Ernæringsassistent / køkkenassistent-mik Ippiarsuk pissarsiorpoq

Ippiarsummi paaqqutarinnittarfik sisamanik immikkoortortaqarpoq 10-niit 12-nut inissaqartitsisumi, saniatigut immikkut puijortunngortunut immikkoortortaqartumi 10-nik inissaqartitsisumi, aammalu 12-nik inissaqartitsisumik inuusunnerit innarluutillit najugaqarfiutigisumik, kiisalu ullukkut atuisut / sammisassaqartitsivik, tassanilu atuisut 26-upput, 39-usinnaallutittaaq. Cafeteriaqarpoq, errorsisarfik kiisalu allaffik.

Ippiarsuk paaqqutarinnittarfiani – aammalu sammisassaqartitsivik 1999-mili atuutilersoq, alianaatsorsuarmi avatagiiseqarpoq, bussinullu attavigissaartumi.

Ullut tamaasa inunnut 140-nut kissartunik qallersukkanillu nerisitsisarpoq, taakkulu saniatigut cafeteriami ulluinnarni tuniniarneqartarput aamma atuisunut sulisunullu. Immikkoortortaqarfinniit arlalinnik peqqissartutut immikkut nerisalinnut inniminniisoqartarpoq, soorluttaaq aamma sammisassaqartitsivimmi atuisunut, illullu sinneri aamma nerisassiuuttarpaat; soorlu ullorsiornermi, nalliuttuni, ataatsimiinerni allanilu illup iluani susoqassagatillugu. Cafe-mi aamma kioskeqarpoq.

Sulineq naliginnaasumik ullaakkut 7-miit 15-ip tungaanut sulliviuvoq, nikeraallunilu nal. 8-miit 16-ip tungaanut sulisarlutik, kiisalu weekend allortarlugit paarlakaattarput, ukiullu ingerlanerani nalliuttuni taamatuttaaq paarlakaattarlutik.

Soqutiginnikkuit najugallillu ulluinnarni nerisaqarnerini kiffartuukkusukkukkit, utoqqalinermilu peqqissunik nerisaqartitsinissami ineriartortitseqataarusukkuit, najugallillu pisarneq malillugu kalaalimertortittarnerini kiffartuukkusukkukkit, taava illit amingaatigaatsigit.

Suliassamut pimoorussiguit suleqatigiinnermullu piginnaaneqaruit, qinnuteqaatit nassiuguk.

Naatsorsuutigaarput illit:

∙Ernæringsassistent /køkkenassistent-iusutit∙Suleqatikkuminartuusutit∙Aalajaallutillu namminersorsinnaasutit∙Sungiussiasuusutit∙Qiimasuusutit

Neqeroorfigisinnaavatsigit:

∙Sullivillatsialammik∙Sulisunik ilisarititsineq∙Sunneeqataanissarnik sulinerup piareersarnissaanik

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Iggavimmi Aqutsisoq Mose K. Pedersen, oqarasuaat +299 36 61 80 / +299 36 61 81 imaluunniit e-mail: mkap@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 926-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 24.-at, 2025

Atorfik una qinnuteqarfigiuk