Imminut pilersornermut immikkoortortaqarfimmi Immikkut siunnersorti

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik

Piujuartitsisumik imminut pilersornikkut Kalaallit Nunaata siunissaanik nukittorsaaqataagit.

Kalaallit Nunaata inuussutissatigut isumannaatsuuneranut piujuartitsineranullu piviusumik allanngueqataarusuppit? Inuiaqatigiit ineriartornissaat, naalakkersuinikkut suleriaatsit mingutsitsinngitsumillu aaqqiissuteqartoqartarnissaa soqutigisaraagit? Taamaassimassappat immaqa illit Imminut pilersornermut immikkoortortaqarfimmi atorfissaqartippatsigit

Suut neqeroorutigaagut?

Suliassaqarfimmi ineriartorfiusumi naalakkersuinikkullu pingaartinneqartumi suliffimmik immikkut ittumik neqeroorfigaatsigit: Kalaallit Nunaata imminut pilersornera. Inuussutissanik piujuartitsisumik aaqqissuussinerit siuarsarniarneranni aamma innuttaasunut inuiaqatigiinnullu iluaqutaasunik angusaqarnissamut suliniuteqarnermi qitiusumik inissisimassaatit. Uagut neqeroorutigaavut:

• Inuiaqatigiinnut assut pingaarutilinnik pissanganartunik suliassaqassaatit

• Naalakkersuinikkut periutsinut suliniutinullu sunniuteqaqataasassaatit

• Pikkorissunik sulerusussuseqarluartunillu suleqateqarlutit ineriartornissamut pitsaasunik periarfissaqassaatit

• Suliffimmi avatangiiseq suleqatigiiffiusoq, tamatigoortoq suliamullu ilisimasanik siunersiueqatigiiffiusoq

Suliassatit:

Suleqatigiit tunniusimasut suleqatigilissavatit aamma ingerlatsinermik ineriartortitsinermillu – Kalaallit Nunaata imminut pilersornerulernissaa tamatigut anguniagaralugu siammasissumik sulissaatit. Suliassatut assersuutit:

• Tunisassiortunik, nioqquteqarfinnik pisortallu ingerlatsiviinik suleqateqarneq

• Kiffartuussinissamut isumaqatigiissutinik aqutsineq malitseqartitsinerlu (KNI A/S aamma Neqi A/S)

• Naalakkersuisut imminut pilersornermut periusissiaannik atuutilersitsineq

• Sulianik suliaqarneq aamma tapiissuteqartarnermut aaqqissuussissat missingersuutaannik aqutsineq

• Inuiaqatigiit ingerlatsinerullu aningaasaqarnerisa naatsorsuutai misissoqqissaarnerilu

• Attaveqaqatigiinnikkut suliniutinik innuttaasunillu oqaloqateqartarnernik ataqatigiissaarineq

• Naalakkersuinermik sulialinnik sullissineq aamma aalajangiinissamut tunngavissiorneq

• Ineriartortitsinermik suliniutinik aqutsisuuneq, soorlu nunalerinermut tunngasunik

Kinaavit?

Namminersorsinnaasumik aaqqiissutissarsiorsinnaasumik, ulluinnarni suliassanut sunniuteqaqataarusuttumik ujaasivugut. Suliffimmi naalakkersuinermik suliallit aqutaanni sulisinnaalluarputit ullormiillu ullormut ingerlatsinerit siunissamut ungasinnerusumut ineriartortitsinermut oqimaaqatigiissarsinnaallugit.

Kissaatigaarput, illit:

• Attuumassutilimmik ilinniagartuujusutit (soorlu inuiaqatigiilerinermut, aningaasaqarnermut inatsisilerinermulluunniit tunngasuni)

• Suliffeqarfimmi naalakkersuinermik suliallit aqutaanni sulinermik misilittagaqarnissat

• Kalaallit Nunaanni inuussutissalerinermut, nukissiornermut aamma/imaluunniit sanaartornermut tunngasunut ilisimasaqarputit

• Allattariarsornikkut oqaluttariarsornikkullu piginnaasaqarluarputit (ajornanngippat kalaallisut, danskisut tuluttullu)

• Aaqqissuussaasumik sulisarputit, tamatigoortuuvutit tamakkiisumillu isiginnillaqqissuullutit – aamma ulapaarfimmi

• Assigiinngitsunik suleqateqarsinnaavutit suliassaqarfiillu assigiinngitsut akornanni aaqqiissuteqarsinnaassuseqarlutit

• Alapernaatsuuit, suliniuteqarumatuit iliuuseqarusussuseqartuuillu

Kikkuuvugut?

Imminut pilersornermut immikkoortortaqarfik Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut atavoq immikkoortortani arfinilinni agguarsimasunik 48-nik sulisoqarluni. Ammasumik persuarsiorpalaanngitsumilu sulivugut, atugarissaarneq, suleqatigiinneq suliamullu ilisimasatigut ineriartorneq assut pingaartinneqarlutik. Ulluinnarput allanngorartuuvoq, naalakkersuinermik sulialinnik sullissisarluta, innuttaasunik attaveqaqateqartarluta nunalu tamakkerlugu suliniutinik aalajangersimasunik suliaqartarluta.

Ulloq atorfiniffissaq: Atorfininnissaq pissaaq 1. juuli 2025 imaluunniit isumaqatigiissuteqarnikkut.

Annertunerusunik paasisaqarusuppit?

Atorfik pillugu paasissutissanik amerlanerusunik immikkoortortaqarfimmi pisortaq Max Heilmann Larsen, oqarasuaat +299 345212-imut, e-mail: mxhl@nanoq.gl-imut saaffiginninnikkut pissarsisoqarsinnaavoq 

Atorfinitsitsinissamut atatillugu ingerlaavartumik oqaloqatiginnittoqartassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk