Inatsisilerinermi - Aningaasaqarnermilu ilinniartitsisoq Greenland Business School, Niuernermik Ilinniarfik

Greenland Business School-imi ilinniakkani ingerlaqqiffiusuni Inatsisilerinermi aningaasaqarnermilu sammisanut ilinniartitsisoq

Inatsisilerineq, niuernerlu pillugit ilinniartitserusuppit? 

Niuernermik Ilinniarfimmi / Greenland Business School (GBS)-imi ilinniartitsisumik ujaasivugut, ilinniartunut kalaallit nunaanni pisortat suliffeqarfiutaanni, suliffinnilu allani inatsisilerineq atorsinnaaqqullugu. 

Ilinniartitsisumik ujaasivugut ilinniakkanut ingerlaqqiffiusunut: AU, BA, ilinniaqqinnerlunnu inatsisilerinermi ilinniakkamut (JUSA)-mut 

GBS ilinniarfiuvoq Namminersorlutik Oqartussat ataaniittoq, ilinniakkanik inuussutissarsiutinut tunngasunik neqeroorutilik. Siunertaralugu suliniutigaarput ilinniakkanik neqeroortarnerput inuussutisarsiornermut tulluussarlugit neqerooruteqartarnissarput aammalu ilinniartut kalaalerpaluttumik nutaaliornissaannut piginnaasaat nukittorsassallugit. 

Atuartitsissutissatit ukuusinnaapput: 

• Erhvervsret (10 ECTS) 
• Personalejura (10 ECTS) 
• Skatteret (10 ECTS) 
• Juridiske metoder (5 ECTS) 
• Offentlig-privat samarbejde (10 ECTS) 
• Offentlig økonomistyring (5 ECTS) 
• Organisationsadfærd (10 ECTS) 
• Sagsbehandling (10 ECTS) 
• Afsætning (C- og B-niveau) 
• Finansiering (C-niveau) 
• Erhvervsøkonomi (10 ECTS) 
• Økonomistyring (10 ECTS) 
• Offentlig økonomistyring (5 ECTS) 
• Investering og finansiering (5 ECTS) 
• Årsrapport (10 ECTS) 

Illit piginnaasatit aallaavigalugit sammisassat katiterneqarsinnaapput. Allanilli neriuerneq, inatsisilerinerluunniit pillugit piginnaasaqaruit aamma qinnuteqarsinnaavutit 

Illit pillutit: 

Atorfissarsiuutamut pineqartumut jura, aningaasaqarneq, pisortani allaffissorneq, imaluunniit assigisaanik ilinniaqqiffiusumik ilinniagaqarsimassaatit – kandidat naliginissaa kissaataavoq. Aammattaaq takussutissartalimmik patajaatsumik misilittagaqarsimanerit, soorlu kalaallit suliffianni, inuussutissarsiutigalugu suliffinni, siunnersuisarfinniluunniit sulisimassasutit. 

Ilinniartitsinermik, ingerlatitseqqiinermik, piginnaasanik ineriartortitsinermi misilittagaqassaatit – imaluunniit ilinniartitsisutut annertuumik ineriartorusuttoq. Pædagogikum, lektorgrad assigisaaluunniit iluaqutaassapput, kisianni piumasaqaataanani. 

Annertuumik iluaqutaassaaq kalaallisut atuartitsisinnaaguit, kalaallitsut inatsisilerineq, ingerlatsineq, inuussutissarsiornerlu ilisimasaqarfigingukkit. Pingaartilluinnarparput, ilinniartitsinerit sulinermut atoriaannaanissaa, najukkamilu aallaaveqartumik tungaveqarnissaa. Atuartitsineq kalaallisut qallunaatullu ingerlanneqarsinnaavoq, ilaatigullu tuluttut. 

Atuartitsineq ersarissumik toqqissisimasumillu sinaakkusersinnaavat, ilisimasaqarneq taassumalu atuutsinnissaa ingerlaqatigiisillugit, tassani ilinniartut ilikkarnissaminnut, pikkorissinissamut, piginnaasaqalernissaminnullu periarfissarissaarlutik. Klasse-mi arlalinnik oqaaseqarfiusumi atuartitsinerlu aaqqissuullugu, taamaasillutit oqaatsitigut aporfilersorneq pinaveersaarlugu. Suliffimmi ineriartortumiilissaatit, suleqatigiit atorfiillu akimorlugit. 

Suliassat: 

Suliassaraatit atuartitsineq, pilersaarusiorneq, misilitsisineq, censorinillu suleqateqarneq. Ineriartortitsinermut peqataassaatit, atuartitsinerullu pitsaassusaanik qulakkeerinnissallutit, kiisalu Kalaallit Nunaanni suliffimmi sungiusarfinnik suleqateqassallutit pisortat suliffeqarfiutaanni, namminersortuniluunniit. 

Naatsorsuutigaarput, ilinniartitsinermik ilisimasanillu avitseqateqarlutit, ilinniartitsinermik pilersitsissasutit. 

Ilinniartitsisutut ilinniarnermi aqutsisumut pisortamullu attaveqaateqassaatit, ilinniartitsisunullu suleqateqarlutit. 

Neqeroorutigaarput: 

Suliffik nammineernartoq, unamminartortalik suliffeqarfimmi ineriartortumi. Eqimattammi tunniusimasuni, piginnaasatigullu perorsaanikkullu ineriartorfissalimmi ilaalissaatit. 

Sulinerup sivisussusaa nal.ak. 40 tiimit sap.ak.-ni. 

Atorfiullu inuttalerneqarnissaa kissaatigineqarpoq ulloq 01.08.2026 imaluunniit isumaqatigiissuteqarnikkut. 

Paasissutissat allat

Annertunerusumik paasisaqarusukkuit Ilinniarnermi pisortaq, Annasofie Wædeled-Møller +299 342554, anwm@gbs.gl attavigisinnaavat

Greenland Business School pillugu paasiniaasinnaavutit nittartakkamut uunga iserlutit: www.gbs.gl

Qinnuteqaat 

Qinnuteqaammut killigititaq 22. April 2026.

Atorfimmut oqaloqateqarnerit ataavartumik ingerlanneqassapput. 

Atorfik pillugu oqaloqatigiilinnginnermi, atorfimmut piukkunneqartut suliassamik piviusumik tunineqassapput, taanna toqqammaviliissaaq atuartitsinerup, asiigiingissisitaarineq, klasse-mi arlaninnik oqaaseqarfiusumi sulinerup eqqartornissaanut.

Qinnuteqaatit nassiuguk, CV, ilinniarsimanermut- pikkorissarsimanermut uppernarsaatit, kiisalu qinnuteqaammut soqutiginarsinnaasut ilanngullugit tooruk “qinnuteqaat nassiuguk”.

Mail-ikkut qinnuteqaatit tiguneq ajorpagut.

Tusarfiginissat qilanaaraarput. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.