Sisimiuni tunisassiornermut pisortaq

Ullut tamaasa tunisassiornermik aqutsisuunissannut, pitsaassutsip qaffasissuunissaanik, ingerlatsinerup pitsaasumik ingerlanissaanik kiisalu sulisut ineriartortinneqarnissaannik qulakkeerinninnermut peqataarusuppit?

Sisimiuni raajaleriffitsinnut tunisassiornermut pisortamik tunniusimasumik akisussaassuseqartumillu pissarsiorpugut. Fabrikkimi aqutsinermi pingaarutilimmik inissisimassaatit, ulluinnarnilu tunisassiornerup aqunneqarnera akisussaaffigissallugu, ilaatigut pilersaarusiorneq, sulisoqarnissaq, pitsaassuseq kiisalu ingerlaavartumik pitsanngorsaaneq.

Tunisassiornermut pisortatut fabrikkimi pisortaq aqutsisorissavat, peqatigisaanillu fabrikkimi pisortap tullersortaatut atuutissallutit. Atorfimmi ilaatigut tunitsivimmi aqutsisoq, tunisassiornermi aqutsisut kiisalu pitsaassutsimut aqutsisoq aqutsinikkut akisussaaffigineqassapput.

Pingaarnertut akisussaaffitit

Ilaatigut makku akisussaaffigissavatit:

• Ulluinnarni tunisassiorneq tassungalu atatillugu sulisut

• Tunisinermi tigusineq, tunisassiassat suliarineqarnerat, tunisassiorneq, pitsaassuseq kiisalu tunisassiornermik pilersaarusiorneq

• Tunisassiornermut sulisoqarnermullu pilersaarutinik suliaqarneq kiisalu ingerlaavartumik malitseqartitsineq

• Tunisassiornerup pitsanngorsarneqarnissaa, tunisassiorsinnaassuseq, pitsaassuseq, pissarsiaq aamma nalunaaquttap-akunnerinik atuineq immikkut ukkataralugit

• Aqutsisut allat suleqatigalugit tunisassiorsinnaassutsip pitsaanerpaamik atorneqarnissaanik qulakkeerinninneq

• Tunisassiornermi nalunaaquttap-akunneri malillugit akissarsialinnik atorfinitsitsineq soraarsitsinerlu

• Sulisut aamma akornanni aqutsisut piginnaasaannik ineriartortitsineq

• Tunisassiornerup periutsit, malittarisassat, najoqqutassiat isumannaallisaanermullu malittarisassat atuuttut malillugit ingerlanneqarnissaanik qulakkeerinninneq

• HACCP-systemip kiisalu oqartussaasut sullitallu piumasaqaataasa tunisassiornermi malinneqarnissaat

• Anguniakkanik angusanillu ingerlaavartumik paasissutissiineq ersarissaanerlu

Aqutsineq suleqatigiinnerlu

Tunisassiornermut pisortatut fabrikkimi ulluinnarni aqutsinermi pingaarutilimmik inissisimassaatit. Taamaattumik sulisut akornanni kajumissuseqalersitsisinnaanissat, aalajangersinnaanissat kiisalu pitsaasumik suleqatigiinnermik pilersitsisinnaanissat pingaaruteqarpoq.

Aqutsinikkut suliassatit ilaatigut tassaassapput:

• Akornanni aqutsisut sulisullu ineriartortinnissaat kajumissuseqalersinnissaallu

• Internal aamma external audit-inut kiisalu sullitanik tikeraartoqartillugu peqataaneq

• HACCP-gruppimi peqataaneq

• Oqartussaasut sullitallu piumasaqaataasa malinneqarnissaannut akisussaaqataaneq

• Tunisassiornermi aamma aqutsisoqatigiinnut pitsaasumik attaveqaqatigiittoqarnissaanik qulakkeerinninneq

• Fabrikkimi aqutsisut allat qanimut suleqatiginissaat

• Royal Greenlandip raajaleriffii allat, ilaatigut Ilulissaniittoq, suleqatigalugit misilittakkanik avitseqatigiinneq

Kinaavit?

Takorloorparput illit:

• Tunisassiornermi annertuumik misilittagaqartutit aammalu tunisassiornermik ingerlatsineq sukumiisumik ilisimasaqarfigigit

• Aqutsisinnaassuseqarluartutit, inunnik angusanillu akisussaaffeqarnermik nuannarisaqartutit

• Tunniusimasutit, akisussaassuseqartutit suliassanillu pisussaaffittut naammassinnilluartartutit

• Pitsaassuseq, inuussutissat isumannaassusiat kiisalu tunisassiornermi malitassat ilisimasaqarfigigitit

• GMP aamma HACCP ilisimasaqarfigigitit

• Nalunaarsuinermut periutsinik kiisalu tunisassiornermut systeminik naleqquttunik, soorlu SAP aamma NEMA, misilittagaqartutit imaluunniit ilisimasaqarfigigitit

• Sulisunik aqutsineq sulisullu ineriartortinneqarnerat ilisimasaqarfigigitit

• Tunisassiornerup ulapaarfiusup nalaani ataatsimut isiginninneq attatiinnarsinnaagit, peqatigisaanillu pitsaassuseq, isumannaallisaaneq aamma pitsaasumik ingerlatsineq ukkatarisinnaagitit

• Aqutsisutut kajumissuseqalersitsisinnaasoq allanullu pitsaasumik maligassiuisoq

Oqaatsinik arlalinnik, soorlu kalaallisut, danskisut tuluttullu, oqalussinnaaguit iluaqutaassaaq.

Neqeroorutigaavut

Aqutsisutut pingaarutilimmik atorfittaassaatit, ulluinnarni ingerlatsinermut tunisassiornerullu ineriartortinneqarneranut annertuumik sunniuteqarsinnaallutit. Sulisut, akornanni aqutsisut fabrikkimilu aqutsisut allat qanimut suleqatiginissaannut periarfissaqassaatit, taamaalillutillu tunisassiornerup pitsaasumik, isumannaatsumik pitsaassutsimillu pingaartitsiffiusumik ingerlanneqarnissaanut peqataassallutit.

Suliffik: Sisimiut
Atorfik: Tunisassiornermut pisortaq
Akisussaaffik: Fabrikkimi tunisassiornermut akisussaasoq

Atorfik pillugu annertunerusumik paasisaqarusukkuit Sisimiuni fabrikkimi pisortaq Hans Lars Olsen attavigisinnaavat oqarasuaatikkut +299 522620 imaluunniit e-mailikkut haol@royalgreenland.com.

Qinnuteqarneq

Sisimiuni tunisassiornermut pisortartaarissavatsigit?

Qinnuteqaatit CV-llu rekrutteringssystemerput aqqutigalugu nassiutikkit.

Qinnuteqaatit e-mailikkut nassiunneqartut nalilersorneqarnavianngillat.

Qinnuteqarnissamut killigititaq: 10. december 2026.

Tusagaqarfiginissat qilanaaraarput.