PAASISSUTISSAT
Atorfiup suussusaa: Erninermut atatillugu paarlatsi Suleqatigiinni aqutsisoq Målerteknikkimi Digitaliseringimut
Suliffeqarfik: Nukissiorfiit
Qinnuteqarfissamut killigititaq: juulip 30.-at, 2025
Attavissaq: Alu Gunnar Petrussen attavigineqarsinnaavoq emailikkut: gap@nukissiorfiit.gl imaluunniit oqarasuaammut: (+299) 349530.
Erninermut atatillugu paarlatsi Suleqatigiinni aqutsisoq Målerteknikkimi Digitaliseringimut
Uuttuutinik suliassaqarfimmi isumannaatsutut ingerlatsineq aqqutigalugu Kalaallit Nunaanni tamarmi innaallagissamik, imermik kiassarnermillu pilersuinerup qularnaarnissaanut ilalersuuteqarnissat takorloorpiuk? Sulisunik aqutsinermik misilittagaqarpit, imaluunniit ilunniippa sulisunut pisortatut inissisimaffik? Taava uuttuutinut teknikkimut suleqatigiinni aqutsisup ernisimanermi sulinngiffeqarfiani sinniisuuffimmi piginnaasannik misileraanissannut periarfissaq tamassa.
Suleqatigiinni aqutsisutut suleqatigiinni pingasunik inuttalimmi ingerlatsinermut siuarsarnermullu akisussaaffeqassaatit, tassanilu digitaalinngorsaanermut pisortaq qullersarissavat. Aammattaaq qullersaqarfimmi, kiisalu sineriammi immikkoortoqarfinnik qanimut suleqateqassaatit.
Timitalittut Nuummi inissisimaffilimmit qullersaqarfitsinnit suliffeqassaatit.
Suliassatit pingaarnerit tassaapput:
- Sulisunik aqutsinerit
- Aaqqiissutinut atuisarnermut akisussaaffeqarneq
- Sinerissami suleqatinut attaveqartarnerit
- Sinerissami ilitsersuutinik pilersitsinerit
- Ingerlattakkat
- Sulianut tunngasutut ataatsimiititaliani ataatsimiittarnerit
- Immikkoortoqarfiit killeqarfii qaangerlugit suleqatiginninnerit
- Suliassanik ataqatigiissaarinerit
- Uuttortaatinik immikkoortoqarfimmut ukiumi pisussanik/ullorsiutinik ataqatigiissaarinerit
- Killiffissalianik (deadlinenik) malittarinnittarnissamut ataqatigiissaarineq
- Controllerinit allattuiffinnik misissuillunilu akuersisarnerit.
Suut naatsorsuutigisinnaavigit?
- Suleqatigiinnut sulisunut akisussaffeqassaatit
- Suliassatit nalinginnaat tassaassapput aqutsinerit, pingaarnersiuinerit, aamma ulluni suliffinni suliassanik malitseqartitsinerit
- Ineriartortitsinermik, aamma paasissutissat pissarsiarinerinik toqqortarisarnerinillu pitsaanerpaanngorsaasarnernik suliaqartassaatit
- Suliffiup iluani avataanilu suleqatigisartakkanik suleqatiginnittassaatit
- Ingerlattakkat ineriartortillugillu aserfallatsaaliuvigisarnerinut akisussaaffeqassaatit
- Nunap immikkoortuini ingerlatsinermut sulisunik akisussaaffilinnik qaammatikkaartunik sulianut tunngasutut ataatsimiititalianik ataatsimiisitsisarnerit
- Qullersaqarfimmi immikkoortoqarfiit, nunap immikkoortuini pisortat, aamma sinerissami immikkoortoqarfiit akornanni killeqarfinnik qaangiisunik ataqatigiissaarinerit.
Makku neqeroorutigisinnaavagut:
Uagutsinni ullut suliffiit, suliassagut ataatsimoorullugit kivitsivigisarfigut, aammalu sulianut tunngasutigut eqimattut immikkoortoqarfiillu killeqarfii qaangerlugit suleqatigiiffigisagut naatsorsuutigisinnaavatit. Tamaaniipput suliassat amerlallutillu assigiinngiiaartut, suleqatitillu assigiinngitsorpassuarnik tunngaveqartunik neqeroorutissaqartuupput.
Nukissiorfiit tassaavoq suliffeqarfik savitooq, tamaanilu sulianut tunngasutut inuttullu ineriartornerit pingaartuutippavut.
Suliffiup pitsaasuunissaanik, eqaassusilittullu ingerlatsiviullunilu peqqinnartuunissaanik pimoorussivugut. Tamakkununngalu ilaapput Nukissiorfiit ilaatigut fleksimik aaqqiissuteqarnera, kantiinatsialaqarnera, aamma sulinerup nalaani timigissartarfeqarnera.
Ujarpatsigit ima ittutit:
- Attuumassutilimmik ilinniagalik, soorlu hardwarit iluini, imaluunniit paasissutissanut teknikkimut tunngasumik ilinniagalik (el-installatøri, el-ingeniøri, maskinmesteri, issittumi ingeniøri, datalogi, assingusullu)
- Ataqatigiissaarinermik, attaveqaqatiginninnermik, suleqatiginninnermillu piginnaasaqarluartoq, aammalu kiffartuussinermini qaffasissumik inissisimaffeqartitsisoq
- Pisortatut inissisimanermik misilittagaqassaatit – imaluunniit taama ittuunissamut piumassuseqarlutit
- Ungasianit atuaasarfittut uuttuutinik, aamma paasissutissanik katersuinermik ilisimasaqassaguit tamanna iluaqutaassaaq, piumasaqaataananili
- Suliniutinik aqutsinermik ilisimasaqassaguit – aamma misilittagaqassaguit – tamanna iluaqutaassaaq
- Kalaallit aamma danskit oqaasiinik ilisimasaqarnerit iluaqutaassapput, piumassaqaataanngillalli
- Qarasaasialerinermut iternga tikillugu misilittagaqassaatit, ilanngullugit Microsoft Officemi katersaatit.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaanngilaq
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Alu Gunnar Petrussen attavigineqarsinnaavoq emailikkut: gap@nukissiorfiit.gl imaluunniit oqarasuaammut: (+299) 349530.
Paasissutissat allat:
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: juulip 30.-at, 2025
Atorfik una qinnuteqarfigiuk
