Ilinniartitaanermut Aqutsisoqarfimmi Dysleksimik suliaqartut atuarfinnut siunnersortimik pissarsiorput

Kalaallit Nunaat tamakkerlugu meeqqanut, inuusuttunut inersimasunullu atuarnermik ajornartorsiuteqartunut allanngueqataarusuppit?

Ilinniartitaanermut Aqutsisoqarfimmi dysleksimik suliaqartut atuarfinnut siunnersortimik tunniusimalluartumik sulisussarsiorput. Naqinnernik ilisarsisinnaanngitsunut sulianik ineriartortitsinermut sunniuteqarnissannut immikkut ittumik periarfissaqarputit aammalu Kalaallit Nunaanni naqinnernik ilisarsisinnaanngitsunut allatigullu atuarnermik allannermillu ajornartorsiuteqartunut iliuusissatut pilersaarummik piviusunngortitseqataanissannut. 

Atorfininneq pissaaq 1. august 2026 imaluunniit isumaqatigiissuteqarnikkut.

Atorfik Politikikkut projektinillu suliaqarfiup immikkoortortaqarfiani inissisimavoq, tassani teamlederip pisortap ataaniilluni.

Atuarfinnut siunnersortip suliassai:

• Atuarnermik allannermillu ajornartorsiuteqartunut suliniutit nutaaliorfiusut ineriartortinneqarnerat ataqatigiissaarnerallu peqataaffigalugit.

• Teamsip immikkoortortaqarfiullu ineriartorneri nunamullu tamarmut sullissinerup ineriartortinneqarnera peqataaffigalugit.

• Ilinniartitsisut, ilinniarfeqarfiit aamma pisortat siunnersorlugillu ilitsersortarlugit.

• Suliamut attuumassuteqartut qanittumik suleqatigalugit Kalaallit Nunaanni ineriartortitsilluni sulineq sunniuteqarfigalugu.

• Suliassani, atuartitsinerup iluani politikikkut allaffissornikkullu sullissinermut tunngassuteqartuni peqataaffigalugit, matumani oqaaseqaasiornerit, akissuteqaasiornerit, nalunaarusiornerit il.il.

• Suliniutinut allanut suliat akimorlugit suliani peqataanerit – siunnersortit allat peqatigalugit aamma immikkoortortaqartarfiit kiisalu avataaneersut allat suleqatigalugit.

Illit pillutit:

• Atuarnermik siunnersorti, immikkut atuartitsinermik siunnersorti, atuartunut immikkut pisariaqartitsisunut ilinniartitsisutut ilinniagaqaqqissimasoq imaluunniit oqaatsinik ilisimatusarnerup iluani akademiskiusumik ilinniagaqartoq.

• Ilinniakkatigut pædagogikkimilu tunngavilersuillaqqissoq aamma isumaliutiginnissinnaalluartoq.

• Isumassarsisinnaalluartoq aamma atuarneq pillugu ineriartortitsilluni suliniutini suliaqarluarsinnaasoq.

• Suleqateqarluarsinnaasoq namminersorlunilu sulisinnaalluartoq.

Ilinniartitaanermut Aqutsisoqarfik pillugu:

Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Suliffeqarfiuvugut assigiinngitsorpassuarnik suliaqarfiulluta, aqutsinerit atuutereersut saniatigut ilaatigut aamma saqqummersitsiveqarluta, naqiteriveqarluta paasititsiniaanermik atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit, friskolit kiisalu GUX, Attat aamma NUIKI annerusumik susassaqarfigalugit sullivigisarpai. Suleqatigiit 55-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.

Ineqarneq:

Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarneq attaveqarnerlu:

Allanngueqataanissamut piareersimavit? Taava qinnuteqaatit, CV allallu ilanngullugit linki qinnuteqarfissap naqqani allassimasoq aqqutigalugu nassiunneqassaaq. Qinnuteqarfissaq kingulleq: 5. september 2025.

Atorfik pillugu apeqqutissaqaruit teamlederi Mette Larsen Lyberth, toqq. tlf. (+299) 34 62 78 (mailto:mell@nanoq.gl) imaluunniit immikkoortortami pisortaq Brita T. Hyldgaard, toqq. tlf. (+299) 34 62 18 (mailto: brth@nanoq.gl ) attaveqarfigikkit.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit uani taakkua pillugit atuagaqarsinnaavutit Naalakkersuisut nittartagaat

Ilinniartitaanermut Aqutsisoqarfiup atorfinnut qinnuteqaatit e-mailikkut nassiussat tiguneq ajorpai.