Ilisimatusarfimmi Kulturimut, Oqaatsinut Oqaluttuarisaanermullu Instituttimi aqutsisoq

Ilisimatusarfimmi Institutti ingerlalluartoq ilinniartitaanermut ilisimatusarnermullu samminnilluartoq, Kulturimut, Oqaatsinut Oqaluttuarisaanermullu Institutti, aqutsisumik tunniusimasumik atuagarsornerullu tungaatigut aqutsinissamut piginnaasaqarluarlunilu nukittuffilimmik aqutsisussamik pissarsiorpoq.

Atorfik 1.august 2025 isumaqatigiissuteqarnerluunniit naapertorlugu inuttalerneqarnissaminut piariissaaq.

Kulturimut, Oqaatsinut Oqaluttuarisaanermullu Institutti makkunannga ilinniarfeqarpoq:

• Oqaatsinut, atuakkianut tusagassiutinullu immikkoortortaq

• Kulturimut Inuiaqatigiilerinermullu immikkoortortaq

• Teologimut immikkoortortaq

• Nutserinermut oqaluttaanermullu immikkoortortaq

Instituttini kandidatitut bacheloritullu ilinniarnerit ingerlanneqartarput. Kulturimut Inuiaqatigiilerinermullu Instituttimi massakkuugallartoq 19-inik aalajangersimasumik atorfilinnik, lektorinik, adjunktinik, studielektorinik, adjunktinik ph.d.-mik ingerlatalinnik, avataaniit atuartitsiartortartunik, lektorinik adjunktinngornernik, ilisimatuunik soraarnernillu sulisoqarpoq. Ilisimatusarfik pingaartumik Qallunaat Nunaanni, Nunani Avannarlerni, Europap sinnerani Amerikamilu Avannarlermi ilisimatusarnikkut ilinniartitaanikkullu suleqateqarpoq.

Instituttimi aqutsisoq rektorip ataani inissisimavoq. Instituttimittaaq aqutsisoq Instituttit sisamaasut arlaanni immikkoortortamut aqutsisuusinnaavoq.

Ilisimatusarfik pillugu Inatsisartut Inatsisaanni nr. 12, 12. juni 2019-imeersumi Instituttimi aqutsisut suliassaat, tassunga ilaallutik immikkoortortami aqutsisut atorfillillu allat atorfinitsitaasarnerannut soraartarnerannullu tunngasumi maleruagassat rektorimit, Instituttimi Siunnersuisoqatigiinnit Instituttimilu ulluinnarni aqutsisunit innersuunneqartumi aalajangersarneqarput.

Naatsorsuutigineqarpoq Instituttimi aqutsisoq

• Aqutsisutut ataatsimoorfiusutut atuussinnaassasoq oqaloqatigiinnerillu aallaavigalugit aalajangiisinnaassasoq

• Siunissamut takorluuisuusoq aallarnisaallaqqillunilu, instituttimilu Ilisimatusarfiup periaasaa aallaavigalugu instituttimik ilisimatusarfimmik ilinniarfimmillu orniginartumik pilersitsisinnaassasoq

• Suleqatinik piumassuseqarluartunik inerisarnissamut piginnaasanillu qaffassaanissamut pileritsatsitsisinnaallunilu tapersersuisinnaassasoq

• Instituttimi ilinniartitaanerit, ilinniartitaanermik aaqqissuussaanerinik ilisimatusarnerillu paasisaqarfigissagai

• Inuiaqatigiinnik kalaallinik ilisimasaqassasoq nunarsuarmioqataasutullu takunnissinnaassasoq, taakkuummatami Ilisimatusarfimmi ilinniartitaanermi pingaarutilerujussuit

• Instituttimi sammisanik allaffissornikkut eqaatsumik ingerlalluartumillu aqutsinissamik qulakkeerinnissasoq

• Sulliviup tarnikkut timikkullu pitsaasuunissaanik pingaartitsillunilu suleqataassasoq

Piginnaasatigut piumasaqaatit

Instituttimi aqutsisunngortussaq ilaatigut makkunannga takutitsisinnaassaaq:

• Ilisimatusarnerup, ilinniartitaanerup inuiaqatigiinnillu suleqateqarnerup iluanni aqutsinermut naleqquttumik misilittagaqarnissaq

• Ph.d.-mik ilismatusartutut Institsilluunniit iluani sammisanut akuerisaaneq ilinniartitsinerullu iluani misilittagaqarneq

• Suleqatikkuminartuuneq

• Instituttip iluani ulluinnarni suliassani avatangiisimilu allanngorartumik suleqataasinnaaneq

• Sulisunik aqutsinermik, aammalu aningaasanik aqutsinermik aningaasatigullu missingersuusiornermik misilittagaqarluarneq ilisimasaqarnerlu

• Qinnuteqartoq kalaallit, qallunaat tuluillu oqaasiinik piginnaasaqarluassaaq

Aqutsisutut akisussaaffiit

• Instituttimi aqutsisoq Instituttimi Siunnersuisoqatigiit Instituttimilu aqutsisut peqatigalugit Rektorimut aammalu Ilinniagartuut Siunnersuisoqatigiivinut innersuussisussatut akisussaasuupput

• Ilisimatusarnermut Ilisimatusarnerullu iluani ilinniakkanut najoqqutassiat nalinginnaasut

• Instituttimi ilinniagassanut najoqqutassiat

• Ilinniartitaaneq pillugu misileraanerit

• Ilinniakkani sammisanut piginnaasalinnik suleqatigiiliornerit

Taakkartukkat saniatigut Instituttimi aqutsisup akisussaaffigissavai Instituttimi aningaasanut missingersuusiorneq kiisalu ilinniartussanik akuersisarnermi maleruagassat, piginnaariikkat “nuunneqartarneri”, ilinniagartuutut allagartaliisarnerit, ilinniartunik aqutsinerit assigisaallu.

Qinnuteqaat

Qinnuteqaat qinnuteqarnermi allakkiap saniatigut makkunannga ilaqartinneqassaaq:

Ilanngussaq 1: Curriculum Vitae

Ilanngussaq 2: Soraarummeersimanernut uppernarsaatit

Ilanngussaq 3: Saqqummersissimasat allattorsimaffiat

Atorfinitsitseriaaseq

Rektori siunnersuisoqatigiinnik pilersitsissaaq, taakkualu qinnuteqaatit pillugut paasitinneqassapput qinnuteqartullu sorliit oqaloqatiginissaannut aggersarneqassanersut innersuussissallutik.

Piffissap qinnuteqarfiusussamut killiliussap kinguninngua oqaloqatigisassanik aggersaasoqassaaq.

Attaveqarfissaq/paasissutissat

Atorfik pillugu annertunerusumik paasisaqarusukkuit tikilluaqquatsigit rektori Gitte Adler Reimerip attaviginissaanut, oqarasuaat +299 347302. Kalaallit Nunaanni Universiteti pillugu annertunerusumik paasisaqarusukkuit uani paasisassarsiorsinnaavutit: www.uni.gl

Ilisimatusarfik pillugu:

Ilisimatuarfik, Kalaallit Nunaata Universitetia, 1987-imi pilersinneqarpoq, ilinniakkanik assigiinngitsunik 13-inik ingerlatsilluni kiisalu piffissap ilaannaa ilinniakkanik ataasiakkaanik ingerlataqarluni, soorlu diplomimut masterimullu ilinniarnernik.

Ilisimatusarfik issittumi universitetiuvoq ilisimasanik aallarnisaanermillu piffimmi ineriartortuartumi pilersuisoq. Siulersuisut tassaapput universitetip aqutsisuini qullersaasut. Ulluinnarni aqutsineq rektorimit universitetillu direktørianit ingerlanneqarpoq. Instituttit sisamaasut Instituttini aqutsisunit Instituttimi siunnersuisoqatigiinnit siunnersorneqartartunit aqunneqarput.

Ilisimatuarfik sisamanik instituteqarpoq:

Kulturimut, Oqaatsinut Oqaluttuarisaanermullu Institutti

• Ilinniartitaanermut Institutti

• Peqqissaanermut Pinngortitamullu Institutti

• Inuiaqatigiilerinermut, Aningaasaqarnermut Tusagassiuteqarnermullu Institutti

Qitiusumik allattoqarfik:

Qitiusumik allattoqarfiup universiteti tamaat sullitaraa. Taanna direktørimik aqutsisoqarpoq. Qitiusumik allattoqarfik Ilimmarfimmi Ilinniarfissuarmilu immikkoortortaqarpoq. Immikkoortortat sammisanik ataasiakkaanik qanimut suleqateqarpoq, iluminnilu aamma suleqatigiillutik.

Qitiusumik allattoqarfiup suliassarai: Ilinniartunik sullissineq, sulisunik sullissineq, siulersuisunik ilinniagartuullu isumasioqatigiivinik sullissineq aammalu universitetimi sulisunut ilinniartunullu tunngatillugu suliassat allat.

Qitiusumik allattoqarfiup Ilimmarfiup illutaasa ingerlanneqarnerat isumagisaraa.

Aningaasarsiaqarneq atorfeqarnermilu atugassarititaasut

Atorfik piffissamik killilikkami atorfiuvoq ukiunullu 3-nut killiligaalluni sivitsorneqarsinnaasumik.

Atorfik massakkuugallartoq aningaasarsiat Kalaallit Nunaanni Namminersornerusut isumaqatigiissutaani LR 38-mi inissisimavoq. Atorfiup killiligaaneranut tapisiaqartitsisoqassaaq.

Atorfininnermi Isumaqatigiissutit toqqammaviussapput, tassa qinnuteqartoq Kalaallit Nunaanni pisortat ataanni tjenestemanditut atorfeqarsimaguni tjenestemanditut atorfeqaannarsinnaalluni.

Atorfimmut tunngatillugu piffissamik killiligaqanngilaq, qaangiuttoornermilu tapisianut tunngatillugu aalajangersakkat sulinngiffeqarnissaagaluarnullu annaasanut taartisiaqartarneq atuutinngillat; sapaatip akunneranut suliffik tunngaviatigut nal.ak. 40-nik sivisussuseqarpoq.

Aningaasarsiaqarneq atorfeqarnermilu atugassarititaasut, tassunga ilaallutik atorfininnermi soraarnermilu angalanerit pisattallu nassiunneri, atorfininnerup nalaani Kalaallit Nunaanni Namminersornerusut kattuffiullu ilaasortaaffigisap akornanni isumaqatigiissutaasut naapertorlugit pisarput. Atorfik Nuummi inissisimavoq.

Qinnuteqaat nassiuguk