Ilisimatusarfimmi Inuiaat Kulturiannut Oqaluttuarisaanerannullu Immikkoortortaqarfimmut adjunkti/studieadjunkti

Ilisimatusarfimmi Inuiaat Kulturiannut Oqaluttuarisaanerannullu Immikkoortortaq adjunktissarsiorpoq imaluunniit studieadjunktissarsiorpoq. 

Atorfiup apriilip aallaqqaataani 2026 isumaqatigiissuteqarnikkulluunniit inuttalerneqarnissaa kissaatigineqarpoq. 

Atorfik sapaatip akunneranut 40 tiimit suliffiuvoq.

Inuiaat Kulturiannut Oqaluttuarisaanerannullu Immikkoortortaq oqaatsinik kulturinillu ilisimatusarfittut ilinniarfittullu assigiinngisitaarfiuvoq 92-inik ilinniartulik, marlunnik ph.d.-nngornialik, pingasunik piffissaq tamakkerlugu sulisulik kiisalu tikeraatut ilinniartitsisoqarlunilu ikiortitut lektorilik. Immikkoortortami bacheloritut kandidatitullu ilinniakkat suliatigut assigiinngisitaartut neqeroorutigineqarput, ilinniakkat taakkua oqaluttuarisaanikkut, antropologiikkut, kulturikkut inuiaqatigiilerinikkullu ilisimatusaatit nalinginnaasut itsarnisarsiuinermilu sammiviliinerit ingerlanneqartarput. Kalaallit Nunaat Issittumilu kulturit allat taakkualu oqaluttuarisaanikkut inuiaqatigiittullu tunngatillugit qitiutinneratigut ilinniartitsineq ilisimatusarnerlu immikkut pingaartitaraavut.

Ilinniartitsineq kalaallisut, qallunaatut tuluttullu ingerlanneqarsinnaapput.

Kulturimik, Oqaatsinik Oqaluttuarisaanermillu Ilisimatusarfiup ataaniippoq Inuiaat Kulturiannut Oqaluttuarisaanerannullu immikkoortortaq, aammattaaq ukuninnga immikkoortortaqarluni:

• Oqaasilerinermut, Atuakkialerinermut Tusagassiuutilerinermullu Immikkoortortaq

• Teologiimut Immikkoortortaq

• Nutserinermut Oqaluttaanermullu Immikkoortortaq

Piginnaasassatut piumasaqaatit

Naatsorsuutigaarput illit:

• Kandidatitut qaffasissusilimmik antropologiip imaluunniit kulturit oqaluttuarisaanerisa iluanni naleqquttumik ilisimatusarfimmi ilinniarsimasutit.

• Adjunktitut qaffasissusilimmik ilisimatusarnermi, ilinniartitsinermi paasissutissiortarnermilu piginnaasaqartutit.

• Issittumi inuiaqatigiit nunallu inoqqaavisa oqaluttuarisaanerisa, kulturiisa inuunermilu atugaasa iluanni, pingaartumik Kalaallit Nunaannut atatillugu, ilinniartitsinermi aamma/imaluunniit paasissutissiortarnermik misilittagaqartutit.

• Inuit kulturiat qitiutillugu sumiiffimmi sulinermik aamma/imaluunniit suliassaqarfiit akimorlugit ilisimatusaqatigiinnermik misilittagaqartutit.

• Kalaallit oqaasii ilitsoqqussatut, kiisalu qallunaat tuluillu oqaasii qaffasissusilimmik piginnaasaqarfigigitit.

Suliassat

Suliassatit pingaarnertut tassaassapput:

• Bachelorinngorniat aamma/imaluunniit kandidatinngorniat fagianni soorlu makkunani Inuit kulturii, antropologiimi periuseq, antropologiimi misissueqqissaarneq atuagarsornerlu kiisalu bachelorinngornianut fagit toqqagassani, ilinniartitsineq.

• Bachelorinngornianik siunnersuineq soraarummeersitsisarnerlu.

• Immikkoortortap suliatigut peqatigiinnikkullu aaqqissussaannik pilersaarusioqataasarneq ingerlatseqataasarnerlu.

• Immikkoortortap suliassaqarfiisa iluannit paasissutissiortarneq

• Allaffissornikkut suleqatigiinnernilu peqataaneq

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae 

Ilanngussaq 2: Soraarummeersimanernut uppernarsaatit. 

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat. 

Ilanngussaq 4: Tamakkiisumik normulersukkamillu saqqummersissimasat allattorsimaffiat. 

Suliarisimasat nassiunneqartut (Ilanngussaq 8 naleqq.) saqqummersissimasat allattorsimaffianni *-mik nalunaarsorneqassapput. 

Ilanngussaq 5: Maannamut ilisimatusaatigisimasat naatsumik allaaserineri kiisalu siunissami ilisimatusaatiginiakkap(-kat) takussutissartaat. 

Ilanngussaq 6: Ilinniartitsinermik piginnaasanik takussutissaq (ilinniartitsinissamut pilersaarusiornermut, ilinniartitsinissamut aaqqissuussinermut, ilinniartitsinermi atortussanut ilaatigullu eqqarsaatersuutit pædagogikummilu).

Ilanngussaq 7: Ilisimatusaatinik siammarterinermut takussutissiaq.

Ilanngussaq 8: Nalilersorneqarnissamut immikkut attuumassutilinnik qinnuteqartoq saqqummersissimasaminik amerlanerpaanik pingasunik toqqaasinnaavoq.

Atorfik ineriartornissamut periarfissiisoq pissanganartorlu neqeroorutigaarput:

• Ilisimatusarfimmi pædagogikummimik ingerlatsineq

• Suliffimmi avatangiisit isumassarsiorluarfiusinnaasut

• Nammineq suliassanut sunniuteqarsinnaaneq

• Suliatigut pædagogikkikkullu ineriartornissamut periarfissat

Atorfik pillugu paasissutissat sukumiinerusut Kulturimik, Oqaatsinik Oqaluttuarisaanermillu Ilisimatusarfiup pisortaanut saaffiginninnikkut pissarsiarineqarsinnaapput uunga Gitte Adler Reimer oqa.: +299 386408

Inuiaat Kulturiannut Oqaluttuarisaanerannullu Immikkoortortaqarfik pillugu uani atuarnerusinnaavutit www.uni.gl

Atorfinitsitseriaaseq

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Studieadjunktitut qinnuteqaatit atorfinitsitsinissamut ataatsimiititalinit isumagineqassapput.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Adjunktimut naliliisarneq atorfinitsitsisarnerlu

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi pisortamut innersuusiussallutik.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk