Imarsiornermik Inuussutissarsiutinut Inuussutissarsiornermullu Oqallittarfimmut Siunnersorti

Kommuneqarfik Sermersooq siunnersortimik eqeersimaartumik angusaqarusuttumillu pissarsiorpoq – tamatigoortutut imaluunniit imarsiornermik inuussutissarsiutit suliniutinillu aqutsinerup iluanni misilittagaqartumik - Imarsiornermik Inuussutissarsiutit aamma Inuussutissasiorneq pillugu Oqallittarfiup immikkoortortaanut. Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Imarsiornermik inuussutissarsiorfik Kommuneqarfik Sermersuumi namminersortunit ingerlatanit annersaraat aamma nunap immikkoortuani tamarmi sulinermut, siuariartornermut ineriartornermullu pingaaruteqarluinnarpoq. Imarsiornermik Inuussutissarsiutit aamma Inuussutissarsiorneq pillugu Oqalliffiup immikkoortortaani siunnersortitut, immikkoortortami aqutsisoq aamma Nuummi Imarsiorneq pillugu attaveqatigiit siulersuisui qanimut suleqatigalugit, Nuummi imarsiornermut tunngasunik suliassaqarfimmik ineriartortitsinermik siumut ingerlatsinermi pingaarutilimmik inissisimassaatit.

Atorfiup imarisaa:

Siunnersortimik suliassanik arlalinnik isumaginnissinnaasumik pissarsiorpugut taakkununnga ilanngullugit:

∙Nuummi Imarsiornermik ingerlatallit Attaveqaataannut allatsitut sullissineq

∙Piniarnermut aalisarnermullu inuussutissarsiuteqartut, Sikuki imarsiornermillu suliaqartut allat qanimut suleqatigalugit

∙Imaani inuussutissarsiornerup, allanik suleqateqarnerup kiisalu illoqarfimmik ineriartortitsinerup pilersaarusiornerullu akornanni attaveqatigiinnernik ineriartortitsineq

∙ArcticExpo – Fishing & Hunting-ip ukiut allortarlugit Nuummi ingerlanneqartarnissaanut AKKC suleqatigalugu suleqataasarneq

∙Illoqarfiit pingaarnersaata Inuussutissarsiornermi oqalliffiani suleqatigiissitanik ikorfartuineq ataqatigiissaarinerlu.

∙Inuussutissarsiuteqarfiit susassaqartut iluanni tusarniutigineqartut akissuteqarfigisassallugit ataqatigiissaartassallugillu

∙Suliassat takkussuuttut isumaginissaat

Susassaqartut avataaneersut aammalu Imarsiornermik Inuussutissarsiutinut aamma Inuussutissarsiorneq pillugu Oqallittarfimmut immikkoortortami aqutsisoq qaninut suleqatigalugit suliat suliarineqartassapput.

Tunuliaqutit:

Siunnersortimik piumassusilimmik aamma suliffimmi avataanilu suleqatinut suleqatikkuminartumik pissarsiorpugut.

Makku aamma piukkunnaatigaatit:

∙Akunniliulluni sulissussillaqissuseqarneq.

∙Siunersiueqatigiinneq nalinginnaasutut atortarpat

∙Kisitsisilerillaqqipputit

∙Aaqqissuussaalluartumik misissueqqissaartarlutillu suleriaaseqarputit

∙Sulinermi namminersorsinnaavutit, angusaqarusussuseqarputit kiisalu piffissaliussanik malinnikkusussuseqarputit

∙Suleqateqarsinnaassuseqarluarputit susassaqartullu akimorlugit suleqatigiinnik pilersitsisinnaavutit.

∙Iliuuseqalertullaqqipputit angusaqarluarnissamillu pingaartitsivutit, periusissiat iliuusinngortissinnaavatit

∙Marlunnik oqaaseqartuusutit, kalaallisut qallunaatullu, tamannali piumasaqataanngilaq

Ilinniakkatigut tunuliaqutaq:

Ilinniakkatigut tunuliaqut naleqquttumik ingerlariaqqiffiusumik aningaasaqarnermut, inuiaqatigiilerinermut assigisaannilluunniit ilinniagaqarsimavutit – suliniutinik aqutsinerup imaluunniit inuussutissarsiutinik inerisaanerup iluani misilittagaqarnernik tapertalerlugit.

Neqeroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pinerluuteqarsimannginnermut uppernarsaat:

Atorfimmut uunga atatillugu pinerlussimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissarsiatigut atorfinitsitsinermilu atugassarititaasut:

Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.

Qaammatini pingasuni misiligummik atorfinitsitsisoqassaaq.

Inissaq:

Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il.il. qulaani maleruaqqusaasut naapertorlugit akiliuteqartoqartassalluni. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl.

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit nuunneqarnerannut malittarisassat atuuttut naapertorlugit akiliussisoqassaaq.

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Salik Damgaard oqa +299 580277 imaluunniit e-maili: slkd@sermersooq.gl

Qinnuteqaat:

Qinnuteqaat Atorfiup normuanik 1085-25 nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: novembarip 12.-at, 2025

Atorfik una qinnuteqarfigiuk