Inatatsisileritooq suliariumannittussarsiuusatoq aningaasaqarnermik soqutigisalik

Inatsisileritooq suliariumannittussarsiuussisartoq aningaasaqarnermik soqutigisalik Periusissatigut pisiortortarnermik Namminersorlutik Oqartussanut sullisserusuppit, matumani pisiortornerit suliarinnittussarsiuussisarnerillu ilanngullugit? Suliariumannittussarsiuussisarnermi inatsisinik ilisimasaqartuuvit imaluunniit paasissutissanik misissueqqissaarinninnermut pikkorissuuit? Taamaassimappat immaqa Pisiortortarnernut, inissiigallartarnermut Inissianillu Attartuinermut Allaffeqarfimmi suleqatissaraatsigit nutaaq.

Allaffik Aningaasaqarnermut Sulisoqarnermullu Aqutsisoqarfimmi Ingerlatsinermut Aserfallatsaaliinermullu immikkoortortaqarfimmut aamma Pisiortortarnermut allaffimmut ilaavoq. Suliffik pissanganartoq persuarsiorpalaanngitsumik oqaloqatigiiffiusoq aamma assigiinngitsorpassuarnik suliassartalik neqeroorutigivarput. Suleqatigiinni, sulianik isumaginnilluartarnermik pingaartitsisuni ilaalissaatit kiisalu suleqatit pimoorussisut, nuannersussarsiortartut sullisserusuttullu pingaartippagut. Allaffik mikivoq, tassanilu suliassat amerlapput ikioqatigiillutalu sulisarluta. Aamma illumi allaffiit allat qanimut suleqatigisarpavut taannalu aqqutigalugu isumasioqatigiilluarnissaq qitiutinneqartarluni.

Allaffiup atuuffii

• • Namminersorlutik Oqartussat sinnerlugit suliariumannittussarsiuussinermut aamma tunngaviusumik isumaqatigiissusiornerit

• Namminersorlutik Oqartussani immikkoortut sinnerinik pisiniartarneq pillugu siunnersuineq

• Namminersorlutik Oqartussani pisiortortarnerup inerisarnera eqaallisarneqarneralu

• Nuummi utaqqiisaasumik ineqartitsinermi inissianik aqutsineq

• Nuummi allaffinnik attartukkanik attartornermut isumaqatigiissusiornerit Suliassariumaakkatit Suleqatissarsiorpugut, makkunannga suliaqarsinnaasumik:

• Suliariumannittussarsiuussisoqassatillugu isumassarsinermit pisiniarfissamik toqqaanermut suliaqarneq piviusunngortitsinerlu

• Isumaqatigiissusiorneq, isumaqatigiissummik atsiorneq, isumaqatigiissummik atuutilersitsineq aamma isumaqatigiissutinik aqunneq

• Pilersuisartunik isumaqatiginninniarnerit

• Pisiortornermik suliaqarfimmi assigiinngitsunik suleqateqarneq ataqatigiissaarinninnerlu, matumani amerlanerusunik suliariumannittussarsiuussinermi suliniutinik aqutsineq ilanngullugu

• Suliariumannittussarsiuussineq isumaqatigiissusiortarnerlu pillugit Namminersorlutik Oqartussat immikkoortortaqarfiinik siunnersuisarneq

• Pisiortornermi suliniutinik inerisaasoqartillugu peqataaneq/ ataqatigiissaarinnittuuneq, matumani pisiortornermi politikkit, atortorissaarutitigut ikorfartuineq, ilinniartitaaneq il.il.

• Namminersorlutik Oqartussat pisiniariaasiinik pitsanngorsaaneq

• Isumaqatigiissutinik, maleruagassanik misissueqqissaarnernullu attuumassutilinnik malitseqartitsinerit

• Sulisut atorfeqarnerannut atatillugu inaannut tunngasunik malittarisassanik ilitsersuineq

• Pigisat aalaakkaasut pillugit attartuinissamik isumaqatigiissusiornerit

• Illuutinut & Kiffartuussinermullu allaffik suleqatigalugu isumaqatigiissutinik atsiornerit aamma illuutit ingerlanerinut aserfallatsaalinerinullu naatsorsuusiorneri

Ilinniakkat misilittakkatillu

Illit inatsisilerinerup tungaatigut kandidatitut ilinniarsimasoq aamma/imaluunniit aningaasalerinerup tungaatigut tunuliaqutaqartutit (ass. cand.merc.jur, cand.jur, cand.merc, cand.scient.pol. imaluunniit kandidatitut ilinniagaq alla attuumassusilik) ajornanngippallu pisortat suliariumannittussarsiuussisarnerinik misilittagaqartutit ujartorpatsigit. Toqqagassat kanditatitut ilinniagaqaratik allanik ilinniagaqarlutik tunuliaqutallit attuumassutilimmik misilittagaqareersut, kiisalu ilinniakkaminnik naammasseqammisut naleqquttumik piginnaasallit aamma isiginiarneqarput.

Illit inuttut piginnaasatit

Allaffiup suliarisartagai assigiinngitsorpassuupput, taakkulu naleqquttumik piginnaanilimmik ujarlernitta takussuserpaa. Suleqammik tamatigoortumik ammasumillu pisariaqartitsivugut, suliassanik amerlasuunik ataatsikkut suliaqarnissaminik nuannarisalinnik attaveqarluartorlu. Taamaattumik illit imaassaatit:

• attaveqaatinik pilersitsillaqqissoq aamma suliassaqarfiit assigiinngitsut aaqqissugaanerillu aqqutigalugit suleqatiginnillaqqissoq

• aaqqissuusaasumik aaqqiissuteqarusullunilu suleriaaseqarneq

• akisussaaffilimmik nammineerluni suliaqarnermik iluarisimaarinnittoq aamma suliat naammassinissaannik malinnaasinnaasoq

• attaveqarnerni erseqqissuussaatit aamma oqalunnerni allannernilu oqaasertalersuilluarsinnaassaatit Sulilersussap misilittagallip piukkunnaatillip immikkut siunnersortitut atorfinitsinneqarsinnaanera periarfissaavoq.

Attaveqarneq aamma qinnuteqarneq 

Atorfik pillugu apeqqutissaqaruit immikkoortortaqarfimmi pisortaq Susie Kristiansen mailikkut susi@nanoq.gl -ikkut imaluunniit +299 34 52 08-mut sianerlutit attavigisinnaavat.

Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartagaq www.naalakkersuisut.gl.

aqqutigalugu. Aningaasaqarnermut Sulisoqarnermullu Aqutsisoqarfik pillugu uani sukumiinerusumik atuarsinnaavutit: www.asa.gl.

Qinnuteqaatip nassiunnissaanut ulloq 22.. apriili 2026 killigitinneqarpoq

Atorfiniffissaq: 1. juni 2026 isumaqatigiissuteqarnikkulluunniit 

Sapaatip akunneranut akunnerit 40-t suliffiusarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.