GUX Aasiaat siunnersortimik piffissaq tamakkerlugu sulisussamik pissarsiorpoq

Avannaani Ilinniarnertuunngorniarfik

Nordgrønlands Gymnasiale Uddannelse

Atuaefittaamut 7 · 3950 Aasiaat

Telefon: (+299) 89 49 00

Mailadresse: gux-aasiaat@gux-aasiaat.gl

Hjemmeside: www.gux-aasiaat.gl

GUX Aasiaat siunnersortimik piffissaq tamakkerlugu sulisussamik pissarsiorpoq

Aasianni Avannaani Ilinniarnertuunngorniarfik Kalaallit Nunaanni ilinniarnertuunngorniarfiit avannarpasinnersaraat. Atuarfik Qeqertarsuup Tunuaniippoq. Avannaalu tamakkerlugu ilinniartuuteqarluni. Ilinniartut amerlasuut atuarfiup kollegiaani, atuarfiup eqqaani inissisimasuni najugaqartuupput, taamaattumillu atuarfik kostskolitut ippoq – taamaattuunngikkaluarluni. Atuarnerup aallartinnerani atuartut 250-it missaanniissapput, kisianni atuarunnaartartut amerlapput, taamaattumik ukiup atuarfiusup naanerani malunnaateqarluartumik ikinnerussapput.

Kissaatigaarput ilinniartunik siunnersuinerup pitsaanerulersinnissaa. Taamaattumik piffissaq tamakkerlugu sulisussamik ilinniartunut siunnersortitut atorfimmik pilersitsivugut.

Siunnersortip sammisassat pingaarnerit:

• Meeqqat atuarfianit GUX-imut ikaarsaariarnermut piareersaaneq
• Ilinniartunut 1. g-mi aallartittunut atualernermi aaqqissuussinernut assigiinngitsunut peqataaneq
• Ilinniartunik iluarisimaarinninneq pillugu inuttut oqaloqateqartarnerit
• Atuanngitsoortarneq pillugu oqaloqateqartarnerit
• Ilinniartut soraarummeernissamut annilaanganerat pillugit ikiuunneq
• Angajoqqaanik unnussioqatigiinnermik aammattaaq tamanut ammasumik aaqqissuussinernut piareersaaneq aamma ingerlatsineq
• Illoqarfinnut anginerusunut siunnersortit angalanerinik pilersaarusiorneq aamma ingerlatsineq
• Novembarimi aamma marsimi killiffimmut karakteriliinermut atatillugu suleqatigiit ataatsimiinnerini peqataasarneq
• Ilinniartunik ilinniarnermut atatillugu siunnersorneqarnissamut innersuussineq
• Qinnuteqartunut nutaanut qarasaasiami paasissutissanik nutarterineq
• Atualernermut atatillugu inerniliinernik aamma oqaloqatigiinnerit allat Lectio-mi ilinniartunut tunngasunut upload-ertarnerat, taamaalillutik aqutsisut aamma siunnersuinermik suliallit tamarmik ilisimatinneqassammata
• Atuarfimmi sulisunut allanut oqaluttaaneq iliniartunik oqaloqateqarnermut atatillugu
• Avatanit telefonikkut aamma mailikkut saaffiginninnernik tigusisarneq atuarfimmilu siunnersortinut allanut ataqatigiissaarineq.

Uagut neqeroorutigaavut

• Suleqatit aallussilluartut
• Nammineerluni suliaqarnissamut aamma akisussaaffeqarnissamut periarfissat
• Atorfimmi suliarisassat sunniuteqarfigissallugit periarfissat
• Sulisunut atugassarititaasut pitsaasut soorlu assersuutigalugu qaannamik sisoraatinillu attornissamut periarfissat.

Soqutiginnippit? – taava allaffimmut paasiniaasinnaavutit e-mailikkut gux-aasiaat@gux-aasiaat.gl imaluunniit telefonikkut +299894900 atassuteqarfigiuk.

Qinnuteqaateqarnissamut periarfissaq kingulleq 08. januar 2026. Atorfinittoqassaaq 1. marts 2026 imaluunniit isumaqatigiissuteqarneq naapertorlugu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk