Gux-aasiaat kontorfuldmægtigimik pissarsiorpoq

Avannaani Ilinniarnertuunngorniarfik

Nordgrønlands Gymnasiale Skole

Atuarfittaamut 7 · 3950 Aasiaat

Telefon: +299 89 49 00

Mailadresse: gux-aasiaat@gux-aasiaat.gl

Hjemmeside: www.gux-aasiaat.gl

GUX Aasianni kontorfuldmægtig-sarsiorpoq

Avannaani Ilinniarnertuunngorniarfik (GUX Aasiaat) allaffiani 01. Marts 2026 allaffimmi suleqatissamik pissarsiorpoq.

Inussiarnersumik aamma allanngortitsinissamut piareersimasumik inummik allaffimmiutut ilinniarsimasumik sulisussarsiorpugut, MS Officemik aamma Namminersorlutik Oqartussat IT-mik atortuinik misilittagaqarluartumik.

Ulluinnarni allaffissornermi sulisunut ikittunnguanut suleqataassaatit, allaffissornermi aqutsisup ataani, ilinniarnertuunngorniarfiup pisortaanut allaffissornermi suliassanik suliaqartassallutit aamma ilinniarnertuunngorniarfiup ilinniartitsisui ilinniarnertuunngorniartuilu sullitarisassallugit.

Allaffissornermi sulisut akisussaaffii pingaarnerit makkuupput:

• Allatseqarnermut tunngasunik suliaqartarneq (nalunaarsuisarneq, toqqortaatinut ilioraaneq, oqarasuaat aamma allakkat)

• Allaffissornermut atortunik assingusunillu ilinniarnertuunngorniarfiup iluani tunisaqartarneq il. il.

• Kantinap isertitaanik nakkutigalugit

• Fakturanik ingerlaavartunik kontulersuineq aamma akuerisineq IRIS-ikkut

• Rekvisitioninik ingerlatsineq

• Naatsorsuutit kontuinik naliigiissaarineq

• Ilinniartut allaffissornertai aamma qinnuteqaatinik suliaqarneq

• Allaffissornikkut matuersaatit ingerlatsineq (salto superbruger)

• Angalanermi ullormusiassanik siumoortunik aamma angalanermi naatsorsuusiornerit

• Akissarsiassanik nalunaarsuinermi aamma allattorsimaffianik akisussaaqataaneq

• Akissarsiat aamma sulisut allaffissorneranik akisussaaqataaneq

• Missingersuutit aamma naatsorsuutit akissussaaqataaneq

• Misilitsinnermi aammalu soraarummeernermi allaffissornerani suliaqarneq

Kingullertullu kisianni minnerunngitsumik pisariaqartipparput illit allaffimmi suleqatitut nammineerlutit sulisinnaanissat, suut tamaasa malinnaaffiginissaat aamma uummaarissumik aamma allanngortitsinermik piareersimasuni avatangiisini sulisinnaanissat suleqatit aamma ilinniarnertuunngorniat akornanni.

Piginnaanerit kissaatigineqartut:

• Allaffimmiutut ilinniagaqarsimaneq aamma pisortani allaffissornermik annertuumik misilittagaqartuuneq, tassunga ilanngullugit aningaasaqarnermik aamma sulisoqarnermik

• Ataqatigiissumik aaqqissuussisartoq, tamanik malinnaaneq, torersuunissamik piginnaaneqarneq aamma akisussaassusermik pingaartitsisoq

• Suleqatigiinnissamut piginnaaneqarneq aamma attaveqaqatigiinnermut – allaffiup iluani aamma ilinniartitsisunut ilinniarnertuunngornianullu

• Ilinniarnertuunngorniarfiup atugaanik IT-mut atortunik ilisimasaqarneq (Microsoft Office, Lectio, IRIS aamma XAL)

• Sullisserusussuseqartoq

• Ulluinnarni allanngortumik suliffiusartumi allanngoriasaarnissamut sillimasinnaassuseqartoq

• Sulilluarsinnaasoq

• Marlunnik oqaaseqartuunissaq (kalaallisut qallunaatullu)

• Qiimasuuneq

Neqeroorutigaavut:

• Suleqatit aallussilluartut

• Namminersuutigisassanik suliassanik akisussaaffimmillu periarfissaqarneq

• Atorfimmi suliassat sunniuteqarfinissaanut periarfissaqarneq

• Sulisunut iluaqutaasut soorlu assersuutigalugu timigissartarnissamut aamma qaannamik sisoraatinillu attartornissamut periarfissaqarneq

Atorfik 01. marts 2026 imaluunniit tamatuma kingornatigut piaartumik inuttalerneqarnissaa kissaatigineqarpoq.

Atorfik pillugu paasissutissat allaffimmi aqutsisumut Magseranguaq S. Albinus, e-mailia magseranguaq@gux-aasiaat.gl, tlf. +299 89 49 05, saaffiginninnikkut pissarsiarineqarsinnaapput.

Kingusinnerpaamik qinnuteqaateqarfissaq 08. januar 2026. Qinnuteqartut ingerlaavartumik oqaloqatigineqarnissamut aggersarneqartassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk