Inatsisilerinermut inunnullu Innarluutilinnut immikkoortortamut pisortassarsiorneq

Peqqissutsimut inunnullu Innarluutilinnut Naalakkersuisoqarfik siuttussamik, pilersaarusiullaqqissumik suliatigullu piginnaasaqarluartumik inatsisilerinermut inunnullu innarluutilinnut tunngasuni immikkoortortaminut pisortassarsiorpoq. Atorfik inuttassarsiuussaq suliassaqarfimmi inuiaqatigiinnut pingaaruteqaqisumi politikkikkut ingerlatsinermi ineriartortitsinermi, inatsisilerinermi suliatigullu siunnerfilerinermi qitiusumik inissisimavoq.

Atorfik pillugu

Immikkoortortaq pilersinneqaqqammerpoq, tassanili sulisut peqqinnissamut tunngasuni inatsisilerinermik, inunnut innarluutilinnut tunngasuni siunnersuinermik suliaqarnermillu misilittagartuujupput. Taamaammat tassa suliatigut pikkorissunut ilannguttussaassallutillu immikkoortortami suliat pisussaaffiillu pillugit ilinniartinneqarnissannut periarfissaqarluassaatit.

Immikkoortortami pisortatut sulianut sulisoqarnermullu tunngasutigut aqutsinermi akisussaasuussaatit. Peqqissutsimut inunnullu Innarluutilinnut Naalakkersuisumut naalakkersuisoqarfimmilu pisortamut politikkikkut siunnersuinermi qitiusumik inissisimassaatit. Taamatut atuuffeqarneq inatsisilerinermik ilisimasaqarluarnissamik, politikkikkut pisunik paasisimasaqarluarnissamik sulianilu imaannaanngitsuni eqeersimaartuunissamik piumasaqaatitaqarpoq.

Suliassat tamatigoortuusut ilaatigut makkuupput:

• Immikkoortortami sulisoqarnermut tunngasuni aqutsineq suliassanillu tulleriiaarineq

• Peqqinnissamut inunnullu innarluutilinnut tunngasuni inatsisilerinermi siunnersuineq

• Naalakkersuinikkut ingerlatsinermi sullissineq, tamatumani § 37 naapertorlugu apeqqutinut akissusiorneq, oqalugiaasiorneq, oqallisissiassaliorneq nassuiaasiornerlu

• Inatsisinik suliarinneqataaneq aaqqissuusseqataanerlu

• Inunnut innarluutilinnut tunngasuni suliassanik pilersaarusioqataaneq ataqatigiissaareqataanerlu

• Naalakkersuisoqarfinnik allanik, aqutsisoqarfinnik susassaqartunillu avataaneersunik suleqateqarneq

Immikkoortortami pisortatut Naalakkersuisoqarfimmi pisortaq qaninnertut saaffigisartagarissavat.

Illit piginnaasatit

Inatsisilerinermik piginnaasaqarluartumik naalakkersuinikkullu ingerlatsiviusumi sulinermik misilittagaqarluartumik pisortassarsiorpugut. Makku piginnaasaqarfigaatit:

• Inatsisilerinermut tunngasutigut kandidatitut ilinniarsimasuuvutit

• Aqutsisutut misilittagaqarnermut uppernarsaateqarputit

• Naalakkersuinikkut ingerlatsinermi isumannaatsumik aqutsinermik piginnaasaqarputit

• Suleqateqallaqqissuullutillu immikkoortortat akornanni sulianik inaarsaanermik misilittagaqarputit

• Ataatsimut isiginnissinnaavutit, aalajangiisinnaassuseqarputit suliatigullu sammisani imaannaanngitsuni ataqatigiissaarillaqqissuuvutit

Neqeroorutigaavut

• Pisortatut qitiusumik atorfik sulianik nunatsinni peqqinnissamut inunnullu innarluutilinnut tunngasunik ineriartortitsinermi sunniuteqarluarfiusinnaasoq

• Suliassaqarfik suliatigut piginnaasaqarluartunik pimoorussisunillu sulisulik

• Sullivik politikkikkut aalajangiiffigisassanut tunngasunik suliaqaqataanissamut periarfissaqarfiusoq

• Sullivik pingaarutilinnik suliaqarfiusoq taamatuttaaq inuit innarluutillit atugaannik pitsanngorsaaqataaffiusinnaallunilu peqqinnissamut tunngasuni pitsanngorsaaqataaffiusinnaasoq

Paasisaqarnerorusunnermi attavissaq

Atorfik inuttassarsiuussaq pillugu paasisaqarnerorusunnermi sianerluni allalluniluunniit attavigineqarsinnaavoq, naalakkersuisoqarfiup pisortaanera Aka Olesen, +299 346739, akos@nanoq.gl.

Qinnuteqarnissamut piffissaliussaq

Qinnuteqaat CV-mik soraarummeersimanermut uppernarsaatit ilanngullugit linki ataaniittutigut kingusinnerpaamik 17. april 2026-mi nassiunneqassaaq.

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-mi maanna inissisimavoq. 1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.