Illit tassaavit Call Centerimi siunnersorti nutaaq?

Nukissiorfiit Atuisunut sullissiviani suleqataarusuppit? Immikkoortortaqarfimmi siunertaavoq sullittakkat saaffiginnittut inussiarnersumik, eqaatsumik aammalu pikkorissuseqartumik attavissaqartarnissaat.

Sulisumik ujaasivugut Atuisut sullissivianiit sullisserusuttumik, suliassat pingaarnerit tassaassallutik sullitanut pitsaasumik qanilaartumillu misigisaqartitsisarnissaq, aammalu suleqatitaassarput systemi nutaamut ikaarsaaqataasinnaasoq sullissinermut namminerisamik modulilimmut.

Atorfimmut tunngasut:

Pingaarnertut suliassatit makkuupput:

• Oqarasuaatikkut allakkatigullu saaffiginnissutit tigoorarlugit
• Pilersuinermi ajutoornermi nikerartumik suliffiup naliginnaasumiit avataani sillimasutut sulineq
• Ulluinnarni sulianik systemillu atukkani pisariillisaaneq nutarterinerlu
• Procedurit aammalu ilitsersuutinik suliaqaqataaneq
• Immikkoortortat allat qanimut suleqatigalugit
• Nukissiorfiup ilisarnaataanut isigineqarneranullu pitsanngorsaaneq peqataaffigalugu
• Sullitat kissaataat aallaavigalugit pingaartilluguli suliffeqarfimmi maleruangassat tunuliaqutaralugit nalimmassaasinnaanissaq
• Ulluinnarni aqutsisumut siunnersuisinnaaneq ineriartuutinik aammalu eqaallisaanernik.

Pisariaqarpoq atuisunut salliutitsisumik, eqeersimaartumik, pitsaasumik ikiusinnaanissaq kiisalu immikkoortortanik assigiitsunik suleqateqarsinnaanissaq.

Piginnaaneqarfigisassatit:

Pingaartipparput illit allaffimmiutut misilittagaqarlutit tunuliaqutaqarnissat aammalu suliffeqarfinni misilittagaqarnissat, tamannalu nalimmassarfigisinnaagit suliffeqarfittut naatsorsuutigut sulisumut suliassat eqqaaneqartunut naammassinnissinnaanissat.

Naatsorsuutigaarput pingaartissagitit suliffeqarfitsinni naleqartitagut assigaluta pingaartissagitit, peqatigalutalu eqeersimaartumik sullissilluarfiusoq Atuisut sullissiviani pilersitseqatigisinnaalluta.

Atuisut sullissiviani sulisutut naatsorsuutigaarput makku kivissinnaassagitit:

• Pitsaasumik sullissinissaq
• Sullittakkat aammalu suleqatinut attuumassuteqarnerup pitsaasuunissaanik ajunngitsuunissaanillu piviusumik sulissutiginneqataanissat
• Sulianut tulleriiaallaqqissoq, ilikkajasoq, sullissilluarusuttoq inussiarnersorlu
• Iliuuseqarnissamut eqinnaattoq
• Oqalulluarsinnaasoq allallunilu Kalaallisut qallunaatullu, tuluttut aamma pisinnaaguit pitsaassaaq kisianni piumasaqaataanngilaq
• Ulluni ulapaarfiusuni uivertutut pissuseqanngissinnaaneq
• Qarasaasianut atuisinnaasoq

Akissaatitigut atorfinitsitaanermilu atugassarititat

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.

Atorfinitsitsinermi qaammatit pingasut ingerlaneri misiliutaassapput.

Sapaatip akunneranut suliffiit akunnerit 40 tiimiupput.

Atorfimmut atatillugu inissaqartinneqanngilaq. Namminersorlutik Oqartussani atorfik atatillugu ineqartinneqarsimagaanni attatiinnarnissaannut periarfissaqarpoq.

Ulloq sulilerfissaq: PIaartumik imaluunniit isumaqatigiissuteqarnikkut.

Suli paasissutissanik amerlanerusunik pissarserusuppit?

Atorfik pillugu paasissutissat amerlanerusut pineqarsinnaapput Immikkoortortaqarfimmi aqutsisoq Manasse L. Mikaelsen attavigalugu, e-mailikkut manam@nukissiorfiit.gl.-mut imaluunniit oq. 801150-mut.

Apeqqutit allat Sulisoqarnermut Immikkoortortaqarfimmut e-mailikkut saaffiginnissutigineqarsinnaapput: HR@nukissiorfiit.gl.

Nukissiorfiit pillugu

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.