Ilinniarnermi aqutsisoq ilinniakkanut ingerlaqqiffiusunut

Ilinniarnermi aqutsisoq Greenland business school-imi ilinniakkanut ingerlaqqiffiusunut

Aqutsisuuit ilinniakkat ingerlalluarnissaannut piumassuseqarluni sulerusuttoq – ullut tamaasa?

Niuernermik Ilinniarfimmi / Greenland Business School (GBS)-imi ilinniarnermut aqutsisumik pissarsiorpugut, ilinniakkanut ingerlaqqiffiusunut ulluinnarni ingerlatsinermi qulakkeerinnissinnaasoq, ilinniartitsisunut ilinniartunullu pitsaasumik sinaakkusersuisinnaasoq.

Ilinniarnermi aqutsisutut ineriartortitsinermut ilaassaatit, angusaqarusulluartoq, aalingiinissamut qanittoq, ilinniakkat pitsaasut pilersinneqartarput, ulloq ingerlalluaraangat. Taamaattumik ilinniarnermi aqutsisussarsiorpugut, ulluinnarni ingerlatsinermi ilusilersuisussamik, ataqatigiissaarisussamik, pitsaassusermillu pilersitsisinnaasumik, kiisalu ilinniakkat ineriartortitsinermut peqataasinnaasumik.

Atorfik inuttalerneqarnissaa kissatigineqarpoq 1. november 2026 imaluunniit isumaqatigiinneq malillugu.

Greenland Business School pillugu

Greenland Business School ilinniarfiuvoq Namminersorlutik Oqartussat ataani, ilinniakkanik inuussutissarsiornermut, sulinermillu sungiusarnermik assigiingitsunik qaffasissusilinnik imalinnik neqeroorutilik.

Ilinniagaatigut suliffeqarfiit, suliniaqatigiiffiit, pisortallu suliffeqarfiutaat suleqatigalugit ineriartortinneqarput, taamaasilluni ilinniartut piginnaasaqalersinnaanissaat, Kalaallisut toqqaannartumik atorsinnaasaminnik atuisinnaalersillugit.

Ilinniarnermut aqutsisutut atuuffissat

Ilinniarnermi aqutsisutut ulluinnarni ilinniakkanut ingerlaqqiffiusunut ingerlatsineq. Qulakkiissavat atuartitsineq, misilitsinneq, ilinniarnerup ingerlanera, kiisalu isumallutinillu pilersaarusiorneq ataqatigiisissallugit, aammalu ulluinnarni ilinniartitsisut, ilinniartunik sullissisut aqutsisullu ataqatigiissarnissaata ingerlanissaa.

Ilinniartitsisunut qanimut aqutsisuuvutit, ulluinnarnilu sulisunut aqutsisuullutit, suliassanik pingaarnersiuineq, ingerlatsinerullu malittarinissaa. Suliassatut pingaarnertut sinaakkusersuineq, ilinniartitsusut ilinniartunik ataqatigiittumik ilinniarnerup iluatsittumik pitsaasusilimmik ingerlanissaanut qulakkeerinninnissaannut.

 Atuarfiup aqutsisuinut ilaassaatit, ilinniarnermullu pisortaq qanimut suleqatigissavat, aammattaaq aqutsisut, ilinniartunillu sullissisut. Taakkua ilutigalugit ilinniakkanik ilinniarnermi pisortaq, aqutsisullu allat peqatigalugit ineriartortitsineq ingerlatissavat.

Pingaarnertut akisussaaffitit

Soorlu makkua akisussaaffigissavatit:

• Ulluinnarni aqutsineq, ataqatigiissaarinerlu ilinniakkanik ingerlaqqiffiusunik

• Ilinniartitsinissap ingerlanneqarnissaanut pilersaarusiorneq, misilitsinnerit aammalu isumaluutinik agguaaneq

• Sulisunik aqutsineq, ulluinnarnilu ilinniartitsisunik avitseqateqarneq.

• Ilinniakkat aaqqissuuneqarnerisa, nalunaarutit, malitassallu malinneqarnissaasa qulakkeernissaa.

• Naliliinerit malinnaafiginissai, ilinniarnermi avatagiisit aammalu sulinerup pitsaasuunissaa.

• Ilinniartunik sullissisunik suleqateqarneq, suliffeqarfinnik suleqateqarneq, allanillu pisortanik suleqateqarneq.

• Aaliangikkat, anguniakkallu ulluinnarni atuutsinneqarnissaat

• Ilinniakkat, ilinniakkallu nutaat neqeroorutigineqartut ineriartortinnissaat, ilinniarnermi pisortaq aqutsisullu peqatigalugit.

Takorluugaqarpugut illinnut imaattumik...

Uunga atorfimmut naapertuuttumik ilinniagaqassasutit, ilinniartoqarfinniik misilittagaqassasutit, aqutsinermik, tassani ataqatigiissaarineq, aaqqissuussaaneq, kiisalu akisussaaffeqarsimaneq suliannut ilaanikuussimassallutik.

Immikkut pingaartipparput illit:

• Ilusilersuinermik, ataqatigiinnermik, pitsaassutsimillu ulluinnarni ingerlatsinermut  piumassuseqassasutit, 

• Pingaarnersiusinnaassasutit, ingerlariaasissanik pilersitsisinnaassasutit, aaliangiisinnaassuseqassasutit ulluinnarni suliassat pillugit

• Pilersaarusiorsinnaassasutit, ataqatigiissaarisinnaasoq, sulianillu malinnaasinnaassasutit, suliat naammassineqarnissaat anguniarlugu, isumaqatigiissutillu eqquutsinnissaat anguniarlugu.

• Sulisunik aqutsineq misilittagaqarfigissagit, imaluunnit allamik aqutsinermik inunnut tungasunut.

• Ataqatigiissuumik sulisinnaassasutit, eqeersimaarlutit – naak ulloq ulapaarfiugaluartoq

• Ilinniakkanut ingerlaqqiffiusunut paasinnissasutit, pitsaassutsimillu piumaneqartumut, allaffissorneq, oqartussaassuseqarnermilu suliassanik.

• Suna tamaat akimorlugu, suliffeqarfik nukittooq pilersinniarlugu peqataaneq

• Kalaallisut, qallunaatullu oqalussinnaassasutit, kisiannili aamma oqaatsinik allanik atusinnaaneq.

Neqeroorutigaarput

Aqutsisutit suliffik tamatigoortoq, ulluinnarni Greenland Business School-imi ilinniakkat ingerlaqqiffiusut ingerlanneqarnerinut annertuumik sunniuteqaqataaffiusoq.

Atuarfiup sulisuinut angusaqarusussusilinnut tunniusimasunullu peqataalissaatit, kalaallit nunaanni suliffeqarfinnik suleqateqarlutit. Uangutsinni sinaakkusersuillutillu, ilusilersueqataassaatit, ilinniartitsisunut ilinniartunullu atuuttussanut, ilinniakkanillu ineriartortitsinermut.

Aqutsisunut ilaalissaatit, ulluinnarni peqatigiinneq, suleqatigiinneq, ataatsimullu akisussaaffeqarneq.

Paasissutissat allat

Atorfik pillugu annertunerusumik paasisaqarusukkuit, ilinniarnermut pisortaq Annasofie Wædeled-Møller allavigisinnaavat uunga +299 342554 imal. anwm@gbs.gl

Greenland Business School pillugu paasisaqarsinnaavutit ugguuna www.gbs.gl

Qinnuteqaat

Qinnuteqaammut killigitinneqarpoq 4.september 2026. Atorfik pillugu oqaloqateqarnerit ataavartumik ingerlanneqassapput. 

Atorfimmut piukkunneqartut aggersarneqassapput, agginnginnerminni aqutsineq pillugu suliassanik pingasunik tunineqassapput, taannalu atorneqassaaq qinnuteqartoq aqutsinermik misilittagaqarnermini, aaliangiisinnaanerminilu qanoq periuseqarnersoq.

Qinnuteqaatit nassiuguk, CV, ilinniarsimanermut uppernarsaatit, allallu qinnuteqarnermut soqutiginarsinnaasut ilanngullugit, tooruk “qinnuteqaat nassiuguk”

Email-ikkut qinnuteqaatinik tigusineq ajorpugut

Akissarsiat - atorfininnermilu atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq. 

Atorfininneq tjenestemand-itut pisinnaavoq, Kalaallit Nunaanni taamatut inissisimangaanni.

Sulinerup sivisussusaa nal.ak. 40-t sap.ak.-nut. 

Ineqarneq

Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu ineqaraanni suliffimmiik soraarnermi inigisaq qimanneqartussaavoq.