Ilaqutariinnut paarsisartunut siunnersorti Tasiilami Meeqqanut Ilaqutariinnullu Sullissivik MI ataan

Kommuneqarfik Sermersooq pikkorissumik tunniusimasumillu llaqutariinnut paarsisartunut siunnersiortimik, Isumaginninnermi siunnersortitut, perorsaasutut imalunnit Isumaginninnermik suliaqarnermut siunnersortitut ilinniagalimmik 01.05.2026 sulilersussamik pissarsiorpoq.

llaqutariinnut paarsisartunut siunnersortip pingaarnertut suliassai tassaapput; llaqutariit paarsisartunut akuersissutit qulakkeerneqarnissaat, llaqutariinnik paarsisartut sullinneqarnerat tamakkiisoq, taamattaarlu llaqutariit paarsisartut sulineranni isumaginninnikkut perorsaanil

Tasiilami llaqutariit paarsisartunut siunnersortitut atorfiit pingasuupput, suleqataasoq ataaseq allami atorfinittussanngornera pissutingalugu suleqatissarsiorneq ingerlanneqarluni.

Ml Tasiilami aaqqissuusseqqinneq ingerlanneqarnikuuvoq, tassanilu suliniutinik ingerlatsiviit tamarmik ataatsimut immikkoortortaqalerputt. Immikkoortortami sulisut imatut agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1 , psykoterapeutit 2, barnehusimut konsulent 1 barnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 7 — taakkunannga ataaseq ataqatigiissaarinermik aamma suliaqassalluni -, inuusuttuaqqanut siunnersortit 4 — taakkunannga ataaseq ataqatigiissaarinermik aamma suliaqassalluni - aamma ilaqutariinnut paarsisartunut siunnersortit 3.

llaqutariinnut paarsisartunut siunnersortitut atorfik ulloq naallugu atorfiuvoq, ataasinngornermiit tallimanngornermut 40 timer tunngavingineqarluni. Qaninnertut pisortarissavat suliniutinik ingerlatsivimmi (indsatsomràdet) afdelingsleder.

Atorfiup imarisaa:

 Misilittagaqartumik Ilaqutariinnut paarsisartunut siunnersortitut suliaqarnermi peqataalluarsinnaasumik ataanilu makkunannga suliaqarluarsinnaasumik pissarsiorpugut:

·Suliassat Kommuneqarfik Sermersuumi Ilaqutariinnut paarsisartunut siunnersortit allat kiisalu Meeqqanik ilaqutariinnillu sullissisut allat peqatigilluinnarlugit suliat ingerlannIlaqutariinnik paarsisartunik eqeersimaartumik pissarsiniarneq Tasiilami nunaqarfiinilu

·Ilaqutariinnik paarsisartunik akuersinernik sullissinerit suulluunniit

·Ilaqutariinnik paarsisartunik sullissinerit suulluunniit, ilanngullugit angajoqqaarsiat pisartagaannik assingusunillu nalunaarutiginninnerit

·Ilaqutariinnik paarsisartunik isumaginninnermut tunngasunik perorsaanikkullu pikkorissartitsinerit/piginnaanngorsaanerit, ilitsersuinerit siunnersuisarnerillu

·Ilaqutariinnik paarsisartunik nakkutilliineq

·Oqartussaaffeqarfik suleqatigalugu meeqqat inuusuttullu eqqortumik inissinneqarnissaannut isumannaarineq

·Oqartussaaffeqarfik suleqatigalugu angerlartitsinermut sulianik suliaqarneq

·laqutariit paarsisartut immikkoortortaani ineriartortitsinermi peqataaneq

·Meeqqat ilaqutariinni paarsisartuniittut pillugit suliassat takkussuuttut suliarinerateqartassapput

Qinnuteqartunut naatsorsuutigisat:

·Isumaginninnermi siunnersortitut, perorsaasutut imaluunniitIsumaginninnermik suliaqarnermut siunnersortitut ilinniagaqarneq

·Inatsisinik atuallaqqissuuneq paasinnillaqqissuunerlu

·Allakkatigut oqaluttariarsornikkullu oqaasertaliillaqqissuuneq

·Angajoqqaarsianut immikkoortortaq aallaavigalugu suliani peqataasunik susassaqartunik suleqateqarnissamut kajumissuseqarneq suleqateqarsinnaanerlu

·Aaqqissuussaasumik aamma tamakkiisumik isiginnilluni sulisinnaaneq

·Aalajaatsoq, tatitussuseqarluartoq sulianillu ilisimasaqarluarneq

·Allaffissornermi tunngavissanut akuerineqartunut sinaakkutissat iluini tatiginartumik sulisinnaassuseqarneq

Pingaartipparputtaaq:

·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

·Uippakajaarani arlariinnik suliaqarsinnaasoq

·Erseqqissumik tappissumillu allattariarsorlunilu oqaluttariarsorsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Atituumik suleqateqarluarsinnaasoq

Neqoroorutigaavut: 

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Suleqatigiilluni tamakkiisumik isiginnittaaseqarluni kivitseqatigiissinnaaneq upperalugu suleqatigiinneq, taamatullu sulisut ataasiakkaat aammalu suleqatigiittut piginnaasaanik qaffassaaneq pingaartillugu ingerlaqatigiinneq pingaartitaraarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Emilie Napatoq, oqarasuaat +299 36 76 23 imaluunniit e-mail: emnp@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 266-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 31.-at, 2026