Fuldmægtigi illersornissamut sillimaniarnermullu tunngasunik suliaqartartussaq

Nunanut Allanut Ilisimatusarnermullu Naalakkersuisoqarfimmi suleqatissaq illersornissamut sillimaniarnermullu tunngasunik suliaqartartussaq

Nunat tamalaat akornanni naalakkersuinikkut pissutsinik soqutigisaqartuuit? Nunanut allanut tunngasunik aamma illersornissamut tunngasunik innuttaasut akuutsinneqarnissaannut suliassanik suliaqartarsinnaanissat takorloorsinnaaviuk? Kalaallit Nunaata sillimaniarnermut politikissaata suliarinerani sunniuteqaqataarusuppit? Taamaakkuit Nunanut Aallanut Ilisimatusarnermullu Naalakkersuisoqarfimmi fuldmægtigitut atorfik ilinnut immaqa soqutiginarsinnaassaaq.

Atorfik

Nunanut Allanut Ilisimatusarnermullu Naalakkersuisoqarfik Kalaallit Nunaata nunatsinni nunanilu allani sillimaniarnermik illersornissamillu suliaqarfinni soqutigisaanik suleqatigiit amerlanngitsut suleqatissaanik sulisussarsiorpoq.

Suliassatit tassaanerussapput suleqatigiit suliassaanik ikorfartuineq, ilaatigut makkuusunik: 

• Danskit sillimaniarnermut oqartussaqarfiilu ataatsimut suliassanik ataqatigiissaarinninneq, matumani USA peqatigalugu Permanent Committeep ukiumoortumik ataatsimiisinneqartarnera taavalu Pituffik Space Basemut attuumassuteqartunut pillugit.
• Naalakkersuisut danskit illersornissamut isumaqatigiissutaanni peqataatinneqartussaatillugit illersornissaq pillugu isumaqatigiissutissap piareersarneqarnerani atuutilersinneqarneranilu suliaqarneq. 
• Sillimaniarnermut tunngasunik policy-nik inerisaaneq.
• Nunatsinni nunanilu tamalaani suleqatigiinnerit assigiinngitsut ingerlaavartumik attaveqarfigissallugit, matumani Kalaallit Nunaata nunanik allanik ataasiakkaannik attaveqaqatigiinnerisa inerisarneqarnissaanik Nunarpullu nunani tamalaani suleqatigiiffiini suleqatigiinnerni peqataasarnera ilanngullugit aallussaqarneq.
• Naalakkersuisut sinniisoqarfiinik Naalakkersuisullu DANATO-mut atorfilittaq aningaasaliiffigisaat qanimut attaveqarfigissallugit suleqatigissallugillu. 
• Naalakkersuisoqarfimmi aqutsisut atugassaanik misissueqqissaarneq siunnersuusiornerlu
• Naalakkersuisup ingerlaavartumik sullinnera, qaffasissumik ataatsimiinnissat tikeraarteqarnissallu ataqatigiissarneri il.il.
• Ingerlatsinermi sulianik sutigut tamatigut ikiuineq, matumani Inatsisartunut attuumassuteqartut ilanngullugu.
• Nunani tamalaani ataatsimeersuarnerni assigisaanilu sinniisuuneq. 

Illit

Sivisunerusumik ingerlaqqiffiusumik ilinniagaqarsimanissat aamma naalakkersuinermik suliallit aalajangeeriaasiannik misilittagaqarsimassasutit takorloorparput. Atorfik inummik nukittuumik soqutiginnittumillu inuttalerneqarnissaminik piumasaqaatitaqarpoq, taanna Kalaallit Nunaat sinnerlugu nunani tamalaani sinniisutut iliuuseqarlunilu sinniisutut sulisassaaq. Taamaattumik illit inuttut piumassuseqarluassaatit, attaveqallaqqittuullutit (kalaallisut, danskisut tuluttullu) kiisalu Kalaallit Nunaanni inuiaqatigiinni pissutsinik ilisimasaqarluartuussallutit. Suliassaqarfimmi illersornissamut sillimaniarnermullu politikkimik imaluunniit Kalaallit Nunaata nunanut allanut politikkianik misilittagaqarneq iluaqutaassapput. 

Kalaallit Nunaata nunanit allanit isiginiarneqarnerata malitsigisaanik suliffik suliffigisinnaassagaanni allanngortitseratarsinnaaneq eqaassuserlu piumasaqaataapput, tassami Naalakkersuisoqarfimmi ullut suliffiusut ulapiffiusarlutillu allanngoriasaarsinnaasarmata. Taamaattumik suleqatitta ikioqatigeerusussuseqarlutik tapersersoqatigiittarnissaat pingaartitaraarput. Taakkua paarlattuanik suliffik tatigeqatigiinnermik anersaaqarluni ingerlatsiffiusoq neqeroorutigaarput, tassani illit suliat pillugit oqaloqateqarnissamut ineriartornissamullu periarfissaqarluassaatit. Siunissami piareeqqasinnaassaatit naalakkersuisoqarfiup suliassaqarfinnut akisussaaffigisaannut allanut nuussinnaanissannut.

Atorfimmut atatillugu angalasarnissat naatsorsuutigissavat. Siunissami najugaq qimallugu suliartortitaasinnaaneq aamma qinnuteqartumut tulluartumut periarfissaavoq. 

Nunanut allanut Ilisimatusarnermullu Naalakkersuisoqarfik pillugu

Nunanut allanut Naalakkersuisoqarfik 30-t missaannik sulisoqarpoq, taakkua Nuummi sinniisoqarfitsinnilu sisamaasuni agguataarlutik sulipput, makkunani Bruxelles, Washington D.C., Reykjavik aamma Beijing. Nunanut allanut Ilisimatusarnermullu Naalakkersuisoqarfik pillugu annertunerusumik paasisaqarusukkuit paasissutissat amerlanerusut uani pissarsiarisinnaavatit www.naalakkersuisut.gl.

Isumannaallisaanermi akuerineqarneq

Atorfik atorfittaarissagukku illit HEM-ip qaffasissusaanik isumannaallisaanermi akuerineqarsinnaanissannik piumasaqaatitaqarpoq. Taamaattumik pinerlussimasut nalunaarsuisarfianit annillatsinneqarsimasoq aallarniutitut ilanngullugu nassiutissavat. Taanna najukkami politiitut oqartussaasunut imaluunniit ugguuna: https://politi.dk/straffeattest/bestil-privat-straffeattest aaneqarsinnaavoq.

Paasissutissat allat

Atorfik pillugu annertunerusumik paasisaqarnerorusukkuit, Naalakkersuisoqarfimmi pisortaaneq Mininnguaq Kleist mailikkut mikl@nanoq.gl imaluunniit immikkut siunnersortimut Sophie Rud-imut soru@nanoq.gl attaveqarnissat tikilluaqquneqarpoq.

Qinnuteqaat

Qinnuteqarfissap killinga tassaavoq 8. August 2025 piaarnerpaamillu aallartittoqarsinnaalluni kingusinnerpaamillu ulloq 1. oktober 2025.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk