsinerlu

∙Meeqqat/inuusuttut, angajoqqaat attaveqaataallu kajumissuseqalersikkumallugit oqaloqatiginninnernik ingerlatsineq

∙Meeraq, angajoqqaat suliamillu aallarniisoq peqatigalugit meeqqap apeqqutissai suliaralugit.

∙Ilaqutariinnik siunersiusitsinermut atatillugu suliatigut ataqatigiissaarineq (killiliussat, nerisaqartitsineq, toqqissisimatitsineq il.il.)

∙Ilaqutariinnik siunersiuisitsinerup kingorna malinnaaffiginninnermik aamma malinnaaffiginninneq pillugu ataatsimiinnerit ingerlannissaannik qulakkeerinninneq.

∙Inuusuttunut ilaqutaanullu siunnersuineq tapersersuinerlu

∙Atassuteqaateqalersitsinermik ataasiakkaaralunilu naleqqussakkanik ingerlatsinerit

∙Inuusuttunut ajornartorsiutilinnut siusissukkut pitsaaliuinermillu suliniuteqarneq

∙Assigiinngitsunik immikkoortunillu assigiinngitsunik suleqateqarneq ilaatigut isumaginninnermi siunnersortinik, ilaqutariinnik katsorsaasunik, atuarfinnik, ulluunerani neqeroorutinik, politiinik allanillu

∙Attaveqatigiit ataatsimiinneranni aamma suliat pillugit ataatsimiinnerni peqataaneq

∙Systemini attuumassuteqartuni nalunaarsuineq, uppernarsaasiorneq malinnaaviginninnerlu

∙Suleriaatsimik naliliineq (matumunnga ilanngullugit nalilersuinermut immersugassaq aamma sunniuteqarneranut malinnaaviginninneq)

∙Suliffeqarfiup iluani ilaqutariinnik siunersiuisitsineq pillugu ilinniartitsineq/saqqummiineq

Naatsorsuutigaarput illit:

∙Isumaginninnermut attuumassutilimmik ilinniagaqarsimasutit (ass. isumaginninnermut siunnersortitut, perorsaasutut, isumaginninnermi suliaqartarnermut assigisaanilluunniit)

∙Meeqqanut, inuusuttunut ilaqutariinnullu tunngasunik suliaqarnermik misilittagaqartutit, ajornanngippat kommunimut pitsaaliuinermulluunniit atasumik

∙Ataatsimut isiginnissinnaassuseqarlutit, aaqqissuussaasumik namminersorlutillu sulisinnaasutit

∙Attuumassuteqarnermik suliaqarnermi nukittuffeqartutit aamma tatiginninnermik toqqissisimanermillu pilersitsisinnaasutit

∙Suleqatikkuminartuusutit aamma suliassaqarfinni assigiinngitsuni suleqatigiiffiusumi ingerlalluarsinnaasutit

∙Kalaallisut qallunaatullu oqaluttariarsornikkut allattaasitigullu ingerlatitseqqiisinnaasutit, piumasaqaataanngilarli

∙Suliniuteqallaqqittutit, akisussaaffeqartutit tamakkiisumik takunnilluarsinnaasutit

∙Ulluinnarni pisoqarfiujuartuni pilersaarutaareersunik tassanngaannartunillu suliaqarfiusuni sulilluarsinnaasutit

∙Eqqarsartaatsikkut timikkullu tatituujusutit pisunilu ilungersunartuni suliatigut piginnaasaqaannarsinnaasutit eqqissisimaannarsinnaasutillu

Neqeroorutigaavut:

∙Suleqatit tunniusimasut suliatigut nukittuumik avatangiisillit suliatigullu assigiinngitsutigut suleqatigiittarneq

∙Piginnaasanik ineriartortitsinissamut periarfissat

∙Suliffik isumaqarluartoq, meeqqanut ilaqutariinnullu piviusumik allannguisitsiffigisassat.

∙Siunersioqatigiittarnermut, suliatigut ineriartortitsinermut supervisionertarnermullu tunngaviit pitsaasut

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Janusiya Makendrarajah, oqarasuaat +299 55 06 16 imaluunniit e-mail: jmak@sermersooq.gl imaluunniit uunga:

fagchefi Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 107-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 20.-at, 2026

Atorfik una qinnuteqarfigiuk