Inatsisileritooq ineqarnermut illuuteqarnermullu suliassaqarfimmut

Inatsisileritooq ineqarnermut illuuteqarnermullu suliassaqarfimmut

Ineqarnermut suliassaqarfimmi tunngasunik suliaqarusuppit?

Inatsilerinermi suliaqarneq, ineriartortitsineq politikkikkullu inerisaaneq uummateqarfigaajuk? Inuunermi atugassarititani qitiunerpaami pitsanngorsaaqataasinnaavutit, tassa ineqarneq.

Tamanna takorloorsinnaagukku Ineqarnermut Attaveqaasersuutinut Isorliunerusunullu Naalakkersuisoqarfimmi, ineqarnermut immikkoortortamut inatsisilerituutut qinnuteqarnissat innersuutissavarput.

Sanaartornermut immikkoortortaqarfiup ataani Ineqarnermut Illuuteqarnermullu allaffeqarfiup suliassaqarfiit inissisimaffiillu assigiinngitsut isumagisarai, Sanaartornermut immikkoortortaqarfik siammasissumik suliaqarfiulluni ulluinnarni ulapaarfiummat, piumassusilimmik inatsisilerituussarsiorpugut. Inunnit, politikkikkullu eqqumaffigineqartunik Immikkoortortaqarfimmi arlalinnik akissussaaffeqartumi atorfik pineqarpoq.

Ineqarnermut Illuuteqarnermullu allaffeqarfiup ilanngullugit illuutinik pisisarnermut tuniniaasarnermullu tunngatillugu Namminersorlutik Oqartussat piginnittutut inissisimanera, kiisalu Namminersorlutik Oqartussat inissiaatai taakkualu attartortinneqartarnerat. Tassunga ilanngullugu inissianik aningaasalersuinerup iluani aaqqissuussinerit assigiinngitsut iluanni inatsisit kiisalu taarsigassarsiarititat Namminersorlutik Oqartussat taarsigassarsiarititaasa allaffissornikkut aqunneqarnerat, allaffimmi isumagineqarput. Allaffimmi tassunga ilanngullugu ineqarnermut suliassaqarfimmi inatsisit nakkutilliinerlu ingerlatsivigineqarput.

Ineqarnermut Illuuteqarnermullu allaffeqarfiup ataani ineqarnermut suliassaqarfimmi naliginnaasumik sulianik suliaqartarneq inatsisilerituutut siuttuuffigissavat. Taassumap kingunerisaanik nalinginnaasumik sulianik suliarinnittassaatit allaffissorlutillu, saaffiginnissutinik akissuteqartassaatit, politikerinut saqqummiussassanut atortussanik tunulequtaasussanik suliaqartassaatit, inatsisinik sukuiaasassaatit, soorluttaaq inatsisiliornernut, inatsisinillu malinnaatitsinernut suleqataasassasutit.

Sanaartornermut immikkoortortaqarfiup ataani Ineqarnermut Illuuteqarnermullu allaffeqarfimmi massakkut atorfiliusut allaffimmi pisortaq, suleqataasullu marluk suleqatigissavatit.

Inatsisilerinermi, ingerlatsinermi kiisalu politikkimi ataqatigiissaarissaatit, suliassallu assigiinngitsorpassuit paarissallugit. Pingaarnertut suliassarissavatit:

• Ineqarnermut suliassaqarfimmi inatsisinik sukuiaaneq, inatsisitigullu siunnersuineq

• Ineqarnermut suliassaqarfimmi inatsisiliornernut, inatsisinillu malinnaatitsinernut suleqataaneq

• Politikikkut aalajangiinissami tunngavissanik il.il. suliaqarneq

• Suliassaqarfimmi Naalakkersuisumut ataavartumik sullissineq, matumani innuttaasunit saaffiginnissutinik akissuteqaasiornerit, ataatsimiitsitalianut sullissinerit, inatsisissanillu piareersaasiornerit ilanngullugit

• Immikkoortortaqarfiup suliassaasa iluini tusarniutinik akissuteqaasiornerit

• Ineqarnermut suliassaqarfiup iluani inatsisinik nakkutilliineq

• Ataatsimiinnissanik, ataatsimiiffissanillu piareersaanerit, imaqarniliornerit, suliassanullu assigiinngitsorpassuarnut atortussatut tunulequtaasussap ilusissaata qulakkeerneqarnissaa

• Allaffeqarfiup akisussaaffiisa iluini suliassat takkussuuttut pisariaqarfiini suliarineqarnissaat

Taassumap saniatigut pitsanngorsarneqarsinnaasut, eqaallisarneqarsinnaasullu tappiffigissavatit, misissuilluareernikkullu nalileereernikkullu aaqqiissutaasinnaasunik nammineq siunnersuuteqarlutit.

Piukkunnaatilik

Inatsisilerinermi bacheloritut imaluunniit kandidatitut ilinniarsimassaatit, imaluunniit ilinniakkannik naammassiliivissaatit. Pisortani aamma/imaluunniit politikikkut aqutami sulinermik misilittagaqaruit iluaqutaassaaq, tamannali piumasaqaataanngilaq.

• Marlunnik oqaaseqartuussaatit, kalaallisut qallunaatullu

• Kalaallit Nunaata inuiaqatigiivinut, kulturiannillu ilisimasaqarluarlutit

• cBrain F2-mik misilittagaqarneq pitsaasuussaaq.

• Ataqatigiissaakkamik sulisinnaavutit, ilisimatusarsinnaavutit, ajornartorsiutaasullu paasiuminartunngorlugit paasisitsiniutigisinnaallugit. Attaveqarsinnaanermi piginnaasatit annertuumik pingaartinneqarput.

• Suleqateqarsinnaavutit, misissueqqissaarsinnaavutit, siunnerfilimmillu suleriaaseqarlutit.

• Akisussaaffimmik tiguserusussuseqarlutillu tigusisinnaassuseqarlutit, iliuuseqarsinnaallutit angusaqarluarniartuuvutit.

• Suleqateqarsinnaavutit, namminersorlutilli suliat pitsaassusissaat, siuariartornissaallu qulakkeersinnaassavat.

• Namminersorlutit sulisinnaavutit, aammali immikkoortortaqarfimmi suleqatit qaqugukkut siunersiueqatigissanerlugit ilisimaaralugu.

• Pisortat allaffeqarfianni sulinermik misilittagaqarputit, aammali ilinniakkannik naammassinnerlaajusinnaavutit imaluunniit naammassingajalersinnaallutit.

Atorfimmi ilinnut, piginnaasannullu annertuumik piumasaqarfigineqarsinnaassaatit. Suliatigut qaffasissumik piginnaasaqarnivit saniatigut inuttut arlalitsigut piginnaasaqassasutit naatsorsuutigaarput, matumani siammasissumik tamat isiginnissuseqarsinnaanerup, annikitsortaanillu paasinnissinnaanerup akornanni oqimaaqatigiissitsisinnaanissat, nammineersinnaanerup ikioqatigiillunilu pilersitsinerup iluaqutissartaannik takunnissinnaanerit ilanngullugit, soorluttaaq oqaasissannik oqimaalutaallaqqissuusutit, persuarsiortuunngitsutit, sulinerullu nalaani illaqataasinnaasutit.

Neqeroorutigaarput

Ineqarnermut Attaveqaasersuutinut Isorliunerusunullu Naalakkersuisoqarfimmi suliffimmi nuannaarneq, akisussaassuteqarnerlu ingiaqatigiillutik angusarissaarfiusarluni, ineriartornissamullu akisussaaffeqarnissamut, suliatigullu ineriartoqqinnissamut periarfissagissaarluni soqutiginarlunilu suliatigut unammillernarpoq.

• Nutaaliornissamik, nutaamillu eqqarsartaaseqarnissamik ukkatarinniffiulluni suliffeqarfik

• Politikkikkut aalajangigassat qanillugit Naalakkersuisoqarfimmi sulineq

• Piumassuseqartunik suleqateqarluni persuarsiunngitsumik, ammasumillu suliffik

• Inuttut, suliatigullu unammillernartut soqutiginartut

Persuarsiunngitsumik suleqatigiit oqaluuttariaaseqarput, ulluinnarnilu ulapaarfiusumi isumagissaarlutik sulisarlutik, aammali suliffeqarnerup ilaqutariittullu inuunerup ataqatigiinnissaanik ataqqinniffiulluni.

Atorfinititsinissamik oqaloqatigiinnerit, qinnuteqarfiup qaangiunnerani ingerlanneqarumaarput. 

Ulloq atorfiniffissaq

2026-mi februarip aallaqqaataani, imaluunniit piffissamik isumaqatigiissuteqarnikkut.

Soqutiginnippit?

Apeqqutissaqaruit, Allaffimmi pisortap Steve Sandgreen-ip, stsa@nanoq.gl-imut, imlt. +299 34 54 81, attaviginissaanut tikilluaqqusaavutit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk