Facilitymi immikkoortortamut Viceværti Isumaginnittoq /Illuutinik sullissinermi teknikeri

Nuummi Kommuneqarfik Sermersooq kommunip illuutaannik suliffeqarfiutaannillu sullisinermi ikiortimik soqutiginnittumik tamatigoortumillu sulisussarsiorpoq.

Viceværti Isumaginnittutut/Illuutinik sullissinermi teknikeritut Facilitymi suleqatigiinnut ilaalissaatit, atorfik Facility Pisiniartarnermullu Immikkoortortap ataaniippoq aamma Facilitymi immikkoortortaqarfimmi aqutsisoq qaninnertut pisortarissavat. Facilitymi immikkoortortap kommunip illuutaasa ingerlanneqarnerat aserfallatsaalineqarnerallu akisussaaffigai, immikkoortortap sinneranit pisiniarnermik, isumaqatigiissutinik, neqeroorutinik aamma sillimasiinernik suliat ingerlanneqarput.

Atorfik pillugu:

Atorfik assassorluni suliassanik aamma kommunip illuutaani taakkualu eqqaanni isumaginninnermik suliassanik akuleriimmik atuuffeqarpoq. Kommunip illuutaasa pitsaanerpaamik atuussinnaanerannut, isumannaatsuunerannut aamma iseruminartuunerannut illit qulakkeerinneqataassaatit.

Facilitymi suleqataasutut illit:

·Kommunip illuutaani pinaveersaartitsilluni aserfallatsaaliinerit aamma mikinerusunik iluarsaassinerit (ass. VVS, sarfaq, parnaarsaatit, pequtit ass.)

·Silami nunaminertanik ingerlatsineq, taakkununnga ilanngullugu sanaartornermik suliassat mikinerit, aputaajaaneq aamma eqqagassanik passussineq

·Sulisut aamma innuttaasut suliassanik ikiortariaqartut imaluunniit ilitsersortariaqartut pillugit attavigineqarsinnaaneq

·Avatangiisit isumannaatsuunerannut, toqqissisimanartuunerannut aamma paarilluarneqarnerannut peqataaneq

·Suleqateqarneq - viceværtinik, handymaninik, sullissinermik sulialinnik - kiisalu pisiniartarfinnik

Illit suleqatissarput:

·Assassornermik ilinniagaqassaaq (ass. sanasoq, sarfalerisoq, VVS-ilerisoq, qarmaasoq assigisaaluunniit)

·Teknikkimik paasisimasaqassaatit aamma illuutinik ingerlatsinermik aserfallatsaaliinermillu misilittagaqassaatit

·Sullissinissamik anguniagaqartuuvutit, ammasoq aamma inunnik allanik attaveqallaqqissoq

·Namminersorlutit sulisinnaavutit akisussaaffimmillu tigumminnissinnaallutit

·Biilersinnaanermut allagartaqarnissat

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

·Ulluinnaat assigiinngisitaartut teknikkimut inooqatigiinnermilu akisussaaffinnik imalik

·Suleqatigiit suliamut piginnaaneqarluartut

·Suliffik isumaqarluartoq illuutit inuillu pillugit immikkut isumalimmik angusaqarfiusoq

Paasissutissat ilisimasariallit:

·Suliffiup sumi inissisimanera: Kommuneqarfik Sermersooq, Nuuk

·Ulloq naallugu atorfik

·Akissarsiat aamma atorfinitsitsineq kommunimi isumaqatigiissutit atuuttut naapertorlugit

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Angerla Egede Enoksen, oqarasuaat +299 36 71 44 imaluunniit e-mail: aeen@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 883-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 12.-at, 2025

Atorfik una qinnuteqarfigiuk