Igasortaarissavatsigit?

Igasutut atorfininnissannut piukkunnarpit – aamma Kalaallit Nunaanni inuussutissanik nioqquteqartartut pingaarnersaasa ilaanni ulluinnarni nerisassiornermut sunniuteqarusuppit?

Royal Greenlandimi Nuummi qullersaqarfimmi igasutut sulinissamut piumassuseqarluartumik sulisussarsiorpugut. Maanna igasoq pikkorissoq Danmarkimut nuunnissani aalajangiusimavaa, maannalu sulisutsinnut mamartunik, nutaalianik peqqinnartunillu nerisassiornissamik kissaateqartunik ujaasivugut – suliffeqarfimmi nerisassat tunisassiuinnaanngitsut, kisiannili nuannarineqarluartuni.

Nunarsuarmi aalisakkanik qalerualinnillu tunisassiortut annersaasa ilaattut ullut tamaasa pitsaasunik nerisassiortarpugut. Nerisassat taakku aamma kantiinami misilerarneqarsinnaasariaqarput. Taamaattumik kissaatigaarput nerisassanik nuannarineqarluartunik nutaanillu isumassarsiumassuseqartutit – immaqalu Royal Greenlandip nioqqutissaanik imaluunniit nunaqavissunit allaniit nioqqutigineqartunik ullormut ulloqeqqasiutinut ilisarnaataasunik, assigiinngitsorpassuarnik isumassarsiorfiusinnaasunillu ilisarisimannissinnaassasutit.

Atorfik pillugu

Nuummi qullersaqarfimmi fabrikkimilu sulisut 125-it missaanniittut ullaakkorsiortinneqarlutillu ulloqeqqasiortittarneqarput.

Kantiinami pisortaq qaninnertut aqutsisorissavat, sulisullu nerisassanik pitsaasunik ulluinnarnilu ingerlalluarnermik pingaartitsisut pingaarutilimmik suleqatigissallugit.

Suliassatit ilaatigut makkuupput:

• Sulisunut ullaakkorsiortitsisarneq ulloqeqqasiortitsinerlu
• Qaaqqusinerni aaqqissuussinernilu immikkut ittuni nerisassiorneq
• Assigiinngitsorpassuarnik mamarsaataasunillu nerisassaqarnissamik pilersaarusiorneq
• Igaffimmi eqqiluisaarnermut mingutsitsinnginnermullu piumasaqaatit malinneqarnissaat qulakkeerinninneq
• Igaffimmi suliassanut allanut, soorlu eqqiaanermut errorsinermullu peqataaneq
• Kantiinnami pisortap peqannginnerani sinniisoq

Kinaavit?

• Igasutut ilinniarsimavutit igaffimmilu inuppassuarnut nerisassiortarnermik misilittagaqarputit
• Nerisassat pitsaasut, peqqinnartut mamartuusullu aallutaraat – aamma igaffimmi ulapinnerusumi nutaaliornissamut piumassuseqartarputit
• Aalajaatsuuvutit akisussaaffeqartuullutillu qiimasuullutit suleqatitsialaallutillu
• Pissusissamisoortumik iliuuseqartarputit, suliassat suliarisarpatit pisariaqartitsiffiusunilu ikiuuttarlutit

Suna neqeroorutigissavarput?

Royal Greenlandimi ulluinnarni assigiinngitsorpassuarnik suliaqarsinnaavutit suliffeqarfimmi ileqqutoqqanik tulluusimaarutiginniffiusumi pitsaassuserlu pingaartillugu – aamma sulisut nerisassaat eqqarsaatigalugit. Suliffinnut inuttullu ineriartornissamut periarfissaqarputit, suleqatitillu ullut tamaasa suleqatigiinnerisigut sulinerit kinguneqarlualernissaa takusinnaallugulu malugisinnaavat.

Atorfimmut atatillugu inissaqartitsisoqanngilaq.

Qinnuteqarneq

Atorfik pillugu paasisaqarnerorusukkuit kantiinami pisortaq Mona Hansen +299 36 13 17 imaluunniit moha@royalgreenland.com attavigisinnaavat

Qinnuteqaatit mailikkut nassiussat nalilersorneqarnavianngillat.

Qinnuteqaatit sukkanerpaamik nassiuguk. Qinnuteqaatit ataavartumik nalilersorneqartarumaarput.

Atorfinitsitsineq isumaqatigiissuteqarnikkut pissaaq.

Tusarfiginissat qilanaaraarput.