IIluut A/S Ingerlatsinermi ataqatigiissaarisussarsiorpoq

Illuut A/S aktiaateqarluni inissiaatileqatigiiffiuvoq Namminersorlutik Oqartussanit pigineqartoq. Ingerlatseqatigiiffik 1.000-it missaannik inissiaateqarpoq – pingaartumik Nuummi – ingerlatsinerlu aamma allaffissorneq allanut suliakkiissutigineqarlutik. Illuut A/S-ip Agerskov Consulting aqutsisuunissaq pillugu isumaqatigiissuteqarfigaa, attartortumut attaveqarneq tamaat tassanngaanniit isumagineqarluni. Illuut A/S-ip aammattaaq suliffeqarfiit arlallit Agerskov Consultingimit suliakkerneqarlutik ulluinnarni ingerlatsinermi suliassanik suliaqartut suleqatigisarpai.

Ingerlatsinermi ataqatigiissaarisutut atuuffigisassaq

Ingerlatsinermi ataqatigiissaarisumik Illuut A/S-ip ilaatut sulilersussamik pissarsiorpugut. Illuutitta, atortulersuutitta teknikkikkullu ikkussukkat ulluinnarni pitsaasumik ingerlanissaasa qulakkeernissaat akisussaaffigissavat.

Suliassatit

Tamatigoortumik inissisimaffeqassaatit suliassallu, tassaasut illuutitsinni suliassat pilersaarutaareersut nukinginnartullu, nammineerlutit pilersaarusiornissaannut pingaarnersiornissaannullu annertuumik kiffaanngissuseqassallutit. Håndværkerinik suliffeqarfiup avataaneersunik ataqatigiissaarisassaatit, aserfallatsaaliuinermik suliassanut pitsanngorsaanermillu suliniutinut malitseqartitsisassaatit kiisalu ulluinnarni ingerlatsinermut tunngasunik unammilligassat isumagisassallugit.

• Illuutit, pequtit sumiiffiillu ataatsimoorussat paarilluagaanissaat                      atorneqarsinnaanissaallu qulakkiigassarissavat

• Atortussanik piniartassaatit suliassallu håndværkerit avataaneersut peqatigalugit ataqatigiissaartassavatit

• Sanasut, qarmaasut, VVS-it, innaallagisserisut suliaqartartullu allat suleqatigissavatit

• Illuutini teknikkikkut ikkussukkat aqutaralugillu nakkutigissavatit

• Allaffissornermik suliassat ingerlatsinermut aserfallatsaaliuinermullu tunngasut isumagissavatit

Ineqartut naammagisimaarinninnissaasa qulakkeernissaanut, aamma atortulersuutit illuutillu ullut tamaasa atorneqarnissamut piareersimanissaannut qitiusumik inissisimassaatit.

Illit pillutit

Takorloorparput teknikkimut tunngasumik imaluunniit håndværkeritut tunuliaqartuussasutit. Imaassinnaavoq entreprenøritut suliaqarfimmeersuusutit, aammali allatut suliaqarsimaneq ammaffigaarput, soorlu ass. ejendomsserviceteknikeritut imaluunniit allatigut illuutinik ingerlatsinermik misilittagaqarneq.

Suliassat naammassineqarnissaannik pingaartitsisuuvutit amerlasuunillu attaveqarfeqarneq sungiusimallugu. Suleqatinut suleqatigisartakkanullu avataaneersunut attaveqaqateqallaqqissuuvutit, aamma suliassat, suleqatigisartakkat ineqartullu inussiarnersumik aaqqiissutissarsiniarnissamillu siunnerfeqarlutit naapittarlugit.

Pingaartipparput:

• Teknikkimut paasisimasaqarluarnissat aamma assassorissatigut piginnaasaqaruit iluassaaq

• Ingerlatsinermik, aserfallatsaaliuinermik imaluunniit iluarsartuussinermik suliassanik misilittagaqarneq

• Aaqqissuulluakkamik suleriaaseqarnissat tamakkiisumillu isiginnissinnaanissat, aamma suliassat arlallit ataatsikkut nukinginnarsigaangata

• Suleqatinut håndværkerinullu qularnaatsumik sulianullu pikkorissusilimmik attaveqaqateqarsinnaanissat

• Akisussaassuseqarnissat suliassavillu naammassilluartarnissaat

• Dalux FM-imut imaluunniit digitalimik atortulersuutinut assingusunut misilittagaqarnissat

Atorfik ineqartutsinnut suleqatigisartakkatsinnullu avataaneersunut ulluinnarni attaveqarnermik imaqarmat attaveqaqateqallaqqissuunissaq pingaartipparput. Avatangiisini oqaatsinik arlariinnik atuiffiusuni sulivugut, kalaallisut, danskisut tuluttullu oqaatsit ulluinnarni atorneqartarlutik. Kalaallisut oqalussinnaaneq nukittuffiuvoq, ineqartuutitta ilarpassui kalaallisut oqaatsit pingaarnertut oqaaserimmatigit. Pingaarnerpaavorli inunnut naapitannut toqqissisimanartumik, erseqqissumik ataqqinnittumillu attaveqaqateqarsinnaanissat.

Atorfik tunngaviatigut piffissaq tamakkerlugu suliffiuvoq, taamaattorli sap. ak./akunnerit 30-t suliffigisassallugit kissaatigigukku aamma taamaaliortoqarsinnaavoq.

Piukkunnaateqartut kikkulluunniit qinnuteqarnissaannut kajumissaarpagut, suiaassuseq, ukioqqortussuseq, sumiuuneq qanorlu tunuliaqutaqarneq apeqqutaatinnagit.

Illuut A/S suleqataaffigileruk

Suliffeqarfimmik ullut tamaasa allanngueqataaffigisinnaasannik ujaasivit? Illuut A/S-imi aaqqissuussaanerup ilusiligaanera sulisumit aqutsisumut qanittuuvoq, aalajangiinerit pilertortumik pisarlutik isumassarsiallu ingerlaannaq aallartisarneqartarlutik. Kulturimi persuarsiorfiunngitsumi sulisullu naammagisimaarfigilluagaanni ineriartornissannut periarfissaqassaatit.

Soqutiginnippit?

Qinnuteqaatit CV-llu piaartumik nassiutikkit. Qinnuteqarnissamut killigititaq tassaavoq septembari ulluisa 18-at.

Oqaloqatiginninnerit qinnuteqarfissap killingata kingorna ingerlanneqarnissaat pilersaarutigaarput sukkasuumik aalajangiinissaq siunertaralugu.

Qinnuteqaatit CV-llu uunga nassiutikkit:

Attavissaq

Adm. direktør

Torben Pauls

torben@illuut.gl

Suliffiup sumiiffia:

aqqusinersuaq 39, 4

3900 Nuuk

Malugiuk: Atorfimmut inissiamik innersuussisoqanngilaq.