HRD-imi Manager

Sisimiuni KNI A/S-ip sulisoqarnermut immikkoortortaqarfiata ineriartortitsinermik immikkoortortaqarfia ulloq 1. marts 2026 aallarnerfigalugu imaluunniit isumaqatigiissuteqarnikkut sulilersussamik HRD Managerissarsiorpoq.

HRD Managerip sulisoqarnermut, attaveqaqatigiinnermut, piujuartitsinermullu pisortaq qaninnertut pisortaraa, pisortarlu aamma sulisoqarnermut immikkoortortaqarfimmi pisortaq qanimut suleqatigissallugit. Sulisoqarnermut immikkoortortaqarfimmi ineriartortitsinermut immikkoortortami sulisut pingasuussaasi aammalu sulisoqarnermut immikkoortortaqarfimmi tamarmi sulisut aqqaneq marluusut qanimut suleqatigissallugit.

Sulisoqarnermut immikkoortortaqarfimmi ineriartortitsinermut immikkoortortaqarfik KNI A/S-imi tamarmi suliniutinik atuutsitsilernissamik ineriartuutaasussanillu nutaanik suliaqartuartarpoq. Nunatsinni inuiaqatigiinni kiffartuussisussatut pingaarutilittut inissisimanitsinni pikkorissunut, angusaqarusussuseqartunut, nunarsuarmioqataanermik paasisimasaqartunut kiisalu niuernermut ilisimasaqartunut ilinniarfiullutalu suliffeqarfiunissarput kissaatigaarput.

Suliffeqarfiup siunissami qaninnerusumi ungasinnerusumilu niuernikkut anguniagai, pilersaarutai ajornartorsiutigiligassaalu kiisalu suliffeqarfiup sunik tunniussaqarsinnaanera, imatut paasillugu, aaqqissuussaanermi atugassarititaasunik, assersuutigalugu suli annerusumik pisisartunik qitiutitsineq, annertunerusumik alloriarsinnaaneq aningaasartuutinullu annerusumik eqqummaariffiginninneruneq allanullu tunngatillugu sulisoqarnermut immikkoortortaqarfimmi ineriartortitsinermik immikkoortortaqarfiata sulisuisa tamarmik paasisimasaqarfigissaat pingaaruteqarpoq.

Suliffeqarfiup aaqqissuussaanikkut KNI-llu angusassatut pisariaqartitai eqquutsissinnaaqqullugit sulisoqarnermut immikkoortortaqarfimmi ineriartortitsinermik immikkoortortaqarfiata suliniutai tunniussinnaasaalu imminnut ataqatigiilluinnarnerisa paasinissaa atorneqarnissaallu sulisoqarnermik immikkoortortaqarfimmi ineriartortitsinermut immikkoortortaqarfiata qulakkiissavai.

HRD-mi Manageritut pingaarnertut makku suliassarissavatit:

· Sulisoqarnermut, attaveqaqatigiinnermut, piujuartitsinermullu pisortaq aamma sulisoqarnermut pisortaq qanimut suleqatiginerisut ulluinnarni ingerlatsinermik qulakkeerinninneq

· Suliassanik ataqatigiissaarineq suliakkiinerlu

· Sulisoqarnermut immikkoortortaqarfiup periusissiaanik, periusissiornermik pilersaarutaanik KNI-milu naleqartitanik atuutsitsinissaq suleqataanissarlu

· Suliniutinik ineriartortitsissutaasussanik ataqatigiissaarineq, ilaatigut pikkorissarfissanik, ilinniarfissanik allatigullu piginnaanngorsaataasussanik pilersaarusiorneq ingerlatsinerlu

· Ilinniartunik allaffissuutiginninneq, sinerissamilu tamarmi ilinniartunut attaveqaataasartunut siunersioqatigiittarneq tapersersuinerlu

· Suliffeqarfimmi tamarmi suliniutinik nutaanik pilersaarusiorneq, aallartisaaneq ataqatigiissaarinerlu

· Sulisoqarnermut immikkoortortaqarfimmi aamma ineriartortitsinermik immikkoortortaqarfimmi suliassani assigiinngitsuni suleqataaneq

· Sulisoqarnermut immikkoortortaqarfiup ESG-mut tunngasuni suliaanut suleqataaneq - ESG-p iluani suliaqarsimaneq iluaqutaassaaq piumasaqaataananili, sulisoqarnermummi pisortaq aammalu pisortaasoq suleqatigalugit atorfimmi piginnaanngorsarnermi ineriartortitsisoqarsinnaavoq.

Atorfinittussap makkua piginnaaneqarfigissagai kissaatigaarput:

· Naleqquttumik ilinniagartuujunissaq imaluunniit sulisoqarnermut immikkoortortaqarfinni aamma/imaluunniit piginnaanngorsaanermik misilittagaqarluarnissaq

· Periusissiorluni sulinermik periusissianillu tunngaveqarluni sulinissamik misilittagalik

· Tamatigoortoq, akisussaassusilik, ammasoq, inuunermut pitsaasumik isiginnittoq suleqateqarsinnaasorlu

· Tamakkiisumik isiginnissinnaasoq immikkoortortaqarfinnillu suliaqarfigisallu iluani suleqateqarsinnaasoq

· Nammineerluinnarluni sulisinnaasoq isumassarsianillu nutaanik tunniussassalik

Atorfinittussamut neqeroorutigaagut:

• Piginnaasat naapertorlugit akissaateqartitsineq
• Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il. il. inatsisit malillugit akilerneqartassapput.

Atorfimmut tunngatillugu annertunerusumik paasisaqarusukkuit sulisoqarnermut, attaveqaqatigiinnermut piujuartitsinermullu pisortaq, Juliane H. Heilmann, attavigisinnaavat mailerfigalugu uunga xjh@kni.gl imaluunniit sianerlutit oqarasuaammut +299 86 23 10.

Qinnuteqaat

Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 31. januar 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.