Immikkoortortamut Imminut pilersornermut AC-fuldmægtigi, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik

Kalaallit Nunaata inuussutissatigut isumannaatsuuneranut piujuartitsineranullu piviusumik allanngueqataarusuppit? Inuiaqatigiit ineriartornissaat, naalakkersuinikkut suleriaatsit mingutsitsinngitsumillu aaqqiissuteqartoqartarnissaa soqutigisaraagit? Taamaassimassappat immaqa illit Imminut pilersornermut immikkoortortaqarfimmi atorfissaqartippatsigit

Suut neqeroorutigaagut?

Suliassaqarfimmi ineriartorfiusumi naalakkersuinikkullu pingaartinneqartumi suliffimmik immikkut ittumik neqeroorfigaatsigit: Kalaallit Nunaata imminut pilersornera. Inuussutissanik piujuartitsisumik aaqqissuussinerit siuarsarniarneranni aamma innuttaasunut inuiaqatigiinnullu iluaqutaasunik angusaqarnissamut suliniuteqarnermi qitiusumik inissisimassaatit. Uagut neqeroorutigaavut:

• Inuiaqatigiinnut assut pingaarutilinnik pissanganartunik suliassaqassaatit

• Naalakkersuinikkut periutsinut suliniutinullu sunniuteqaqataasassaatit

• Pikkorissunik sulerusussuseqarluartunillu suleqateqarlutit ineriartornissamut pitsaasunik periarfissaqassaatit

• Suliffimmi avatangiiseq suleqatigiiffiusoq, tamatigoortoq suliamullu ilisimasanik siunnersiueqatigiiffiusoq

Suliassatit

Suleqatigiit tunniusimasut suleqatigilissavatit aamma ingerlatsinermik ineriartortitsinermillu – Kalaallit Nunaata imminut pilersornerulernissaa tamatigut anguniagaralugu siammasissumik sulissaatit. Suliassatut assersuutit:

• Imminut pilersornermut periusissiami suliniutinik aqutsineq

• Imminut pilersornermut periusissiap piviusunngortinnera, suliniutit innersuussutillu piviusunngortinneqarnissaasa qulakkeerunneqarneri.

• Naalakkersuisut isummernissaannut tunngavissiannik suliaqarnerit kiisalu Imminut pilersornermut suliassaqarfimmut tunngasunik Naalakkersuisumut inassuteqaasiornerit

• Naalakkersuinermik sulialinnik sullissineq aamma aalajangiinissamut tunngavissiorneq

• Imminut pilersorneq pillugu attaveqaqatigiinnerup ineriartortinneqarnera, ilaatigut workshoppertitsinerit, innuttaasunik ataatsimiisitsinerit, tusagassiorfinnut nalunaaruteqarnerit kiisalu atortussiat aqqutigalugit. 

Kinaavit?

Namminersorsinnaasumik aaqqiissutissarsiorsinnaasumik, ulluinnarni suliassanut sunniuteqaqataarusuttumik ujaasivugut. Suliffimmi naalakkersuinermik suliallit aqutaanni sulisinnaalluarputit ullormiillu ullormut ingerlatsinerit siunissamut ungasinnerusumut ineriartortitsinermut oqimaaqatigiissarsinnaallugit.

Kissaatigaarput, illit:

• Attuumassutilimmik ilinniagartuujuneq (soorlu inuiaqatigiilerinermik, aningaasaqarnermik inatsisilerinermilluunniit)

• Suliffeqarfimmi naalakkersuinermik suliallit aqutaanni sulinermik misilittagaqarneq

• Kalaallit Nunaanni inuussutissalerinermik, nukissiornermik aamma/imaluunniit Kalaallit Nunaanni sanaartornermut tunngasunik ajornanngippat ilisimasaqarneq

• Allattariarsornikkut oqaluttariarsornikkullu piginnaasaqarluarneq (ajornanngippat kalaallisut, danskisut tuluttullu)

• Aaqqissuussaasumik sulisarneq, tamatigoortuuneq tamakkiisumillu isiginnillaqqissoq – aamma ulapaarfimmi

• Assigiinngitsunik suleqateqarsinnaaneq suliassaqarfiillu assigiinngitsut akornanni aaqqiissuteqarsinnaassuseqarneq

• Alapernaatsuuneq, suliniuteqarumatuujuneq iliuuseqarusussuseqartuunerlu

Kikkuuvugut?

Imminut pilersornermut immikkoortortaqarfik Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut atavoq immikkoortortani arfinilinni agguarsimasunik 48-nik sulisoqarluni. Ammasumik persuarsiorpalaanngitsumilu sulivugut, atugarissaarneq, suleqatigiinneq suliamullu ilisimasatigut ineriartorneq assut pingaartinneqarlutik. Ulluinnarput allanngorartuuvoq, naalakkersuinermik sulialinnik sullissisarluta, innuttaasunik attaveqaqateqartarluta nunalu tamakkerlugu suliniutinik aalajangersimasunik suliaqartarluta.

Ulloq atorfiniffissaq: Atorfininnissaq pissaaq 1. august 2025 imaluunniit isumaqatigiissuteqarnikkut.

Amerlanerusunik paasisaqarusuppit?

Atorfik pillugu paasissutissanik amerlanerusunik immikkoortortaqarfimmi pisortaq Max Heilmann Larsen, oqarasuaat +299 345212-imut, e-mail: mxhl@nanoq.gl-imut saaffiginninnikkut pissarsisoqarsinnaavoq 

Atorfinitsitsinissamut atatillugu ingerlaavartumik oqaloqatiginnittoqartassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk