Imermut tunngasumik suleqatigiinnut aqutsisumik Nunap Immikkoortua Ilulissat pissarsiorpoq

Suleqatigiinnut aqutsisutut Ilulissani imeq imerneqartussaq akisussaaffigilissavat.

Suleqatigiinnut aqutsisutut Ilulissani imeq imerneqartussaq akisussaaffigilissavat.

Atorfik Ilulissat illoqarfianiippoq, illoqarfiullu iluliarpassuaqarnera ilisarnaataalluni. Nunap Immikkoortuani Ilulissani sulisut 22-t missaanniipput, nunaqarfiinilu sisamat aamma sulisuullutik.Suleqatigiinnut aqutsisutut imermut immikkoortoqarfimmi imermik pilersuinermi aamma nassiussuinermi atortunik ingerlatsineq aserfallatsaaliuinerlu, kiisalu ingerlatsinermi iluarsartuullugu pilersaarusianik aamma imermut aqqutit/atortulersuutit nutaat nalunaarutigisarnissaannut akisussaaffeqassaatit.

Aamma imiisivinnut imermik imerneqartussamik assartuisarneq akisussaaffigissavat, tamannalu namminersortoq suleqatigalugu ingerlanneqassalluni.

Imermut immikkoortoqarfimmi sulisut pingaarnertut illoqarfimmi atuisunut aalisakkerivinnullu imermik imerneqartussamik pilersuineq akisussaaffigaat.

Suliassatit pingaarnerit ukuussapput:

• Imerineqartussamik inatsit (DDS) atuuttoq naapertorlugu isumannaarinninneq.
• Sulisunik ingerlatsinermi aqutsineq inerisaanerlu.
• Akisussaaffigisamik ingerlatsinermi aningaasaqarneq pillugu pilersaarusiorneq, ataqatigiissaarineq eqqortitsinerlu.
• Immikkoortumi pisortaq suleqatigalugu immikkoortumi suleqatinik avataanilu aamma suleqatinik attaveqaqatigiinnermi peqataaneq.
• Nukissiorfiit suleqatigiinni ulluinnarni aqutsinerat pillugu periusissiaasa naammassineqarnissaannut akisussaaffeqarneq.

Ataani allaqqasunik piginnaasalimmik suleqatissarsiorpugut:

• Maskinmesteritut ilinniagaqarsimasoq imaluunniit annertunerusumik teknikkikkut ilinniagaqarsimasoq.
• Uummaarissoq suliassanillu tiguserusuttoq aamma ilinniartitserusussuseqarlunilu ilikkarusussuseqartoq.
• Suleqarfik tamakkerlugu suleqateqarnissarnut piginnaasaqartutit.
• Immikkoortumi suleqatigiinnik inerisaaqataasinnaasoq, taamaasilluni aningaasartuutissat annikinnerutillugit atuisunut pilersuinissamut inatsimmi piumasaqaatit atuuttunut naammassinnittumik isumannaarinnissinnaassaagut.

Ataani allaqqasut piginnaasaqarfigigukkit iluaqutaassaaq:

• Kalaallisut qallunaatullu oqaaseqarneq, piumasaqaataanngilarli.
• Suliffeqarfimmi kulturit assigiinngitsuuneri ilisimallugit akornanniissinnaasoq, pissutsillu taamaattuunneri nukittoqqutaasutut isiginnilluni.
• Biilernermut allagartalik.
• IT-mut ilisimasaqartoq. 
• Atortulersuutinut ilisimasaqarnissat iluaqutaassaaq, assersuutigalugu ABB aamma SRO-atortulersuutit, tamannali piumasaqaataanngilaq ilinniartinneqarsinnaagavit.

Neqeroorutigisinnaasagut:

• Suliffik allanngorarlunilu pikkunaalliorfiunngitsoq, atorfinnullu atatillugu inerisaanissamut sunniuteqarfiusinnaasoq.
• Illoqarfik ineriartortoq, taamaattumillu atortulersuutinik suliassat amerlanerusut.
• Suliffeqarfik ilumoorsaarfiunngitsoq, suleqatigiiffiusorlu.
• Suleqatit assigiinngitsut, amerlanerit ukiut arlaqanngitsut sulisuusimasut.
• Sulianut aamma inuttut ineriartorfiunissamut periarfissaqarneq.

Akissarsianut aamma atorfininnissamut piumasaqaatit:

Atorfininnissaq Namminersorlutik Oqartussat akissarsiaqarnissamut maleruagassai aamma suliamut attuumassuteqartumik suliffeqarfiutillit maleruagassai naapertorlugit akissarsiaqartinneqassaaq.

Atorfininnissamut qaammatit pingasut misiliutaassapput.

Atorfimmut najukkamik innersuussisoqarsinnaavoq.

Ukiut pingasut ataannartumik atorfeqarsimallunilu najukkami najugaqarsimagaanni, atorfimmit soraarniuteqarnermi inoqutigiit angerlarnissaannut angalanissaasa akilerneqarnissaannut tapiissuteqartoqarsinnaavoq, tassani meeqqat 18-it inorlugit ukiullit ilanngullugit.

Atorfimmut paasissutissat allat uunga paasiniarneqarsinnaapput:

Atorfimmut tunngatillugu apeqqutissat uunga paasiniarneqarsinnaapput: Immikkoortoq Ilulissani Niels Pedersen, e-mailimut: NPEDE@nukissiorfiit.gl-imut imaluunniit oqarasuaatikkut (+299) 532533-mut saaffiginnilluni paasiissutissat allat paasiniarneqarsinnaapput.

Paasissutissat allat:

Allanik nalinginnaanerusunik apeqqutissaqaraanni HR-immikkoortoqarfimmut hr@nukissiorfiit.gl-imut e-mailerluni paasiniarneqarsinnaapput.

Nukissiorfiit pillugu:

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta Kalaallit Nunaannut aamma atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup 100 %-iulernissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput.

Uagut pilluta uani annermik atuarit: www.nukissiorfiit.gl