Inatsisileritooq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik inatsisilerituussarsiorpoq.

Inatsisilerinermi immikkoortotatsinni ingerlalluartumi naalakkersuisoqarfimmilu suliassanik pissanganartunik suliassaqarfiusumi, pitsaasumik suliarinninnissamik sulisullu atugaanik pingaartitsisumi sulilerusukkuit taava immaqa illit suleqatissaraatsigit.

Inatsisileritooq naalakkersuisoqarfiup inatsisilerinernut immikkoortortaqarfianut ilanngutissaaq, tassaasut inatsisilerituut sisamat. Atorfineqqammertutut aqutsisunnit inatsisilerinermilu suleqatinnit naalakkersuisoqarfimmi suliassaqarfimmi misilittagaqarluartunit ilisimasaqarluartunillu ataavartumik ikorfartorneqassaatit, ilitsersuunneqarlutit avitseqatigineqarlutillu.

Inatsisileritooq inatsisilerinermut immikkoortortaqarfiup immikkoortortaqarfimmi pisortaanut nalunaarsuisarpoq.

Suliassanut akisussaaffinnullu tunngasut:

Naalakkersuisoqarfiup akisussaaffiinut tunngasut akimorlugit suliaqartalissaatit pingaarnerusumik naalakkersuisoqarfiup inatsisilerinertigut suliassaanik inerniliinerit. Suliassatit inatsisissanut siunnersuusiornernik, malittarisassanik nassuiaanermik, inatsisilerinermik, isumaqatigiissutinik suliaqarnernik misissuinernik inatsisilerinermullu attuumassuteqartunik imaqassapput.

Tamakku saniatigut suliassanut ilaapput nalinginnaasumik Naalakkersuisumik (ministerimik) kiffartuussisarnerit ilaatigut akissutinik qisuariaatinik, isummernissanut tunngavissianik, oqalugiarnernik aammalu misissueqqissaarnernik suliarinnittarnerit.

Sulianut tunngasutigut piginnaasat :

• Cand.jur. imaluunniit cand.merc.juriuvutit.

Inuttut piginnaasat:

• Sungiussiavutit akisussaassuseqarlutillu

• Sapiissuseqarputit, pimoorussisuullutit qaffasissusinilu tamani suleqateqallaqqissuullutit

• Allattariarsornikkut oqaatsitigullu oqaasertaliullaqqissuuvutit

• Ammasuuvutit aammalu inatsisilerinertigut suliaqarnermut attuumassutilinni suliamut tunngasut pillugit ilisimasanik pissarsiullaqqissuuvutit aammalu soqutiginnittuullutit

• Suliassat itinerusumik suliarissallugit pisariaqartitsisut suliassallu nukingiutassat akornanni nikerartitsisinnaavutit

Annertuumik iluaqutaassaqaaq, naalakkersuisoqarfiup suliassaqarfiini ataaseq arlalilluunniit ilisimasaqarfigigukkit, kalaallit nunaanni pissutsit paasisimasarfigilluarukkit aammalu politikkikkut aaqqissuussisimaneqarfiit allat aammalu kalallit nunaanni pisortaqarfiit immikkoortortaqarfiinit misilittagaqaruit.

Naalakkersuisoqarfik pillugu:

Naalakkersuisoqarfik 35-t missaannik sulisoqarpoq.

Naalakkersuisoqarfik pisortaqarpoq immikkoortortanullu marlunnut aaqqissuussaalluni, Ilinniartitaanermut immikkoortortaqarfik, Kultureqarnermut Timersornermut Ilageeqarnermullu immikkoortortaqarfik. Tamatuma saniatigut suliassaqarfiit akimorlugit immikkoortortaq marluk Inatsisilerinermut immikkoortortaqarfik Aningaasaqarnermut Ilinniartunillu Kiffartuussinermut Immikkoortortaqarfik. Aqutsisoqarnermi allatseqarfeqarportaaq.

Naalakkersuisoqarfik naalakkersuisoqarfimmi suleriuseq pillugu periusissiorpoq, tassani politikkikkut kiffartuussinerup qaffasissusaa, innuttaasunik sullissilluarnissaq, suliffeqarfiit suleqatigilluarnissaat, akisussaaffeqarfiit inissisimaneri agguataarneqarnerilu suliffeqarfiullu iluani atugarissaarneq ukkatarineqarput.

Uagut neqeroorutigaavut:

Naalakkersuisoqarfimmi inatsisilerituutut avatangiisimi ilikkarnissamut periarfissaqartumi isumassarsiorfiusumilu suliassat tungaatigut ineriartornissamut periarfissaqassaatit naalakkersuisoqarfimmilu sulisut allat qanimut suleqatiginerisigut politikkikkut takorluukkat anguniakkallu tunngavigalugit inuiaqatigiinni suliassaqarfinni pingaarutilinni ineriartortitseqataanissaq.

Suliffeqarfimmi piginnaasatit ilinniaqqinnikkut ingerlaqqiffiusumillu ilinniarnikkut inerisaqqinnissaanut periarfissaqarluassaatit.

Suleqatinik ilakkuminartunik saaffigiuminartunillu sapinngisartillu tamakkerlugu inissilluarnissannik isumaginnittussamik suleqateqassaatit.

Paasissutissat sukumiinerusut:

Qinnuteqarfissaq kingulleq tassaavoq 18. juunip 2025

Atorfininnissaq pissaaq 1. august 2025 imaluunniit isumaqatigiissuteqarnikkut.

Sukumiinerusumik atorfik pillugu paasisaqarnerorusukkuit immikkoortortaqarfimmi pisortaq Claus Kleemann oqarasuaatikkut +45 40 34 31 26 aamma clkl@nanoq.gl saaffigineqarsinnaavoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk