GUX Nuuk atuaannartitsinermik iliuuseqarneranut immikkoortortaqarfiani aqutsisussarsiorpoq

Inuusuttunik sullissineq nuannarisaraajuk aamma inuusuttut suli amerlanerusut ilinniarnertuunngornissaannik ikiuerusulluinnartuuit? Taava tassa illit immaqa sulisoriligassarput.

Qeqqani Ilinniarnertuunngorniarfimmi/GUX Nuummi 2026-mi februaarip aallaqqaataaniit imaluunniit isumaqatigiissuteqarnikkut atorfinittussamik ilinniarnertuunngorniarfiup atuaannartitsiniarnermik immikkoortortaqarfiani aqutsisutut atorfik piffissaq tamakkerlugu suliffiusoq inuttaarutissaaq.

GUX Nuuk Kalaallit Nunaanni ilinnarnertuunngorniarfiit annersaraat ukiumilu atuarfiusumi nutaami 500-t miss. arfineq-pingasunik sammivilimmik ukiuni pingasuni atuartussanik atuartoqarpoq ilinniartitsisunit 50-it miss. aammalu PAM-init 15-it miss. atuartinneqartartut. Atuartuutivut ilinniakkatigut aamma inuttut assigiinngilluinnartunik atugarisaqartuupput, kisiannili ilinniarnertuunngornissaq ataatsimut takorluugaralugu.

Ilinniarnertuunngorniarfimmut kollegiat marluk atapput, atuartussarsiortarnerlu Tunumi Tasiilamiit kitaani Paamiunut pisarpoq, atuartulli amerlanersaat taamaattoq Nuummeersuullutik. Atuarfimmi oqaatsit marluk atorlugit pædagogik aamma kulturi tunngavigalugu ingerlanneqartarpoq atuarfiullu ingerlatsinerani atuartut qitiutinneqartarlutik.

Ilinniarnertuunngorniarfiup atuaannartitsiniarluni iliuuseqarnerata ilaatut atuartut iluarusunnerat, inuttut aammattaaq inooqataasutut ilinniakkatigullu, kiisalu atuariartortuaannarnissaat anguniarlugu qitiutitaraavut. Atuartut tamarmik iluarusussuseqarneq pillugu atuartunut siunnersortimik imaluunniit kollegiami sulisumik ukiup atuarfiusup ingerlanerani arlaleriarlutik oqaloqatiginnittassapput.

Immikkoortortaqarfimmi aqutsisutut illit ineriartortitsinermik, ataqatigiissaarinermik aamma ilinniarnertuunngorniarfiup atuaannartitsinissamik iliuuseqarnera qulakkeertassavatit – tamakku ilinniarnertuunngorniarfiup rektoria aamma atuarnermik aqutsisut qanimut suleqatigalugit. Immikkoortortaqarfimmi aqutsisup aammattaaq ilinniakkatigut ilinniarnertuunngorniarfiup atuartunik siunnersortaannik, psykoterapeutinik aamma kollegiami sulisuinik kiisalu ilitsersuisuinik ulluinnarni aqutsineq isumagisassavaa. Suleqatigiikkuutaat ataatsimut suleqatigiinnermi peqataapput atuartut iluarusussusiat aamma atuaannartinneqarnissaat qitiutillugit, ingammik atuartunut ilinniarnertuunngorniarnerminnik naammassinninnissaminnik immikkut tapersersortariallit eqqarsaatigalugit.

Suliassat makkuupput:

• Pilersaarusiorneq, ataqatigiissaarineq aamma ilinniarnertuunngorniarfiup atuaannartitsinermik iliuuserisaanik ineriartortitsineq, atuartut iluarusussuseqarnerannik aamma atuariartortarnissaannik immikkut qitiutillugit

• Ulluinnarni atuartunik siunnersortinik, psykoterapeutinik aamma kollegiami sulisunik aqutsineq, tassunga ilanngullugit suleqatigiinnik ataatsimiisitsinerit aamma isumasioqatigiittarnerit

• Ulluinnarni ilinniarnertuunngorniarfiup aqutsisuinik, ilinniartitsisuinik aamma sulisuinik allanik qanimut suleqateqarneq

• Atuarfiup atuartuinik aalajangersimasunik iluarusussuseqarneq pillugu oqaloqatiginnittarnerit, aamma pisariaqartitsisoqartillugu atuartunik oqaloqateqaqqittarnerit

• Atuartut atuariartortarnerisa nakkutiginerat tamatumalu aallunneqarnissaa, iliuuseqartoqassappat ilinniarnertuunngorniarfiup rektoria suleqatigalugu aalajangiisoqassalluni

• Ilinniarnertuunngorniarfiup ajornartoornermi upalungaarsimaneranik ineriartorteqqinnissaq

Naatsorsuutigaarput:

• Illit inunnik isumaginninnikkut tulluartumik ilinniagaqarsimasuunissat, soorlu assersuutigalugu inunnik isumaginninnermi siunnersortitut

• Aqutsinermik imaluunniit sulisunik ataqatigiissaarinermik misilittagaqartuusutit

• Sulisunik allanik aamma aqutsisunik qanimut suleqatiginnikkusussuseqartuusutit, ulluinnarni unamminartunik iliuuseqarnissaq uagutsinnit qitiutinneqarlutik

• Allanngortitsisoqartarneranut piareersimasuusutit, pilersaarusiorluartartuusutit aalajaallutit suliartortartuusutit aamma allanngortitsisoqariataassagaluarpat tamatumunnga sillimasuusutit

• Ulluinnarni suliassanik assigiinngitsorpassuarnik ulapaartarnissamut piareersimasuusutit

• Illit piareersimaffigigit atuartut akiuussinnaanermut (resiliens/ajornartorsiutinik qaangiisinnaaneq), inuit akornanniinnissamut piginnaasat aamma inuit allat peqatigalugit imminut paasisinnaanermut piginnaasaqalernissamut

• Atuartunik erseqqissumik pædagogikitigut, aalajangersimasunik killissaqartitaanermik aamma inersimasumik toqqissisimanartumik oqaloqateqartarnissamik pisariaqartitsisunik sullissinissamut piareersimasuusutit

• Tassa illit piareersimaffigigit ataatsimooqatigiinneq, ataqqeqatigiinneq, akisussaaqatigiinneq aamma suliatigut pikkoriffeqarneq, tamakkua atuartunik oqaloqatiginnittarnerni ingerlateqqissallugit – aamma GUX-imi naleqartitat ilaattut.

Neqeroorutigaavut:

• Aqutsisutut atorfik pingaarutilik, tassani suliassat ineriartortinnissaannut sunniuteqarfigineqarnissaannik periarfissalik

• Iliniarnertuunngorniarfik, tassani atuartunik aamma taakku iluarusussuseqarnerannik qitiutitsisoq

• Ilinniarnertuunngorniarfik ingerlaavartumik ineriartorfiusoq tassani qitiutinneqarlutik ilinniakkat – taamatuttaarlu nalinginnaasunik ileqqorinnissamik ilisimasaqartariaqarneq

• Suleqatigiit pimoorussusisut aamma suliatigut pikkorissut, unamminartut ataatsimut aaqqiiffigineqartarlutik

• Suliffeqarfimmi namminermi aamma avataanersunit ilitsersorneqartarneq (supervision)

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatini pingasuni misiliutaasumik

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq

Paasissutissat sukumiinerusut Ilinniarnermut Aqutsisumit Maureen Hendrikximit telefon +299 256102-mut sianerluni pissarsiarineqarsinnaapput.

Ingerlaavartumik oqaloqatiginnittoqartassaaq.

Qinnuteqaatit, CV soraarummeernermullu uppernarsaatit ilanngullugit portal aqqutigalugu kingusinnerpaamik sisamanngornermi januaarip ulluisa 29-anni 2026 nal. 16 nassiunneqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk