Ilisimatusarfimmut psykologiimi studieadjunkti imaluunniit adjunktissarsiorpoq

Ilisimatusarfiup Isumaginninnermik Suliaqarnermi Immikkoortortaa psykologiimi studieadjunktissarsiorpoq imaluunniit adjunktissarsiorpoq.

Atorfiup piaarnerpaamik isumaqatigiissuteqarnikkulluunniit inuttalerneqarnissaa kissaatigineqarpoq. 

Isumaginninnermik Suliaqarnermi Immikkoortortaq maannakkut 53-inik ilinniartoqarpoq, ukiullu tamaasa ilinnialertussat 20-t missaat akuerisarpai. Isumaginninnermut siunnersortitut ilinniakkami ilinniartitsisut atorfillit, immikkoortortaqarfiup pisortaa ilanngullugu, 6-iupput.

Isumaginninnermut siunnersortitut ilinniakkami ilinniartitsisoqatigiit tassaapput isumaginninnermut siunnersortit, ilaatigut tassaasut isumaginninnermik suliaqarnermi kandidatitut ilinniarsimasuusut, inooqatigiit pissusiinik ilisimatuut aamma inatsisilerituut.

Ilinniakkami ilinniartunik ilinniartitsisarneq, studieadjunktissaq adjunktissarluunniit peqatigalugu, isumagisarparput. Ilinnikkami ilinniartitsisut amerlanerpaartaat suliassaqarfinni soorlu ukunani immikkut ilisimatusarsimasuupput: Meeqqanut inuusuttunullu, suiaassutsinut, isumaginninnermut politikkimut, inuuniarnikkut ajornartorsiutinut, innarluuteqarnermut aamma naalaagaaffik atugarissaartumut tunngasuni. 

Ilisimatusarfimmi ilinniartitsinerit kalaallisut, qallunaatut/nunat avannarliit oqaasiinik tuluttulluunniit ingerlanneqarsinnaapput.

Ilinniartitsisarnissaq, ilitsersuussisarnissaq aamma suliatigut Isumaginninnermillu Suliaqarnermi Immikkoortortaqarfimmik inerisaaqataanissaq atorfimmut ilaapput.

Piginnaasat misilittakkallu naapertorlugit studieadjunktitut imaluunniit adjunktitut atorfinitsitsisoqarsinnaavoq.

Isumaginninnermik suliaqarnermut atatillugu qinnuteqartup psykologiimi ilinniartitsinermik misilittagaqarnissaa kiisalu qinnuteqartut cand.psych.-iunersut imaluunniit cand.pæd.psych.-iunersut isiginiarneqassapput. 

Qinnuteqartup inuttut piginnaasai aammattaaq isiginiarneqassapput, tamatumunnga pingaartumik ilanngullugit suleqateqarsinnaanermut paasissutissiorsinnaanermullu piginnaasat kiisalu inuiaqatigiinni assigiinngitsunik kultureqarfiusumi eqaassuseqarneq. Qinnuteqartoq ilinniakkamik inerisaaqataanissamut ineriartortitseqqiinissamullu kiisalu suliassaqarfiit assigiinngitsut akimorlugit suleqateqarnissamut aamma nalinginnaasumik suliassaqarfikkut ineriartornissamut kajuminnera piginnaassusaalu aammattaaq isiginiarneqassapput.

Kalaallit Nunaanni ullumikkut isumaginninnikkut ajornartorsiutaasut pillugit qinnuteqartut tamarmik ilisimasaqarluarnissaat naatsorsuutigineqarpoq.

Suliatigut ineriartornissamut periarfissanik aamma suliatigut siunersiueqatigiittarnermi atorfik pitsaasunik neqerooruteqarpoq.

Suliassat pingaarnerit:

Suliassatit pingaarnerit tassaassapput isumaginninnermut siunnersortinngorniarfimmi (studieadjunktitut) ilinniartitsineq aamma (adjunktitut) ilisimatusarneq. Studieadjunktip imaluunniit adjunktip ilinniartitaanermi moduli ataaseq amerlanerusulluunniit akisussaaffigissavai. Tamatuma saniatigut studieadjunkti/adjunkti immikkoortortaqarfiup ulluinnarni sammisarisartagaani peqataasassaaq.

Qinnuteqartup makkuninnga pigisaqarnissaa kissaatigaarput:

• Psykologiimi, isumaginninnermik suliaqarnermi, inuiaqatigiilerinermi assigisaanilluunniit kandidatitut ilinniarsimanissaq, inunnillu sullissinermik aamma inuit ataasiakkaat inooqataanermilu ajornartorsiutinik isumaginninnermik minnerpaamik ukiuni pingasuni misilittagaqarsimaguit aammattaaq iluaqutaassaaq.

• Tunniusimalluarluni ilikkagaqarfiunartumillu paasissutissiornermik, ilinniartitsinermik ilitsersuinermillu misilittagaqarneq suliaqarsinnaanerlu.

• Suleqatikkuminartuuneq; suleqatigiikkuutaani aamma suliassatigut allani suleqatigiikkuutaani sulinermik misilittagaqarneq kiisalu suleqatinik ilinniartunillu suleqateqarnermik piginnaasaqarneq.

• Nammineq ilisimasanik pisinnaasanillu ingerlaavartumik nutaanik ilaartuinissamut piumassuseqarneq.

• Immikkoortortami ilinniartut sulisullu qanimut peqatigalugit isumaginninnermut siunnersortitut ilinniakkap ineriartortinneranut eqeersimaartumik peqataarusussuseqarneq kiisalu; kalaallisut, qallunaatut tuluttullu oqaatsitigut piginnaasaqarneq.

Neqeroorutigaagut:

• Adjunktitut pædagogikummimik ingerlatsineq

• Avatangiisit suliamut tunngasutigut nukittuut

• Inuttut piginnaanngorsarnissamut aamma suliatigut ingerlaavartumik ineriartornissamut periarfissat

• Ineriartortitsilluni nammineq suliniutigisamik pimoorussilluni ingerlatsinissamut periarfissaq

• Isumaginninnermik suliassaqarfiup iluani ilisimatuutut misissueqataanissamut periarfissaq

• Ineriartortitsilluni suliniutini assigiinngitsuni peqataanissaq

Qinnuteqaat:

Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Curriculum Vitae

Adjunktitut atorfimmut qinnuteqartut qinnuigissavagut, allaganngorlugu qinnuteqaatip saniatigut, ukuninnga ilanngussaqaqqullugit:

• Ph.d.-tut naammassisimanermut uppernarsaat

• Ph.d.-nngorniutitut allaaserisimasaq, tamatumunnga ilanngullugu nalilerneqarnera

• Saqqummersissimasat allattorsimaffiat

• Ilisimatusaatigisimasat siunissamilu ilisimatusaatiginiakkat naatsunngorlugit nassuiaataat

Naliliisarneq atorfinitsitsisarnerlu

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik.

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Attavissat/paasissutissat:

Atorfik pillugu paasisaqarnerorusukkuit instituttip pisortaata Annemette Nyborg Lauritsenip, oqarasuaammut uunga +299 34 73 61 attaviginissaanut tikilluaqqusaavutit. Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut aqqaneq marluupput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk