Imarpissualerinermi ilisimatusartoq/ilisimatusartuuneq

Nunatsinni Pinngortitaleriffiup Silap Pissusaanik Ilisimatusarfia imarpissualerisutut tunuliaqutalinnik ukiuni marlunni atorfigineqartussamut sivitsuinissamullu periarfissalimmut ilisimatusartutut/ilisimatuunertut qinnuteqaqqusivoq.

Nunatsinni Silap Pissusaanik Ilisimatusarfik Nunatsinni kangerluit imartallillu pillugit sivisuumik nakkutiginninnermik ilisimatusarnernik aammalu tigussaasunik ilisimatusarnikkut uumassusilerinikkullu misissuutinut arlalinnik akisussaaffeqarpoq. Ilisimatusarnerup saniatigut ilinniartitaanermut tunngasunik ineriartortitsisarpoq neqerooruteqartarlunilu, kiisalu Nunatsinni oqartussanut ilisimatusarnermik tunngavilimmik siunnersuuteqartarluni. 

Atorfik qinnuteqartunut nunani tamalaani akuerisaasumik immap immikkoortuini uumasoqassusianilu ilisimatusarnikkut tunuliaqutilinnut, aammalu immami uumassusillit avatangiisaasalu ataqatigiinnerannut pingaarnertut issittumi pitsaanerpaamik misilittagaqartunut saaffiginnippoq. Atorfinittussaq Nunatta imartaani sulianut assigiinngitsutigut suleqatigiilluni ilisimatusarnermik ineriartortitseqataassaaq kiisalu Silap Pissusianik Ilisimatusarfiup siunissamut periusissiaanut peqataassalluni. Qinnuteqartoq nunani allaniit ilisimatusartut suleqatigiinnerannut peqataasalissaaq, taakkua immami uumassusilerinermi kiisalu immami uummassusillit avatangiisaasalu ataqatigiinnerannut ilisimatusarnermik ingerlatsinikkut silap allanngoriartorneranik kiisalu inuiaqatigiinnut issittumilu sunniutinik ilisimatusarnermi peqataassalluni.

Akisussaaffiit

Atorfinittussap suliassai

• Nunatsinni kangerluit imartaasalu qanittuini ilisimatusarnikkut nakkutiginninnikkullu paasissutissanik katersuinernut peqataasassaaq

• Pinngortitaleriffiup imarpissualerinikkut paasissutissiiviani atuutilersitsinermut ingerlatsinermullu peqataassaaq

• Paasissutissanik misissuiffimmeersunik misissueqqissaarlunilu nalunaarusiortassaaq kiisalu oqartussanut ilisimatusarnermik aallaaveqartumik siunnersuissalluni

• Ilisimatusarnermi inernernik atuillunilu saqqummiussisassaaq

• Ilisimatusarnermut suliniutinik nutaanik, suliffeqarfiup iluani avataanilu suleqatigiilluni ingerlanneqartunik ineriartortitseqataassaaq.

• Nunani tamalaani pitsaassusilimmik ilisimatusarnikkut paasisanik pilersitsisassaaq

• Nunani tamalaani ilisimatusartut kattuffissuini attaveqaatinullu, soorlu ICES, WGOH aamma NAFO-mut peqataasassaaq

Piginnaasat

Atorfinittussaq imarpissualerinermik imaluunniit assingusumik Ph.d.-mik ilinniagaqassaaq, kiisalu imarpissualerisutut ilisimatusarnermi ajornanngippat issittumi misilittagalimmik uppernarsarneqarsinnaasumik misilittagaqassalluni.

Qinnuteqaatit nalilersorneranni immikkut pingaartinneqassapput

• Nunatsinni imarpissualerinikkut ilisimatusarnermi assigiinngitsunik ilisimatusarnermik suleqatigiinnermi periarfissat takorluukkallu

• Imarpissualerinikkut paasissutissanik katersinermi misissueqqissaarnernilu (assersuutigalugu CTD aamma moorings) misilittagaqarneq

• Paasissutissanik annertuunik misissueqqissaarnikkut misilittagaqarneq

• Ilisimatusarnermi inernernik atuillunilu saqqummiussillunilu siammarterisinnaanermik piginnaasaqarneq

• Nunani allani pilersitsinermik ilisimatuussutsikkut pitsaassusilimmik saqqummersitsisinnaaneq

• Ilisimatusarnermut aningaasaliissutinik pissarsisinnaanermik piginnaasaqarneq

• Silap Pissusianik Ilisimatusarfiup iluani avataanilu suleqatigiinnermi ineriartortitseqataasinnaanermik piginnaasaqarneq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik ukiuni marlunni sivisussuseqarpoq, sivitsorneqarsinnaallunilu. 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Pinngortitaleriffik atorfininnermi ukioq siulleq inimik attartugassamik periarfissiissaaq.

Paasissutissat allat

Atorfik pillugu paasisaqarnerorusukkuit immikkoortortaqarfiup pisortaa Malene Simon Hegelund, masi@natur.gl, +299 548977 attavigisinnaavat.

Qinnuteqaat

• Kajummissutsimik qinnuteqaat. 

• Curriculum vitae (CV). 

• Soraarummeersimanermut uppernarsaatit kopiivi. 

• Attavigineqarsinnaasut inuit 2-3 paasissutissartai. 

Qinnuteqarnissamut ulloq killigititaasoq: 28. October 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.