Inerisaanermut ingerlatsivimmut pisortaq.

Kommune Kujalleq pikkorissumik tunniusimasumillu Inerisaanermut ingerlatsivimmi pisortassarsiorpoq decembarip ulluisa aallaqqaataani 2025-mi imaluunniit sukumiinerusumik isumaqatigiissuteqarnikkut atorfinittussamik..

Kommune tamakkerlugu meeqqanut, inussuttunut innuttaasunullu iluaqutaaasussamik pitsaassutsimik qulakkeerinninnissamik, ineriartortitsinissamik kiisalu sulianik naammassinninniarnermi ataqatigiissaarinissamik piginnaaneqartumut kajumissuseqartumullu soqutiginartumik unammillernartumillu pisortatut atorfimmik neqerooruteqarpugut.

Kommune Kujalleq pillugu paasissutissat

Kommune Kujalleq nunatsinni kommunit kujallersaraat ineriartortoqarnissaalu, piujuartitsisoqarnissaa innuttaasullu inuunerissaarnissaat kommunip anguniaraa.

Kujataa qalipakkatut ittuuvoq pinngortitaalu qaamanermit tupinnartumit qinngorneqarluni. Maani kangerluit qinngortullutillu tungujualaartuinnaapput qaqqarsuarsuillu pinngortitamut paarisutullusooq illutik ungalusimallutik. Aasakkut nuna qorsooqqillunilu naasoqarluartarpoq ukiukkullu aputip nuna tamaat tupinnartunngortittarpaa, apullu qaamanermit kusanartumik qillalaartinneqartarluni.

Inuit pinngortitaq qanillugu nunaqarfeeqqani najugaqartut inuppalaartuullutillu tikilluaqqusisuupput. Immap suiataarneranit anori malugalugu sissaq sinerlugu sikorsuarnik kusanangaartunik avatangiiseqarlutit pisuttuarsinnaavutit. Nunarsuatsinni nallersuussassanngingajattumik manna toqqissisimanarpoq.

Inuit kulturiminnik tulluusimaarinnuttut akornanni nunamut imarmullu qanimut attaveqarluarneq malunnarpoq. Maani qanga periusitoqqat qangamut siunissamullu ataqatigiissaarneqarluarsimasuupput. Illut qalipaatigeqisut nunami imaannaanngilluinnartumi pinnersaatitut ipput aamma najugaqartut inussiarnersuullutillu tikilluaqqusisuullutik.

Kujataa pinngortitamik avatangiiseqartitsiinnarani ilinnut nuannaarnermik tupigusunnermillu pilersitsissaaq. Pinngortitap tillernerata malitsigisaanik toqqissineq misigalugu uummatit tilleqataasaaq.

Atorfik pillugu

Atorfik Kommune Kujallermut tamarmut tunngavoq, illoqarfinnut Qaqortumut, Narsamut, Nanortalimmut, nunaqarfinnut 11-nut kiisalu savaateqarfinnut arlalinnut attuumassuteqartuulluni. Ingerlatsivimmi pisortatut atorfittaarninnut atatillugu kommunip pisortat ataatsimoorfiannut ilaalissaatit, taakkulu tassaapput kommunimi pisortaaneq, allaffeqarfimmi pisortaq, aningaasaqarnermut pisortaq, sulisoqarnermut pisortaq kiisalu ingerlatsivinni pisortat alllat.

Kommunimi pisortaanermut toqqaannartumik attaveqalissaatit ingerlatsivimmi qaninnerpaamik pisortartit tassaassapput:

• Atuarfinnut aamma Misi-mut suliassaqarfimmi pisortaq.
• Kulturimut, sunngiffimmut katersugaasivinnullu suliassaqarfimmi pisortaq.
• Meeraaqqerivinnut meeqqerivinnullu suliassaqarfimmi pisortaqs
• Nanortalimmi, Qaqortumi Narsamilu Majorianut aqutsisut pingasut.

Kommune Kujalleq massakkut:

• Illoqarfinni pingasuni atuarfeqarpoq.
• Nunaqarfinni arfineq-sisamanik atuarfeqarpoq.
• Misi, kommune tamakkerlugu perorsaanikkut tarnikkullu atukkatigut sinnersuisarneq
• Meeqqeriviit 11-t
• Majoriat pingasut

Illit suliassatit

• Kommunalbestyrelsimik Inerisaanermilu ataatsimiititaliamik kiisalu Pinaveersaartitsinermut, Kulturimut Summullu Ataatsimiititaliamik suleqateqarneq (atuarfimmut, ulluinnarni paarsivinnut, suliffinnut, siunnersuinermut, pitsaaliuinermut, kulturimut sunngiffimmullu politikkikkut suliassaqarfik)
• Ulluinnarni ingerlatsinermut akisussaaffeqarneq ingerlatsiviullu aqutsisoqatigiivi suleqatigalugit ataqatigiissaarineq
• Ingerlatsivik tamakkerlugu missingersuusiorneq, aningaasaqarnikkut aqutsineq naatsorsuutitigut malitseqartitsineq
• Kommunimi suliassaqarfiit akimorlugit pilersaarusiornermik suliniuteqaqataaneq

Naatsorsuutigaarput illit:

• Naleqquttunik ingerlaqqiffiusumik ilinniagaqartutit.q
• Suliniutinik suliaqarneq misilittagaqarfigigit aamma suliffeqarfimmi politikkikkut aqutsiviusuni sulinermik misilittagaqartutit
• Suliassaqarfinnik ineriartortitsinermi inatsisillu naapertorlugit ingerlatsisoqarnissaanik qulakkeerinninnermi politikkukkullu aalajangiinerni sulilluarsinnaasutit
• Ataatsimut isiginnissinnaasutit suliassaqarfiillu akimorlugit suliaqarsinnaasutit
• Sulianut tamanut suleqataalluarsinnaallutillu tatiginninnermik pilersitsisinnaasutit
• Oqaatsitigut allattariarsornikkullu attaveqarsinnaalluartutit
• Sulisunik kajumissaanissamut pikkorittuusutit

Kalaallisut imaluunniit marluinnik oqaaseqartuusut (kalaallisut qallunaatullu) qinnuteqartut salliunneqartarput.

Neqeroorutigaavut:

•  Aqutsisutut atorfik siunniuteqartitsilluartoq, isumaqarluartoq unammillernartorlu
• Sulianik ilisimasaqarluartunik suleqatigiilluartullu akornanni avatangiiseqarneq
• Nunatta kusanaarnersaat ilaani pinngortitami misigisaqarnissamut sunngiffinnilu neqerooruteqarfiulluartumik najugaqarnissamut suliffeqarnissamullu periarfissaqarneq

Akissarsiatigut atorfinitsitaanermilu atugassarititaasut

Atorfinitsitaanermi pineqartup kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut malinneqassapput. Malittarisassat atuuttut malillugit inissaqartitsisoqarsinaavoq. Kommunip atornititsinermut atatillugu angalanermut pisattallu assartornerinut aningaasartuutit akilissavai.

Qinnuteqaat

Qinnuteqaat makkuninnga imaqassaaq:

• Piumassuseqarpalaartumik qinnuteqaat
• CV
• Ilinniarnermut uppernarsaatip assilinera
• Sulisitsusut oqaaseqaataat naleqquttut
• Pinerluuteqarsimannginnermut uppernarsaat

Paasissutissat sukumiinerusut kommunimi pisortaanerugallartumut Hans-Jørgen Mørchimut pissarsiarineqarsinnaaput e-mail: hjmo@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik novembarip ulluisa aappaat 2025 nittartagarput aqqutigalugu.

Atorfik una qinnuteqarfigiuk

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”