Ilinniartitaanermut Aqutsisoqarfik AC-fuldmægtigimik GUX-teamimut pissarsiorpoq

Ilinniartitaanermut Aqutsisoqarfik sulianut tunngasunik sulissutiginninnissaminut piumassuseqarluartumik, kiisalu suleqatigiit ineriartornermik pingaartitsisut akornanni suleqataalluarnissaminut piginnaaneqarlunilu piumassuseqartumik suleqatissarsiorpoq. Illit suliatigut pitsaasumik tunniussaqarnissat pingaartitaraat, suliassatillu aaqqissuussamik tulleriiaakkamik suliarisarlugit.

Atorfik ikaarsaariarfinnut, misilitsinnernut naatsorsueqqissaartarfimmullu immikkoortortami inissisimavoq, immikkoortortamilu pisortaq qaninnerpaatut aqutsisorissallugu.

Suliassat ilaatigut ukuupput:

• Ilinniartitaanerni ulluinnarni allaffissornermik ingerlatsinermillu suliaqarneq.

• GUX-imi soraarummeertarnerit ataqatigiissaarneri ineriartortinnerilu.

• Opgavekommissionit atuartitsissutinullu siunnersortit sulinerannut akisussaaneq.

• Ilinniarnertuunngorniarfinnut qitiusumik kursusertitsinernik ilinniaqqittarnernillu ataqatigiissaarineq ingerlatsinerlu.

• Ilinniarnertuunngorniarfinni suliassanik ineriartortitsinerni ingerlaavartuni peqataaneq.

• Ilitsersuutinik ataqatigiissaarineq ineriartortitsinerlu.

• Iserasuaammi ilinniarnertuunngorniarfiit nittartagaannik ingerlatsineq ineriartortitsinerlu.

• GUX-imi ilinniagaqalertussat sullinneqarnerannik ineriartortitsineq, ingerlatsineq pitsanngorsaanerlu, taakkununnga ilanngullugit qinnuteqarnermi skemat immersugassat.

• Suliassanik UWC-mut (United World Colleges-mut) Nunanilu Avannarlerni projektinut tunngasunik ataqatigiissaarineq.

• Ilinniarnertuunngorniarfimmi suliassat ad hoc-iusut allat.

Illit pillutit
Qinnuteqartoq kissaatigineqartoq unaavoq: 

• Qaffasinnerusumik naleqquttumik ilinniagaqarsimassaatit.

• Ilinniarnertuunngorniarfinni ilinniarnerit itisuumik ilisimaqarfigissavatit ilinniartitaanerillu tamaasa ataatsimut isigalugit ilisimassavatit.

• Suliatit ataatsimoortillugit nakkutigisinnaassavatit, taamatullu aaqqissuussaasumik iluarsartuussamillu sulisinnaassaatit.

• Oqaluttariarsorluni allattariarsorlunilu attaveqaqatigiinnernik saqqummiisarnernillu piginnaasaqarluassaatit.

• Suleqateqarlutit namminersorlutillu sulisinnaassuseqarluassaatit.

• Inuiaqatigiinnik ilisimasaqarluassaatit.

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, Naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaqarfimminik suleriaatsiminillu aaqqissuusseqqippoq – ikiuuteqataaffigisassannik.

Suliffeqarfiuvugut assigiinngitsorpassuarnik suliaqarfiulluta, aqutsisoqarfiit suliaasa atuutereersut saniatigut ilaatigut aamma saqqummersitsiveqarluta, naqiteriveqarluta aammalu paasititsiniaanermut atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit friskolillu annerusumik suliaqarfigai, ilinniarnertuunngorniarfeqarnermi ingerlatsinernik suliassat kiisalu NUIKI-suliniut isumagisarivai. Suleqatigiit 55-it missaanniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.
 
Akissarsiat atorfeqarnermilu atukkat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut pisattallu nassiunneqarnerannut akiliunneqarsinnaatitaaneq, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut tunngatillugu inissaqartitsisoqanngilaq.
Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermut atatillugu innersuussutaasumi ineqarsinnaatitaanini attatiinnassavaa. Atorfeqarnermi inigisaq atorfimmut attuumassuteqarmat atorfeqarnerup naanerani qimanneqartussaavoq.

Qinnuteqaat
Qinnuteqaatit, CV-it ilassutissallu tulluartut ilanngullugit ”Qinnuteqaat nassiuguk” toorlugu nassiuguk. Qinnuteqarfissaq kingulleq tassaavoq 3. september 2026.

Atorfik pillugu annertunerusumik paasisaqarusukkuit immikkoortortami pisortamut, Salik Schmidt-imut saaffiginnissinnaavutit, tlf. toqqaannartoq (+299) 34 64 77 imaluunniit mail sach@nanoq.gl 
Kalaallit Nunaat Namminersorlutillu Oqartussat pillugit annertunerusumik paasisaqarusukkuit Atorfiit (naalakkersuisut.gl) iserfigalugu paasisaqarsinnaavutit.

Ilinniartitaanermut Aqutsisoqarfik mail-ikkut qinnuteqaatinik tigusineq ajorpoq.