Ilaqutariinnut aamma siusinaartumik sullissivimmut immikkoortortamut pisortaq

Siunnersuinermut Ilaqutariinnermullu Katsorsaanermut Sullissivik suliaminut pimoorussilluni suliniartumik aamma suliaminut misilittagaqarluartumik sulisussarsiorpoq, ilaqutariinnut sullissinermi aamma angerlarsimaffinnut siusinaartumik ikiortarialinnut sullissilluarsinnaasumik immikkoortortami pisortassarsiorpoq.

Suleqatit sullissinerinut aqutsisuunissannut periarfissaqassaatit, innuttaasut qanimut sullinneqarnissaannut, taakku ilaqutariittut nukittuuttut angusaqarnissaannut qanimut suleqataassallutit, meeqqat toqqissisimasumik inuunissaasa tunngavilerneqarnissaannut siuarsaaqataassallutit.

Atorfik pillugu paasissutissat:

Immikkoortortami pisortatut immikkoortortaqarfiup ingerlanneqarneranut akisussaassaatit, sullissineq pitsaasuutissavat aamma immikkoortortaqarfiup ilaqutariinnut siusinaartumik sullissinerata ineriartortinneranut akisussaassallutit. Sulisut arfinillit sulisorissavatit, taakku tassaallutik ilaqutariinnut siunnersortit aamma perorsaanermik ikorfartuisut, psykologit pisortaannik aamma suleqateqassaatit immikkoortortaqarfinnilu allani pisortat aamma suleqatigisassallugit.

Neqeroorutinut nutaanut akisussaassaatit, angerlarsimaffinnut siusinaartumik ikiugassanut pilersaarusiortassallutit, suleqatitit imaajartassallugit, supervision, qulakkeertassallugulu ilaqutariit siunnersorteqarlutik ataatsimoortitaasarnissaat aamma ilaqutariinnut siunnersuineq pitsaalluinnartumik ingerlanneqartarnissaa.

Akisussaaffigisassatit suliassatillu:

∙Immikkoortortami ilaqutariinnut siusinaartumik sullissineq pitsaasoq ataqatigiittorlu qularnaassallugu

∙Sulisut siulersorlugit suliaallu pillugit oqaloqatigisarlugit, imaajaaneq, supervision, aamma sulisut suliaminnut piginnaaneqalernissaannut ineriartortitseqataassallutit

∙Suliffiup nuannersumik ineriartorfiusumillu avatangiiseqarnissaanut qulakkeerinnissallutit, suliffimmi suliffigiuminartumi suleqatigiinneq aamma attaveqatigiinneq pitsaalluinnassasoq

∙Pilersaarusiorneq, angerlarsimaffinni siusinaartumik sullissinerup ataqatigiinnissaa malitseqartinneqartarnissaalu, ikorfartuisoqassalluni aamma ikorfartuinissamut neqerooruteqartoqartassalluni

∙Ilaqutariit ataatsimoornissaasa tunngaviliuunnissaat, meeqqat avataanut inissinneqarsimasut pillugit najoqqutassaqassalluni, angajoqqaavinuttaaq

∙Uppernarsaatit qularnaarneqarnissaat, sullissinissat pillugit nutarterineq aamma nalunaarutit nalunaarsukkallu qularnaatsumik isumagineqarnissaat

∙Immikkoortortaqarfiit ataatsimoorlutik ataatsimiinnerini peqataasarnissaq, aqutsisut ataatsimiinnerini aamma sullitassatut innersuussilluni ataatsimiinnernut peqataasarnissaq

∙Aaqqissuussaasumik ineriartortitsinertalimmik sulineq immikkoortortap neqeroorutai ingerlatseriaasissaalu pillugit nalilersuisarneq

∙Sullissiviup ataatsimut aaqqissuussaasumik ineriartortinneqarnissaata suliarineranut ilassuteqartassalluni

Naatsorsuutigaarput uku piginnaaneqarfigigitit:

·Inulerinermik imaluunniit perorsaasutut ilinniarsimassaatit (assersuutigalugu cand.soc., cand.pæd.psych. assigisaannilluunniit).

·Ajunngippat aqutsinermik ilinniagaqarsimassallutit, imaajaasinnaanermik, supervision imaluunnit ilaqutariinnut sullissinermik

·Ilaqutariinnik sullissinermik misilittagaqarluartutit, perorsaasuusutut angerlarsimaffinni siusinaartumik sullissinermik misilittagaqarlutit

·Sulisunik aqutsinermik misilittagalik aamma sullitanut sullitassaalluartunut ataqatigiissaarisinnaasoq

·Ajunngippat oqartussanik suleqateqarnermik misilittagaqartoq, meeqqanut ilaqutariinnullu inatsisinik paasinnilluartoq

·Suliffimmik ilusilersuillaqqissoq, suliffigissaasoq sulisunullu tunaartaliillaqqissoq

·Suliassanut ajornakusoortunut aaqqiissuteqarluarsinnaasoq, eqqissimasoq suliassaminullu ilisimaarinnittoq

·Allat misigissusaannik paasinnillaqqissoq, inunnullu saqqumisumik attaveqallaqqissoq

·Suleqateqarusussuseqartoq ineriartortitsinissamillu ukkataqartoq

·Suleqatigiinnut uteriitsunut innuttaasut qanillugit sulinissaannut kajungilersitsisoq

·Kalaallisut qallunaatullu oqaaseqartuuppat pitsaassasoq, tamannali piumasaqaataanngilaq

Neqeroorutigaagut:

∙Atorfik pissanganarlunilu pingaaruteqarluinnartoq, inunnik sullissilluartunik suliffigineqartoq

∙Ilaqutariinnut siusinaartumik sullissinermi ineriartortitseqataanissannut periarfissaqarputit

∙Immikkoortortani assigiinngitsuni tunniussimallutik sulisut suleqatigisinnaallugit aamma taakkununnga attuumassutillit suleqatigineqarsinnaallutik

∙Pitsaassuseq ukkatarineqartoq, imaajartinneq, supervision, aamma sulinermi piginnaasat ineriartortinneqarnissaannut periarfissaqarluni

Suliffeqarfimmi attavigisassaq:

·Psykologit pisortaat qaninnerpaatut pisortarissavat

·Pisortaaffigissavatit: Ilaqutariinnut siunnersortit aamma perorsaasutut ikorfartuisut

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1164-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk