Inersimasunik suliaqarfimmi Pitsaassutsimik nakkutilliinermillu siunnersorti

Suliffeqarnermut Isumaginninnermullu Ingerlatsivik inersimasunut utoqqaarnullu najugaqarfittut neqeroorutinut suliatigut pitsaassutsimik qulakkeerinninnissamut nakkutilliinermillu siunnersortimik kajumissusilimmik suliatigullu pikkorissumik siunnersortimik pissarsiorpoq.

Avatangiisini suleqatigiittut ataatsimoorfiulluartuni suliassat pissanganartut neqeroorutigaagut. Suliatigut ilisimasaqarneq sulinerullu isumaqarluarnera pingaartippagut. Taamaattumik isummannik avitseqateqartarnissat inissaqartinneqassaaq, suliamut tunngatillugu ataatsimullu isiginnittumik eqqartueqatigiinneq imaluunniit suleqammik itisiliilluni oqaloqatigiinneq inissaqartinneqartarput. Suliffeqarnermut Isumaginninnermullu Ingerlatsivimmi sulisut ilaattut suliffeqarfik politikkikkut aqunneqartoq ilisimasaqarfigilissavat aamma sulisut pisortaat fagchefillu qanimut suleqatigissavatit.

Suliassaq pillugu

Ilutsinni nakkutilliinerup kommunip inersimasunut utoqqarnullu nammineq najugaqarfittut neqeroorutaani pitsaassuseq qulakkeertassavaa. Pingaartipparput, anguniagaqarusussuseq tassaassasut ilikkagaqarneq aamma ineriartorneq, taamaalilluta piffissap ingerlanerani neqerooruterput pitsanngoriartussammat. Taamaattumik neqeroorummi pitsaassuseq pillugu paaqqinniffiit pitsaasumik oqaloqatigisarnissaasa pilersinneqarnissaa pingaaruteqarpoq, suliat ingerlanneqartut ataqqillugit. Najugaqarfittut neqeroorutini suliaq ilaatigut aqutsisut, sulisut aamma inuit najugaqarfittut neqeroorutini najugallit peqataatillugit aamma ilaatigut Nuummi allaffimmi piareersaasarnikkut, nalunaaruteqartarnikkut malitseqartarnikkullu ingerlanneqartassaaq.

Ingerlatsivimmi pisortap sulisuinut ilanngutissaatit, tassanilu qulit missaannik tunniusimasunik pikkorissunillu suleqateqalissallutit, assigiinngitsunik suleriaaseqarlutik ingerlatsivimmi suliassanik aqutsisut aalajangigaannik aaqqiissuteqartartunik. Pisortap sulisuisa akornanni suliffigissuuneq isumasiueqatigiinnerlu pingaartinneqaqaat.

Atorfiup imaiPitsaassutsimik nakkutilliinermillu siunnersortitut tulliusut akisussaaffigissavatit:

·Kommuni tamakkerlugu agguataarsimasunik ingerlatsinermi nakkutilliinernik ukiumut 20-t missaannik pilersaarusiorneq

·Aallaqqaataanit naaneranut nakkutilliineq: Piareersaaneq, naammassinninneq (matumani apersuinerit, malinnaaviginninnerit aamma allgaatinik misissuineq) kiisalu nalunaarusiorneq aamma aqutsisunut avitseqateqarneq

·Nakkutilliinermut atasumik ingerlatsivimmi immikkoortortani siunnersueqatigiinneq

Tamatuma saniatigut immikkoortortami pisariaqartitsineq malillugu suliassanik allanik suleqataasassaatit.

Angalangaatsiartarnissat naatsorsuutigissavat, pissutigalugu ukiumoortumik Nuummi, Paamiuni, Tasiilami, Qeqertarsuatsiaani aamma Ittoqqortoormiini najugaqarfittut neqeroorutitsinnik nakkutilliinissaq atorfimmut ilaammat. Neqeroorutit tamarmik ukiumut ataasiarlutik nakkutilliiffigineqartassapput. Atorfik Nuummi inissisimavoq.

Atorfimmi iluatsitsilluassagaani aaqqissuussisinnaaneq pilersaarusiorsinnaanerlu pingaaruteqaqaat. Sulisoq tamatigoortoq, suliassanik assigiinngisitaartunik sulisinnaassuseqartoq nutaanillu misiliinissamik tunuarsimaanngitsoq pisariaqartinneqarpoq.

Inunnut innarluutilinnut suliassaqarfimmi aamma utoqqarnut suliassaqarfimmi aalajangersimasunik nakkutilliinermi najoqqutassaqarpugut, kisianni sullissilluarnikkut sulianut pitsaasumik sunniuteqarnissamut periarfissaqarluarpoq.

Qinnuteqartunut naatsorsuutigisat:

·Isumaginninnermi perorsaasutut, isumaginninnermi siunnersortitut imaluunniit perorsaasutut attuumassutilimmik ilinniagaqartutit, ilinniaqqissimasutilluunniit

·Suliassaqarfik - inunnut innarluutilinnut imaluunniit utoqqarnut najugaqatigiiffittut neqeroorut misilittagaqarfigigukku - iluaqutaassaaq

·Allattariarsornikkut oqaatsitigullu ersarissumik attaveqarluarsinnaavutit

·Marluinnik oqaaseqarnerit (kalaallisut/danskisut) iluaqutaassaaq piumasaqaataanngilarli

·Namminersorlutit aamma aaqqissuussaasumik sulisinnaavutit

·Qanilaartuusutit aamma inuit allat naligalugit naapittarpatit

·Suliassamut akisussaaffimmik tigusisinnaavutit

Pinerluuteqarsimannginnermut uppernarsaat:

Atorfimmut uunga atatillugu pineqaatissinneqarsimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissarsiatigut atorfinitsitsinermilu atugassarititaasut:

Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.

Atorfinitsitsinermi qaammatit pingasut misiligutaassapput.

Inissaq:

Atorfimmut atatillugu inigisassamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Sulisut pisortaat Lise Buchardt, oqarasuaat +299 484887 imaluunniit e-mail: libt@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 164-26, nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: marsip 16.-at, 2026