GUX Nuuk atuarfiup allaffeqarfiani allaffimmi fuldmægtiginik 1-2-nik sulisussarsiorpoq

GUX Nuuk allaffimmi 1. juuli 2026-miit imaluunniit isumaqatigiissuteqarnikkut allaffimmi fuldmægtigitut atorfiit 1-2 inuttaqassanngillat. Pineqarpoq atorfik piffissaq tamakkerlugu suliffiusoq sapaatit akunneranut nalunaaquttap akunnerini 40-ni suliffiusoq.

GUX Nuuk Kalaallit Nunaanni ilinniarnertuunngorniarfiit annersaraat ukiumilu atuarfiusumi nutaami atuartut 500-t missaanniipput ingerlavinni arfineq-pingasuni ukiuni pingasuni atuartussat ilinniartitsisunit 50-it miss. atuartinneqartut. Atuarfimmi PAM-it 15-it missaanniittunit atorfeqarput. Atuartuutivut fagitigut aamma inuttut inuuniarnikkut assigiinngilluinnartunik atugaqartuupput, kisianni tamarmik ataatsimoorlutik takorluugaraat ilinniarnertuunngornissaq. 

Kollegiat marluk atuarfimmut atapput, atuartussarsiortarnerlu kangiani Tunumiit kitaani kujammut Paamiunut pisarpoq, atuartulli amerlanerpaartaat Nuummeersuullutik. Atuarfimmi oqaatsit marluk atorlugit pædagogik ingerlapparput aamma kulturi tunngavigalugu atuartitsisarluta atuartullu atuarfiup ingerlanneqarnerani qitiutittarlutigik.

Aalajaatsumik allaffimmi suleqatissarsiorpugut isumagissaartartumik, ilaannikkut ulluinnarni ulapaarfiusumi tamanik malinnaaffiginnittarsinnaasumik. Suleqatissaq atuarfimmi atuartunut aamma suleqatinut ikiuerusussuseqassaaq aaqqissuussilluarluni sulisinnaasoq aamma suleqatit allat qanimut suleqatigalugit nammineerluni suliaqarsinnaasuussalluni.

Suleqatissarput attaveqaatissaqarluarpoq suliassarpassuarnillu assigiinngitsunik suliaqartassalluni, taamaattumik pingaartuuvoq illit tamanik suliaqartarsinnaanissat piffissarlu sulinermut atukkat aaqqissuulluarsinnaassavat suliassat aallartinneranniit naammassinissaasa tungaannut suliarisassallugit.

Allaffimmi suleqatit allat peqatigalugit suliassatit pingaarnerit makkuussapput:

• Atuartunit, sulisunit aamma avataanit sianertunit mailikkullu saaffiginnittunit saaffiginnissutit suliarisarnissaat

• Atuartunut tunngasunik suliassanik suliaqartarneq, tassunga ilanngullugit atuartussanik akuersineq, atuarnermik taamaatitsineq aamma atuartuuginnarnissaat anguniarlugu suliaqartarneq

• Kollegiami isumaqatigiissutit suliarisarnissaat

• Atuartut aamma atorfillit angalanissaasa inniminnertarnissaat

• Allakkat takkuttut agguaattarnissaat

• Soraarummeernermut uppernarsaatit suliarisarnissaat aamma Lectiomut karakterit allattortarnissaat

• Salto matuersaatinik tunniussisarneq aamma programiliortarneq

• Akissarsiat, ingammik sulisut aamma avataaneersut nal. akunnermusiallit pinerullugit

• Suliassat takkuteriasaartut suliarisarnissaat 

Naatsorsuutigaarput illit:

• Tulluartumik allaffissornermut tunngasumik ilinniagaqartuunerit aamma suliassanik allaffissornermut tunngasunik misilittagaqartuunerit. Ilaatigut IT-reg aamma IRIS, ilaatigut taakkuninnga misilittagaqarneq iluaqutaassaaq

• Soorlu assersuutigalugu Excelimik, Wordimik aamma allanik ulluinnarni IT-mut atortunut tunngasunik assigiinngitsorpassuarnik suliaqartarnissamik sungiusimasaqartuunerit, uagut pisariaqartinneqarpat ilinniartitsineq isumagissavarput

• Iluaqutaalluassaaq kalaallisut aamma danskisut allassinnaaneq aamma oqalussinnaaneq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatit pingasut misilitsiffiupput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq

Paasissutissat sukumiinerusut Atuartitaanermut Aqutsisumut Maureen Hendrikx-imut telefon +299 256102-mut imaluunniit rektorimut Hanne Larsenimut telefon +299 363396-mut saaffiginninnikkut pissarsiarineqarsinnaapput.

I

ngerlaavartumik oqaloqatigiinnerit pisassapput.

Qinnuteqaatit CV aamma soraarummeernermut allagartat ilanngullugit portalikkut kingusinnerpaamik tallimanngornermi juunip ulluisa 12-ianni 2026 nassiunneqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.