GUX Nuuk aningaasaqarnermut tunngasunut suleqatissarsiorpoq erninermi sulinngiffeqartumut taartaasussamik

GUX Nuuk allaffeqarfimmi sapinngisamik piaartumik aningaasaqarnermut tunngasunut suleqatissarsiorpoq erninermi sulinngiffeqartumut taartaasussamik. Pineqarpoq atorfik piffissaq tamakkerlugu suliffiusoq sapaatit akunnerannut nalunaaquttap akunnerini 40-ni suliffiusoq, kisianni piffissami killilerneqartumi 30. juuli 2026-imut atuuttussamik.

GUX Nuuk Kalaallit Nunaanni ilinniarnertuunngorniarfiit annersaraat ukiumilu atuarfiusumi nutaami atuartut 500-t missaanniipput arfineq-pingasuni ingerlavinni ukiuni pingasuni atuartussat ilinniartitsisunit 50-it miss. atuartinneqartussat aamma PAM-it 15-it missaanniipput. Atuartuutivut fagitigut aamma inuttut inuuniarnikkut assigiinngilluinnartunik atugaqartuupput, kisianni ataatsimut takorluugaraat ilinniarnertuunngornissaq.

Kollegiat marluk atuarfimmut atapput, atuartussarsiortarnerlu kangiani Tunumiit kitaani kujammut Paamiunut pisarpoq, taamaattorli atuartut amerlanerpaartaat Nuummeersuullutik. Atuarfimmi oqaatsit marluk atorlugit pædagogik ingerlapparput aamma kulturi tunngavigalugu atuartitsisarluta atuartullu atuarfiup atuartitsinerani qitiutittarlutigik.

Suliatigut pikkorittumik aamma aalajaatsumik isumagissartumik suleqatissarsiorpugut, ilaannikkut ulluinnarni ulapaarfiusumi tamanik malinnaaffiginnittarsinnaasumik. Suleqatissaq ilinniarnertuunngorniarfimmi atuartunut aamma sulisunut ikiuerusussuseqassaaq aaqqissuussilluarluni sulisinnaasoq aamma sulisut allat qanimut suleqatigalugit nammineerluni suliaqarsinnaasuussalluni.

Suleqatitaassarput suliassanik assigiinngitsorpassuarnik suliaqartartussaavoq aamma inunnut assigiinngitsorpassuarnut attaveqartassalluni taamaattumik pingaartuuvoq illit tamanik suliaqartarsinnaanissat piffissarlu sulinermut atukkat aaqqissuulluarsinnaassavat suliassat aallartinneranniit naammassinissaasa tungaannut suliarisassallugit. Illit susassaqarfiit pingaarneq tassaavoq ilinniarnertuunngorniarfimmi aqutsisut aningaasaqarnermik nakkutiginninnerannik tapersornissaat, aningaasanik aqutsinerup eqqortuunissaa qulakkiissallugu aammattaaq ilinniarnertuunngorniarfiup aningaasaqarnerata pilersaarusiornera aamma iluameersumik ineriartornissaanut peqataassallutit kiisalu akissarsialerisassallutit.

Suliassatit pingaarnerit tassaassapput:

• Aqutsisut peqatigalugit missinersuutinik suliaqartarneq

• Missingersuutinut aamma aningaasaqarnermi kisitsisinik pingaarnernik ingerlaavartumik malinnaaneq

• Akissarsianik suliaqarneq tamatumunnga ilanngullugit ilanngaaseereernani akissarsiat allattorsimaffiata misissortarnera, kiisalu nalunaaquttap akunneranut akissarsiaqartunik nalunaarsuisarneq

• Qaammatikkaartumik naatsorsuutini naligiissarisarneq

• Ilinniarnertuunngorniarfiup kantinaata ingerlanneqarneranut akisussaaneq (karsimiittunik kisitsineq/nalunaarsuisarneq)

• Suliassat tassanngaannaq takkuttartut. 

Uagut naatsorsuutigaarput illit:

• akademikeritut ilinniagaqartutit (aningaasaqarnermi isumalluutinillu aqutsinermi) imaluunniit assigisaanik

• aningaasanut tunngasunik suliaqarnermik, controlleritut imaluunniit aningaasanik aqutsinermik misilittagalik

• IRIS, Aqutsinermi info, MIT Perspektiv ilisimasaqarfigigitit

• Excel, Word atorsinnaalluarlugit aamma tamakku saniatigut ulluinnarni IT-mik atortunik assigiinngitsunik passussisinnaasoq, pisariaqarpat uagut ilinniartitsineq isumagiumaarparput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatit pingasut siulliit misilitsiffiupput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq

Paasissutissat sukumiinerusut pissarsiarineqarsinnaapput Atuartitaanermut Aqutsisumut Maureen Hendrikx-imut telefon +299 256102-mut imaluunniit rektorimut Hanne Larsenimut telefon +299 363396-mut saaffiginninnikkut pissarsiarineqarsinnaapput.

Ingerlaavartumik oqaloqatigiinnerit pisassapput.

Qinnuteqaatit CV aamma soraarummeernermut allagartat ilanngullugit portalikkut kingusinnerpaamik sapaat ulloq 31. augusti 2025.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk