Ilisimatusarfiup Teologiimut Immikkoortortaqarfianut teologiimi ilinniartitsisoq

Ilisimatusarfiup Teologiimut Immikkoortortaqarfiani ilinniartitsinernik suliaqartussamik teologiimi ilinniartitsisussarsiorpugut. Atorfiup aggustip 1-ani 2026 isumaqatigiissuteqarnikkulluunniit inuttalerneqarnissaa kissaatigineqarpoq.

Teologiimut Immikkoortortaq ukiuni pingasuni bacheloritut ilinniakkamik neqerooruteqarpoq, 15-illu missaannik bachelorinngornianik ilinniartuuteqarlunilu marlunnik piffissaq tamakkerlugu sulisunik ilisimatusartoqarpoq/ilinniartitsisoqarpoq.

Immikkoortortami tassani ilinniartitsinerit kalaallisut danskisulluunniit ingerlanneqarsinnaapput.

Immikkoortortaq Kulturimik, Oqaatsinik Oqaluttuarisaanermillu Ilisimatusarfiup ataaniippoq aamma pingasunik allanik immikkoortortaqarfiliusoq:

• Inuiaat Kulturiannut Oqaluttuarisaanerannullu Immikkoortortaq

• Oqaasilerinermut, Atuakkialerinermut Tusagassiuutilerinermullu Immikkoortortaq

• Nutserinermut Oqaluttaanermullu Immikkoortortaq

Piginnaasassatut piumasaqaatit

Naatsorsuutigaarput illit:

• Teologiimi ilisimatusarfimmi bacheloritut naleqquttumik ilinniarsimasutit

• Teologiimi suliassaqarfiit iluanni ilinniartitsinermik imaluunniit paasissutissiornermik naleqquttumik misilittagaqartutit

• Fagerisanni paasissutissiornermik misilittagaqartutit. 

• Teologiimi suliassaqarfiit iluanni ilinniartitaaneq, ilisimatusarneq suleriutsillu paasisimasaqarfigigitit

• Aaqqissugaanermi minnerusumi suliassallu tungaatigut allanngorarfiusumi eqaassuseqarlutit namminersorlutillu sulerusussuseqartutit 

• Kalaallit kulturiat paasisimasaqarfigigit aamma kalaallit, danskit tuluillu oqaasii piginnaasaqarfigilluaritit.

Suliassat

Teologiimi ilinniartitsisutut suliassatit pingaarnerit tassaassapput:

• Immikkoortortaqarfiup pisortaanik qanimut isumaqatigiissuteqarnikkut teologiimi bachelorinngorniarfimmi ilinniartitsisarneq. Nammineq suliassaqarfittut aallussat avataanni ilinniartitsisarnerup ilaasarnissaa atorfinittup naatsorsuutigissavaa. 

• Bachelorinngornianik siunnersuisarneq soraarummeersitsisarnerlu.

• Teologiimi bacheloritut ilinniakkap suli ineriartortinneqarneranut tapersiisarneq, kiisalu ilaatigut suliassaqarfiup iluani ilinniakkanik ilinniaqqiffissanillu nutaanik inerisaaqataaneq.

• Immikkoortortap suliassaqarfiani ilisimasanik paasissutissiortarneq.

• Allaffissornikkut suleqatigiinnernilu sulinermi peqataasarneq.

Inuttut pisinnaasassat

• Naammagittartuullutillu inissaqartitsisuuvutit

• Akuersaartuuvutit, kiinnerartuuvutit aamma suleqateqallaqqipputit, attaveqateqallaqqillutillu kajumissaarillaqqittuuvutit

• Ineriartornissamut sammiveqartumik eqqarsartaaseqarputit. 

• Tamakkiisumik isiginnissinnaaneq annaanagu suliassanik arlalinnik ingerlassisinnaavutit

Qinnuteqaat

Teologiimi ilinniartitsisutut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae.

Ilanngussaq 2: Soraarummeersimanermut uppernarsaatit.

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat.

Atorfik pissanganartoq ineriartornissamullu periarfissalik neqeroorutigaarput

• Ilisimatusarfimmi pædagogikumimik ingerlatsineq

• Suliffimmi avatangiisit isumassarsiorluarfiusinnaasut

• Nammineq suliassanut annertuumik sunniuteqaqataasinnaaneq

• Suliatigut pædagogikkillu ineriartornissamut periarfissat.

Attavigisassat/ paasissutissat:

Atorfik pillugu sukumiinerusunik paasisaqarusukkuit, tikilluaqquneqarputit Institutimi pisortaq Gitte Adler Reimer oqarasuaat: +299 385604 attavigissallugu. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Atorfinitsitsineq.

Ilisimatusarfimmi pisortaq atorfinitsitsinermut ataatsimiititalinik siunnersuisussanik pilersitsissapput immikkoortortaq suleqatigalugu. Ataatsimiititaliat qinnuteqartunik oqaloqatigineqartussanik toqqaanermi atorfinitsitassamillu innersuussinermi aqutsisunik ikiuissapput.

Atorfinitsitsineq pillugu:

Professionsfaglærer/Ilinniartitsisutut atorfik ukiunik sisamanik sivisussuseqarpoq.

Professionsfaglærer/ilinniartitsisup atorfeqarnermini ukiut sisamassaat naatinnagu sammisamut naleqquttumik kandidatitut masteritulluunniit naammassisaqarsimassaaq. Tamatuma kingorna ilinniartitsisoq ilinniartitaanermut studieadjunktitut atorfinitsinneqassaaq.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.