Inatsisileritooq ineqarnermut inatsisinik ineriartortitsinermut kiisalu politikkikkullu sullissinermut – sulisunut inissialik

Inatsisileritooq ineqarnermut inatsisinik ineriartortitsinermut kiisalu politikkikkullu sullissinermut – sulisunut inissialik

Inatsilerinermik politikkikkullu sullissinermik oqartussaaffimmik annertuumik inuiaqatigiinni ineriartornermut innuttaasut ulluinnarni inuunerannut sunniuteqartumi peqataarusuppit? Ineqarnermut Illuuteqarnermullu Suliassaqarfimmi inatsisilerituutut ineqarnermut suliassaqarfiup ineriartortinneqarnissaa, aqunneqarnissaa kiisalu inatsisitigut sinaakkutaasa ineriartortinneqarnissaat peqataaffigissavat.

Ineqarnermut suliassaqarfol annertuunik ineriartortinneqarpoq, tassanilu ineqarnermut inatsisiliornermik, inatsisitigut naliliinernik kiisalu Naalakkersuisunut aalajangiinissamut tunngavissanik suliaqarnissamut periarfissaqassaatit. Allaffimmi minnerusumi sukkasuumik oqartussaaqataalissaatit sunniuteqarlutillu, isumassarsinermiik politikkikkut aalajangiinermut malinnaasinnaassaatit.

Ineqarnermut Illuuteqarnermut suliassaqarfol Sanaartornermut immikkoortortaqarfiup ataani inissisimavoq, Ineqarnermut Attaveqaasersuutinut Isorliunerusunut Upalungaarsimanermullu  Naalakkersuisoqarfimmi. Suliassaqarfik siammasissunik assigiinngitsunillu suliassaqarpoq, ulluinnarnilu ulapaarfiulluni.

Ineqarnermut Illuuteqarnermullu Suliassaqarfiup Namminersorlutik Oqartussat piginnittutut inissisimaneranut atatillugu suliassat isumagisarpai. Tamatumunnga ilaapput illuutinik pisineq tuniniaanerlu, Namminersorlutik Oqartussat inissiaataasa aqunneqarnerat kiisalu Namminersorlutik Oqartussat Namminersorlutik Oqartussat piginnittuunerat isumagisaraarput piginneqatigiilluni inissiat peqatigiiffinni assigisaanilu.
Tamatunga ilaavoq INI A/S-ilu isumaqatigiissutit, ulluinnarnilu attaveqatigiinneq Namminersorlutik Oqartussat inissiaataasa allaffissuunneqarnerat, aqunneqarnerat, angingaasaqarnerallu tunngasunik.

Inatsisilerituutut suliarisassavatit inatsisinik sullissineq, allakkianik suliaqarneq kiisalu politikkikkullu aalajangingassanik tunngavissanik suliaqarneq. Inatsisissanik piareersaanermik suliaqassaatit, inatsisinillu pioreersunik nutarterineq qanimut suleqataaffigissavat, suleqatit allat qanimut suleqatigalugit. Atorfik qitiusumik allaffeqarfimmi, inatsisiliornermi politikkikkullu sullissinermi ingerlaqqinnissamut pitsaasumik toqqammavissiissaaq.
Ineqarnermut Illuuteqarnermullu suliassaqarfimmi massakkut atorfiliusut allaffimmi pisortaq, suleqataasullu pingasut suleqatigissavatit.

Pingaarnertut suliassarissavatit:

• Ineqarnermut suliassaqarfimmi inatsisinik nassuiaaneq, inatsisitigullu sullissineq

• Ineqarnermut suliassaqarfimmi inatsisiliornernut, inatsisinillu nutarterinermut suleqataaneq

• Politikikkut aalajangiinissami tunngavissanik il.il. suliaqarneq

Pisariaqarfiinilu makkunannga suleqataasarnissaq:

• Immikkoortortaqarfiup suliassaasa iluini tusarniutinik akissuteqaasiornerit

• Allaffeqarfiup akisussaaffiisa iluini suliassat takkussuuttut pisariaqarfiini suliarineqarnissaat

• Ataatsimiinnissanik piareersarnerit

Piukkunnaatilik
Inatsisilerinermi bacheloritut imaluunniit kandidatitut ilinniarsimassaatit, imaluunniit ilinniakkannik naammassinniliivissaatit. Pisortani imaluunniit politikkikkut aqutami sulinermik misilittagaqaruit iluaqutaassaaq, tamannali piumasaqaataananili.

Pingaartitaraarput:

• Ataqatigiissaakkamik sulisinnaavutit, inatsisitigut ajornartorsiutaasullu ersarissumik paasisitsiniutigisinnaallugit.

• Akisussaassusilimmik sulisinnaavutit, namminerlu suliat akisussaaffilimmik suliarisinnaallugit.

• Misissuilluarsinnaavutit kiisalu suliat ataatsimut isiginissaat piginnaaneqarfigalugu

• Suliffimmi suleqatigiilluarneq iluarisimaarpat

Iluaqutaassaaq:

• Kalaallisut qallunaatullu oqaaseqartuuguit,

• Kalaallit Nunaata inuiaqatigiivinut kulturiannillu ilisimasaqarneq

Kalaallisut oqaaseqannginneq qinnuteqarnissannut aporfiussanngilaq.
Atorfik tulluuppoq inatsisilerituutut ilinniakkamik naammassisaqaqqammertumut, imaluunniit inatsisilerinermik ilinniakkamik naammassinnilertumut. Atorfik qitiusumik allaffeqarfimmi  inatsisiliornermik politikikkullu sullissinermik misilittagaqalerusuttumut tulluuppoq. Sulinermi tapersersorneqarneq kiisalu ineriartortinneqarluarneq misigissavat allaffimmi pisortamik kiisalu suleqatinnik.

Neqeroorutigaarput
Ineqarnermut Attaveqaasersuutinut Isorliunerusunut Upalungaarsimanermullu  Naalakkersuisoqarfimmi sulineq suliatigut unammillernartuuvoq, politikkikkullu aalajangiisarnernut qanittumiilluni. Suliatigut ineriartornissamut, akisussaaffeqarnissamut kiisalu suleqatinik tunniusimasunik qanittumik suleqateqarnissamut periarfissaqassaatit.  

• Nutaaliornissamik, nutaamillu eqqarsartaaseqarnissamik ukkatarinniffiulluni suliffeqarfik

• Piumassuseqartunik suleqateqarluni persuarsiunngitsumik, ammasumillu suliffik

• Inuttut, suliatigullu unammillernartut soqutiginartut

Persuarsiunngitsumik suleqatigiit oqaluuttariaaseqarput, ulluinnarnilu ulapaarfiusumi isumagissaarlutik sulisarlutik, aammali suliffiup ilaqutariittullu inuunerup ataqatigiinnissaanut ataqqinniffiulluni.

Atorfinititsinissamik oqaloqatigiinnerit, qinnuteqarfiup qaangiunnerani ingerlanneqarumaarput. 

Ulloq atorfiniffissaq
Aggustip aallaqqaataani 2026-mi, imaluunniit piffissamik isumaqatigiissuteqarnikkut.

Soqutiginnippit?
Apeqqutissaqaruit allaffimmi pisortaq Steve Sandgreen attaviginissaanut tikilluaqqusaavutit maana  stsa@nanoq.gl -imut, imlt. +299 34 54 81

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.