Inatsisileritooq ineqarnermut illuuteqarnermullu oqartussaaffimmut - inatsisiliorneq politikkikkullu sullissineq

Inatsisileritooq ineqarnermut illuuteqarnermullu oqartussaaffimmut - inatsisiliorneq politikkikkullu sullissineq

Inatsilerinermik politikkikkullu sullissinermik oqartussaaffimmik annertuumik inuiaqatigiinni ineriartornermut innuttaasullu inuunerannut sunniuteqartumi suleqataarusuppit? Ineqarnermut Illuuteqarnermullu oqartussaaffimmi inatsisilerituutut suleqataassuutit, ineqarnermut inatsisit ineriartortinnissaat kiisalu sinaakkutinik ingerlatsineq.

Ineqarnermut Illuuteqarnermut oqartussaaffik Sanaartornermut immikkoortortaqarfiup ataani inissisimavoq, Ineqarnermut Attaveqaasersuutinut Isorliunerusunut Upalungaarsimanermullu Naalakkersuisoqarfimmi.

Oqartussaaffik siammasissumik suliaqarfiulluni ulluinnarni ulapaarfiuvoq.

Ineqarnermut Illuuteqarnermut oqartussaaffiup illuutinik pisisarnermut tuniniaasarnermullu tunngatillugu Namminersorlutik Oqartussat piginnittutut inissisimanera kiisalu inissiaatai taakkualu attartortinneqartarnerat akisussaaffigaa. Tamatunga ilaavoq INI A/S-ilu isumaqatigiissutit, ulluinnarnilu attaveqatigiinneq Namminersorlutik Oqartussat inissiaataasa allaffissuunneqarnerat, aqunneqarnerat, angingaasaqarnerallu tunngasunik. Namminersorlutik Oqartussat piginnittuunerat isumagisaraarput piginneqatigiilluni inissiat peqatigiiffinni assigisaanilu.

Inatsisilerituutut suliarisassavatit inatsisinik naliginnaasumik sullissineq kiisalu allakkianik suliaqarneq, politikkikkullu aalajangingassanik toqqammaviliorneq. Inatsisissanik piareersaanermik suliaqassaatit, inatsisinillu pioreersunik nutarterineq qanimut suleqataaffigissavat, suleqatit allat qanimut suleqatigalugit.

Ineqarnermut Illuuteqarnermullu allaffeqarfimmi massakkut atorfiliusut allaffimmi pisortaq, suleqataasullu pingasut suleqatigissavatit.

Pingaarnertut suliassarissavatit:

• Ineqarnermut suliassaqarfimmi inatsisinik nassuiaaneq, inatsisitigullu sullissineq

• Ineqarnermut suliassaqarfimmi inatsisiliornernut, inatsisinillu malinnaatitsinernut suleqataaneq

• Politikikkut aalajangiinissami tunngavissanik il.il. suliaqarneq

Pisariaqarfiinilu makkunannga suleqataasarnissaq:

• Immikkoortortaqarfiup suliassaasa iluini tusarniutinik akissuteqaasiornerit

• Allaffeqarfiup akisussaaffiisa iluini suliassat takkussuuttut pisariaqarfiini suliarineqarnissaat

• Ataatsimiinnissanik piareersarnerit

Piukkunnaatilik

Inatsisilerinermi bacheloritut imaluunniit kandidatitut ilinniarsimassaatit, imaluunniit ilinniakkannik naammassiliivissaatit. Pisortani aamma/imaluunniit politikkikkut aqutami sulinermik misilittagaqaruit iluaqutaassaaq, tamannali piumasaqaataanngilluinnarpoq.

Pingaartitaraarput:

• Ataqatigiissaakkamik sulisinnaavutit, inatsisitigut ajornartorsiutaasullu ersarissumik paasisitsiniutigisinnaallugit.

• Akisussaassusilimmik sulisinnaavutit, namminerlu suliat akisussaaffilimmik suliarisinnaallugit.

• Misissuilluarsinnaavutit kiisalu suliat ataatsimut isiginissaat piginnaaneqarfigalugu

• Suliffimmi suleqatigiilluarneq iluarisimaarpat

Iluaqutaassaaq:

• Marlunnik oqaaseqartuuneq iluaqutaassaaq, kalaallisut qallunaatullu

• Kalaallit Nunaata inuiaqatigiivinut, kulturiannillu ilisimasaqarneq

Kalaallisut oqaaseqannginneq qinnuteqarnermut aporfiussanngilaq.

Atorfik tulluuppoq inatsisilerituutut ilinniakkamik naammassisaqaqqammertumut, imaluunniit naammassinnilertumut. Toqqammavissaqarluartumik inatsisiliornermi kiisalu qitiusoqarfimmi politikikkut sullissinermik misilittagaqalerusuttumut tulluuppoq. Sulinermi tapersersorneqarneq kiisalu ineriartortinneqarluarneq misigissavat allaffimmi pisortamik kiisalu suleqatinnik.

Neqeroorutigaarput

Ineqarnermut Attaveqaasersuutinut Isorliunerusunut Upalungaarsimanermullu Naalakkersuisoqarfimmi suliffimmi nuannaarneq, akisussaassuteqarnerlu ingiaqatigiillutik angusarissaarfiusarluni, ineriartornissamullu akisussaaffeqarnissamut, suliatigullu ineriartoqqinnissamut periarfissagissaarluni soqutiginarlunilu suliatigut unammillernarpoq.

• Nutaaliornissamik, nutaamillu eqqarsartaaseqarnissamik ukkatarinniffiulluni suliffeqarfik

• Politikkikkut aalajangigassat qanillugit Naalakkersuisoqarfimmi sulineq

• Piumassuseqartunik suleqateqarluni persuarsiunngitsumik, ammasumillu suliffik

• Inuttut, suliatigullu unammillernartut soqutiginartut

Persuarsiunngitsumik suleqatigiit oqaluuttariaaseqarput, ulluinnarnilu ulapaarfiusumi isumagissaarlutik sulisarlutik, aammali suliffeqarnerup ilaqutariittullu inuunerup ataqatigiinnissaanik ataqqinniffiulluni.

Atorfinititsinissamik oqaloqatigiinnerit, qinnuteqarfiup qaangiunnerani ingerlanneqarumaarput. 

Ulloq atorfiniffissaq

Juulip aallaqqaataani 2026-mi, imaluunniit piffissamik isumaqatigiissuteqarnikkut.

Soqutiginnippit?

Apeqqutissaqaruit allaffimmi pisortaq Steve Sandgreen attaviginissaanut tikilluaqqusaavutit stsa@nanoq.gl -imut, imlt. +299 34 54 81 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.