Immikkoortortamut eqimattanik katsorsaanermut neqeroorutiginnittumut pisortassarsiorpugut

Ilaqutariinnut pinaveersaartitsilluni eqimattakkuutaarluni katsorsaanerup nukittunerulernissaanut suleqataarusuppit, angajoqqaat meeqqallu annerusumik ilisimasaqalersissallugit ataatsimuulersinnerussallugillu?

Immikkoortortamut eqimattanik katsorsaanermut neqeroorutiginnittumut pisortassarsiorpugut, pisortap ilaqutariinnut eqimattanut katsorsaaneq sukumiisumik sullissineranut aqutsissaaq ineriartortitsissallunilu – matumani angajoqqaat eqimattatut sullinneqartunut katsorsaassalluni, aamma aliasuuteqarlutik eqimattaniittunut atornerluisullu eqimattaannut - taakku tamarmik siunertaraat ilaqutariit ulluinnarni ataqatigiittumik inuullualernissaasa sulissuteqarfiginissaat.

Atorfik pillugu:

Immikkoortortami pisortatut akisussaaffigissavat immikkoortortap suliaanut, immikkoortortap aaqqissugaaneranut peqqissaarussillutit ingerlatsinissamut ineriartortitsinissaq.

Erseqqissunik sulinermi tunngavigineqartussanik tunaartalissaatit, ingerlatseriaaseq erseqqissuussalluni aamma immikkoortortami eqimattanik sullinnernut ataatsimik tunaartaqarluni sullissisoqartassaaq. Suleqatitit qanimut suleqatigalugit aamma Siunnersuinermut Ilaqutariinnermullu Katsorsaanermut Sullissivimmi aqutsisoqatigiit suleqatigalugit. 

Sukumiisumik sullissinermut qitiussaatit, immikkoortortaqarfiit allat suleqatigalugit ilaqutariinnik sullissisoqassaaq, ilisimasat, oqaloqatigiinneq aamma attaveqarfiit tunngavigalugit. 

Pingaarnertut uku suliarissavatit: 

∙Immikkoortortaqarfimmi eqimattanut sukumiisumik sullissinermi aqutsissaatit ineriartortitsissallutillu – matumani angajoqqaat eqimattatut sullinneqartut, katsorsaassallutit, aamma aliasuuteqarlutik eqimattaniittunut atornerluisullu eqimattaannut

∙Immikkoortortami eqimattat sullinnerisa nalunaarsorfissaannik nakkutigineqartuartussamik pilersitsissaatit, immikkoortortami ingerlatseriaaseq allaaserissavat, periutsit suleriaatsillu

∙Pjecenik allaaserisaqartassaatit, allaaserisallu pitsaassusaat qulakkeertassallugu, paasissutissanik allaaserisaqartassaatit, aamma innuttaasunut sukumiisumik sullissinerit pillugit allaaserisaqartassallutit

∙Sulinermut erseqqissunik tunngaveqartitsissaatit, ataatsimiinnerit aaqqissuulluagaasassallutik aamma immikkoortortap anguniagai paaseqatigiiffiussallutik, suliatillu aamma erseqqissarneqarsimassallutik

∙Sullissinermut pilersaarutit pitsaasumik aaqqissuussaassallutik, eqimattanik sullissineq, taassumalu naliliiffigineqartarnissaa

∙Sulisut ineriartornerinut tapersersuissallutik, oqaloqatigisarnerini suliffigissaasarlutit aamma aqutsisutut suliassanik naammassineqanngitsunik inaarisarlutit

∙Sullissiviup aqutsisuisa ataatsimiinnerini peqataasarlutit, ineriartortitseqataallutit aamma immikkoortortani assigiinngitsuni suleqatigiit peqataaffigisarlugit

Suleqatissarput tassaassaaq: 

∙Suliffigiligassamut tulluuttumik qaffasissumik ilinniagalik perorsaanermik inunnulluunniit isumaginninnermut tunngasumik ilinniagaqarluni – eqimattanik sullissinermik pikkorissarsimasuunissaa piumanassaaq, maajaasinnaasoq, supervision, imaluunniit tarnikkut nappaatilinnut ilaqutaasunullu katsorsaasinnaasoq

∙Aqutsinermik misilittagalik imaluunniit meeqqanut- ilaqutariinnullu sullissinernut sukumiisumik ataqatigiissaarinermik misilittagalik

∙Ineriartortitsinissamut ukkatalik aamma aaqqissuussaasumik ineriartortitsinissamut suleqataarusuttoq, immikkoortortamut ingerlaavartumut tunngaveqarluni aaqqissuussaasumillu sulinissamut tunngavileerusuttoq

∙Attavigineqarnissaminut piginnaaneqarluartoq, ilisimasani tunngavigalugit timitaliisinnaasoq aamma ataatsimut suliaqartilluni tunaartaliisinnaasoq

∙Aqutsisutut suleqatiminut nersorinnillunilu peqataatisiniartoq, aamma suleqataasut suliffigissarnissaannut piumassusilik, kiisalu pitsaasumik sullissinissamik aamma pingaartitsisoq

∙Suliassat tamaasa ilisimaareqqissarai, immikkoortortat allat suleqatiginerisa nukittorsarnissaannut piumassuseqartoq, soorlu aamma suleqatigiit taama pisinnaallugit

Neqeroorutigaagut:

∙Suliffeqarfimmi pingaaruteqartumi aqutsisoq piumassuseqartoq, sullarissoq allannguutinut naleqqussaallaqqissoq, sullissanut pitsaasumik tunniussaqarusuttoq, suleqatikkuminartoq ineriartortitsinissamik pingaartitsisoq

∙Sukumiisumik meeqqanut, inuussuttunut ilaqutariinnullu sullissinerup alliartuinnartup sunniuteqarfiginissaanut periarfissaqartoq, pineqartunut pingaaruteqarluni

∙Suleqatigiit tunniusimalluarlutik sulisut aamma aqutsisoqatigiit suleqatigiilluarnissaminnut imminnut tapersersoqatigiilluartut

∙Suliffik avatangiiserissaartoq suliffigiuminartuunissaanik anguniaqarluni suliffiusoq, ilisimasanik avitseqatigiiffiusartoq aamma suliat pillugit eqqartueqatigiinnissamut periarfissalik

Immikkoortortami pisortassap tikilluaqqunissaanut qilanaarpugut – pisortaq, ataatsimoortitsinissamik sulissuteqarusuttorujussuaq, ineriartortitserusuttoq ilisimasani attaveqaatinilu tunngavigalugit suliffimmi atugarissaartitserusuttoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1170-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk