GUX Nuuk ujarlerpoq tarnip pissusaanik ilisimasalik

Inuusuttunik sullissineq nuannarisaraajuk aamma inuusuttut suli amerlanerit ilinniarnertuutut ilinniakkaminnik naammassisaqarnissaat peqataaffigerusuppiuk? Taava immaqa tassaavutit illit ujartugarput. 

Qeqqani Ilinniarnertunngorniarfimmi/GUX Nuummi februaarip 1.-aa 2026 aallarnerfigalugu imaluunniit isumaqatigiissuteqarnikkut psykoterapeutitut atorfik piffissaq tamakkerlugu atorfiusoq inuttaarutissaaq.

GUX Nuuk Kalaallit Nunaanni ilinniarnertuunngorniarfiit annerpaartaraat ukiumilu atuarfiusumi nutaami 500-t miss. atuartoqarluni sammivinnut 8-nut ukiuni pingasuni atuarfiusuni atuartuusunik ilinniartitsisunillu 50-it miss. aamma PAM-init 15-it miss. atuartinneqartartunik. Atuartuutivut ilinniakkatigut aamma inuttut atugarisatigut assigiinngitsorujussuarnit tunngaveqarput, kisianni ataatsimut takorluugaralugu ilinniarnertuunngornissat. 

Atuarfimmut atasunik marlunnik kollegiaqarpoq, atuartussarsiortoqartarlunilu Tunumi Tasiilamiit kitaata kujataani Paamiunut, atuartulli amerlanerpaartaat Nuummeersuupput. GUX Nuummi oqaatsit ilitsoqqussaanngitsut atorlugit pædagogik atorneqarpoq kulturilu tunngavigalugu atuartitsisoqartarluni ilinniarnertuunngorniarfiullu sulinerani atuartut qitiutinneqartarlutik. 

GUX Nuummi atuartut naammagisimaarinninnerat annertuumik qitiutinneqarpoq, inuttut, inuit akornanni aamma ilinniakkatigut. Atuarfiup toqqissisimasumik aamma ineriartorfiusumik ataatsimut avatangiisini ilinniarfiusuni iliuuseqarnerani psykoterapeutitut pingaartutut inissisimassaatit, atuartut iluarisimaarinnittut ilinniakkatigullu, inuttut aamma inuit akornanniinnerminni ineriartornerat pingaartinneqarluni. Ilinniartunut siunnersuisutut ilinniarnertuunngorniarfiup aqutsisuinik, ilinniartunut siunnersortinik allanik marlunnik, kollegiani inulerisunik ilitsersuisunillu qanimut suleqateqartassaatit. Suleqatigisat ataatsimoorlutik suleqatigiipput, atuartut iluarisimaarinninnerannik aamma atuartuuginnarnissaannik qitiutitsisut, ingammillu atuartunut ilinniarnertuunngorniarnerminnik naammassinninnissaannut immikkut tapersersorneqartariaqartunut atatillugu. 

Suliassat tassaapput:

• Ilinniarnertuunngorniarfimmi atuartut aalajangersimasut ilaannik iluarisimaarinninnissamut oqaloqateqartarneq

• Immikkut oqaloqateqartarneq ilinniarnertuunngorniarfimmi atuartut pisariaqartitsinerat aallaavigalugu

• Atuartut atuanngitsoortarnerat pillugu peqataalluarluni iliuuseqarnissaq malittarisassat atuuttut aamma ilinniarnertuunngorniarfiup naleqartitai malillugit

• Ilinniarnertuunngorniarfiup aqutsisui, kollegiami sulisut inulerisut, atuartunut siunnersortit allat, ilinniaqqinnissamut siunnersortit aamma sulisut allat qanimut suleqatiginissaat

• Pinngitsoortitsiniarluni iluarisimaarinninnissamut iliuuseqarnermi peqataaneq, soorlu assersuutigalugu ulluni immikkut sammisaqarfiusuni, saqqummiussinermi imaluunniit arlalinnik ataatsikkut oqaloqateqartarnermi

• Ilinniarnertuunngorniarfiup ajornartorsiornermi upalungaarsimatitsinerani ilaaneq

Naatsorsuutigaarput:

• Psykoterapeutitut ilinniarsimasuunissat

• Inuusuttunik 15-25-nik ukiulinnik misilittagaqarsimasuunissat

• Ilinniarnertuunngorniarfimmi sulisut allat aamma aqutsisut qanimut suleqatiginissaat piareersimaffigissagit, tassani ulluinnarni unamminartut piviusumik iliuuseqarfiginissaat qitiutipparput

• Allanngortitsisoqarnissaanut piareersimassasutit, sanngisuujunissat, aalajaallutit suliartortarnissat aamma allanngoriasaartoqarnissaanut sillimanissat

• Atuartut ajornartorsiutinut akiuisinnaassuseqalersinnissaannut peqataanissat (pissassarlugit), inuit akornanniissinnaanissaannut aamma allanik peqateqarnermi imminnut akuerisinnaanngorlugit

• Atuartut, pædagogiskiusumik erseqqissaavigineqarnissaminnik, killiliussanik aalajangersimasunik aamma inersimasumik toqqissisimanartumik attaveqartarnissaminnik pisariaqartitsisut pillugit suliaqarnissamik piareersimasuunissat

• Ataatsimoornermut, ataqqinninnermut, akisussaaqataanermut aamma suliatigut pikkorissuunissamut piareersimasuunissat, tamakku illit atuartunik oqaloqateqartarninni tunngavigissagitit – aamma GUX Nuup naleqartitaanut ilaasuusut.

Neqeroorutigaavut:

• Ilinniarnertuunngorniarfik atuartut aamma taakku iluarisimaarinninnerannik qitiutitsisoq

• Ilinniarnertuunngorniarfik ingerlaavartumik ineriartortuusoq, suliatigut aamma nalinginnaasumik perorsarsimassusermik qitiutitsisoq

• Atorfimmi periarfissaqarpoq suliassanik ineriartortitsinermi sunneqataanissaq

• Suliffiup iluani avataanilu tapersersuisumik oqaloqateqarsinnaaneq (supervision)

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatit siulliit pingasut misilitsiffiupput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq

Paasissutissat sukumiinerusut Ilinniartitaanermut Aqutsisumit Maureen Hendrikximit telefon +299 256102-mut sianerluni pissarsiarineqarsinnaapput.

Ingerlaavartumik oqaloqatigiittarnerit ingerlanneqartassapput.

Qinnuteqaatit CV aamma soraarummeernermut uppernarsaatit ilanngullugit portal aqqutigalugu kingusinnerpaamik 30.01.2026 nassiunneqassapput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk