Ilisimatusarfimmi inatsisilerinermut immikkoortortaq ilisimatusarnermut ikiortimik pissarsiorpoq

Ilisimatusarfik inatsisilerinermut immikkoortortami ilisimatusarnermut ikiortimik sulisussarsiorpoq juunip aallaqqaataani 2026-mi atorfinittussamik imaluunniit isumaqatigiissuteqarneq tunngavigalugu.

Inatsisilerinermik tunuliaqutaqarnissat piumasaqaataanngilaq, aaqqqissuussinissamulli piginnaaneqassallutit, suliassanut nutaanut ammasuullutit kiisalu Kalaallit Nunaanni inatsisilerinermik ilinniartitaanermi patajaallisaaqataallutillu piorsaaqataallutit.

Inatsisilerinermik ilinniarnermut akisussaaffik Inatsisilerinermut immikkoortortamiippoq. Immikkoortortami sulisut naatsorsuutigineqarpoq ilinniartitaanermik piorsaaqataallutillu allaffissornermi suleqataanissaat kiisalu ilisimatusarnermi suliniutini ilinniartitaanermut tunngasuni.

Maannakkut ilinniartut 70 missaat inatsisilerinermik ilinniartitaanermi annertusiartortumi allatsissimapput. Taamaattumik immikkoortortami ineriartornermut allaffissornermilu ilisimatusarnermi ikiorteqarnissaa pisariaqarpoq. Atorfiuvoq tamakkiisoq piffissalli ilaani atorfiunissaa isumaqatigiissutigineqarsinnaavoq.

Piffissami tamakkiisumi ilaannakuusumiluunniit atorfinittussaq Ilisimatusarfimmi ilinniartunit saaffigineqarsinnaassasoq naatsorsuutiginineqarmat suleqatigiinnilu ilaalluni naatsorsuutigineqarpoq Kalaallit Nunaanni najugaqarnissat imaluunniit najugaqarusullutit.

Ilinniarsimasat, ukiut suiaassuserlu apeqqutaatinnagit qinnuteqartoqarnissaa kissaatigaarput.

Piginnaasanut piumasaqaatit:

• Pineqartumut attuumassuteqartumik kandidatitut qaffasissusilimmik ilinniarsimanissaq

• Kalaallit Nunaannik inuiaqatigiinnillu kalaallinik ilisimasaqarnissaq.

• Pilersaarusiornermik misilittagaqarnissaq angalanernillu ataqatigiissaarisinnaalluni.

• Attaveqarnermik ataqatigiissaarinermillu piginnaaneqarnissaq allattariarsorsinnaallunilu.

• Kalaallisut danskisut tuluttullu pingasunik oqaaseqarneq, piumasaqaataanngilarli.

Maluginiaruk qinnuteqartup suliassat kinguliani allassimasut tamaasa piginnaaneqarfigissanngimmagit, assersuutaannaammatali. Qinnuteqartut soorlu allaffissornikkut, piorsaanermi sulinermi tapersersuisutut imaluunniit suliassanut ulluinnarsiutinut piginnaasat qitiutillugit qinnuteqassapput.

Suliassaasinnaasunut assersuutit tulleriiaarneqanngitsut:

• Avammut suliffiullu iluani attaveqarneq.

• Pikkorissarnissanik, skemanik soraarummeernissanillu pilersaarusiorlunilu ataqatigiissaarineq.

• Piorsaanermi nutaaliorlunilu suliniutit kiisalu immikkoortortami pisortaq suleqatigalugu avataaniit aningaasassarsiorneq.

• Ilinniartunut aaqqissuussinerit.

• Ilinniartitsisunik avataaneersunik attaveqarneq.

• Ininik allanillu inniminniinerit.

• Aningaasaateqarfinnut qinnuteqarnerit.

• Ilinniartitaanerup nittarsaannera.

• Teknik IT-lu.

• Suliassat assigiinngitsut soorlu ilinniartitsinissamut piareersaaneq soorlu atortussanik naqiterineq.

Atorfiit pillugit paasiniaasoqarsinnaavoq Inatsisilerinermut immikkoortumi pisortamut Hanne Marie Motzfeldtimut saaffiginninnikkut, oqar. (+299) 550932 imalunniit ilinniarfimmi pisortamut prorektoritut ivertinneqarallarsimasunut Annemette Nyborg Lauritsenimut, oqar. (+299) 347360.

Qinnuteqaat

Inatsisilerinermut immikkoortortami ilisimatusarnermut ikiortitut, atorfininnissamut qinnuteqaat – qinnuteqaatip nammineq saniatigut allassimassalluni atorfik qinnutigineqartoq sorleq pineqarnersoq – imaattunik imaqassaaq:

Ilanngussaq 1: Curriculum Vitae

Ilanngussaq 2: Qaffasissumik ilinniarsimanermut uppernarsaatit.

Ilanngussaq 3: Inuit paasiniaavissatut allassimasut pingasut pillugit attaviginissaannut paasissutissat.

Atorfinitsitsinerup ingerlanneqartarnera

Qinnuteqaatit takkussortut atorfinitsitsinermi ataatsimiititaliamit suliarineqassapput.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.