Ilaqutariinnut immikkoortortamut tapersersuisumik suliniutinut inuusuttunut siunnersortit marluk

Uagut pilluta:

Siunnersuinermut Ilaqutariinnillu Katsorsaanermut Sullissivik meeqqanut, inuusuttunut ilaqutaannullu atugarissaataasunik ineriartortitsinermullu nukittorsaalluni suliaqartuuvoq, siunnersuinikkut, ilaqutariinnik katsorsaanikkut aamma siunnerfilimmik tapersersuisumillu suliniutitigut. Sullissiviuvugut suliatigut ilisimasaqarluartut, siusissumik iliuuseqarnermik aamma tamakkiisumik isiginnissuseqarluta aaqqiissutsinik ukkataqartut.

Atorfik pillugu:

Inuusuttunut siunnersortinik tunniusimasunik marlunnik pissarsiorpugut, ilaqutariinnut inuusuttunullu tapersersorneqarnissaminnut pisariaqartitsisunut allanngueqataanissamut piumassuseqartunik. Inuusuttunut siunnersortitut ilaqutariit iliuuseqarsinnaanissaminnut piginnaasaannik nukittorsaataasunik meeqqallu atugarissaarnissaannut tapersersuisunik suliniutinik ineriartortitsinermi naammassinninnissamullu immikkoortortami suliaqarnissamut pingaarutilimmik inissisimasuussaatit. Suliami pitsaaliuilluni tapersersuillunilu periuseqarneq aallaavigineqarpoq tamannalu ilaqutariit aammalu suliffeqarfiup iluani avataanilu suleqatigisat qanimut suleqatiginerisigut pissalluni.

Suliassatit ilaatigut makkuussapput:

·Inuusuttunut ilaqutaannullu siunnersuineq tapersersuinerlu

·Atassuteqaateqalersitsinermik ataasiakkaaralunilu naleqqussakkanik ingerlatsinerit

·Inuusuttunut ajornartorsiutilinnut siusissukkut pitsaaliuinermillu suliniuteqarneq

·Akimortumik immikkoortullu akimorlugit suleqatigiinneq

·Attaveqatigiit ataatsimiinnerannut peqataaneq suliniutinillu ataqatigiissaarineq

·Systemini attuumassuteqartuni uppernarsaasiorneq malinnaatitsinerlu

Illit makku piginnaaneqarfigissagitit naatsorsuutigaarput:

∙Isumaginninnermut attuumassutilimmik ilinniagaqarnissat (ass. isumaginninnermut siunnersortitut, perorsaasutut, isumaginninnermi suliaqartarnermut assigisaanilluunniit)

∙Inuusuttunut ilaqutaasunullu tunngasunik suliaqarnermik misilittagaqarnissat, ajornanngippat kommunimut pitsaaliuinermulluunniit atasumik.

∙Ataatsimut isiginnissinnaassuseqarlutit, aaqqissuussaasumik namminersorlutillu sulisinnaanissat

∙Attuumassuteqarnermik suliaqarnermi nukittuffeqarnissat tatiginninnermillu pilersitsisinnaanissat

·Tapertariilluni suleqatigiinnermi nukittuffeqarnissat

∙Kalaallisut qallunaatullu oqaluttariarsornikkut allattaasitigullu saqqummiillaqqissuunissat

·Aaqqissuussaasumik sulisinnaanissat ajornartorsiutinillu artornarsinnaasunik suliaqarsinnaanissat

·Ulluinnarni pisoqarfiujuartuni pilersaarutaareersunik tassanngaannartunillu suliaqarfiusuni sulilluarsinnaanissat

∙Timikkut eqqarsartaatsikkullu tatituujunissat aamma ulluinnarni ulapaarfiusuni tamakkiisumik isiginnissinnaassuseqarnissat suliamullu piginnaasaqarnissat, ilaatigut pisuni assigiinngiiaarsinnaasuni ilungersunarsinnaasunilu.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut

∙Suleqatit tunniusimasut suliatigut nukittuumik avatangiisillit suliatigullu assigiinngitsutigut suleqatigiittarneq

∙Piginnaasanik ineriartortitsinissamut periarfissat

∙Suliffik isumaqarluartoq, meeqqanut ilaqutariinnullu piviusumik allannguisitsiffigisassat

∙Siunersioqatigiittarnermut, suliatigut ineriartortitsinermut supervisionertarnermullu tunngaviit pitsaasut

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Janusiya Makendrarajah, oqarasuaat +299 55 06 16 imaluunniit e-mail: jmak@sermersooq.gl imaluunniit uunga:

Fagchefi Maliina Junge Jørgensen, oqarasuaat + 299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 106-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 20.-at, 2026

Atorfik una qinnuteqarfigiuk