Ingerlatsinermut, ineriartortitsinermut aningaasaqarnikkullu aqutsinermut Misissueqqissaarnermik Nakkutilliisoq

Aningaasaqarnikkut aqutsinermi misissueqqissaarnikkut paasissutissallu tunngavigalugit naleqalersitsineq, matumunngalu qarasaasiakkut atortutigut aningaasartuutit matussuserneqarnerat erseqqarinnissaat qulakkeeqataaffigerusuppiuk? Tunniusimasumik aaqqissuussaasumillu sulisinnaasumik, aqutsisoqarfiup aningaasaqarnikkut aqutsinermi qitiusumik inissisimasussamik, aammattaaq aningaasaqarnikkut ingerlatsinitsinnut ineriartortitseqataasinnaasumik ingerlatsinermullu tapersiisinnaasumik, immikkut siunnersortissatut nakkutilliisussarsiorpugut.

Illit suliassatit

Illit nakkutilliisutut – qaffasissumik piginnaassuseqartumik – suliassat aalajangiisinnaassuseqartumik naammassisassavatit, akulikitsumik suliassaqarfiit akornanni ataqatigiissaarisassaatit kiisalu aqutsisunut tunngasunik toqqaannartumik tunniussisassallutit.

Pingaarnertut suliassarissavatit:

• Aqutsisoqarfiup immikkoortortaani missingersuutinik malitseqartitsinerit aningaasaqarnikkullu nalunaarusiorneq, matumunnga ilanngullugit nakkutilliineq tassungalu atatillugu qaammatikkaartumik, qaammatit pingasukkaartumik kiisalu ukiukkaartumik naligiissaarineq.

• Suliffiup iluani aningaasaqarnikkut ingerlatsinermi nakkutiginninneq aqutsilluarnerlu, matumunnga ilanngullugit aningaasaqarnikkut aqutsinermi malittarisassanik suliaqarneq pitsaassutsimillu qulakkeerinninneq.

• inatsisitigut piumasaqaataasut malillugit missingersuutinik malitseqartitsinikkut kiisalu naalakkersuisoqarfik akisussaasoq qitiusumillu allattoqarfimmi soqutigisaqartut allat oqaloqatiginerisigut aqutsisunut ikiuunneq.

• Paasissutissanik aallaavilimmik aningaasaqarnikkut aqutsineq: kisitsisinik pingaarnernik periutsinillu ineriartortitsineq aqutsisoqarfiullu qullersaanut aalajangiinissamut saqqummiussassaannik (periusissiornikkut misissueqqissaarnerit, peratarsinnaasunik assersuusiorneq kingunerisinnaasaanillu nalilersuinernik) nalunaarusiorneq.

• Suliaqaqatigiit suliaqarfiillu immikkoortortat/suliniutit akornanni aningaasaqarnikkut attuumassutilinnik ingerlataqartuni ataqatigiissaarineq suliniutinillu aqutsineq.

• Qarasaasiakkut atortutigut aningaasartuutit matussusernissaannut qulakkeerinninneq.

• Aqutsisoqarfiup qarasaasiakkut atortutigut aningaasartuutit matussusernissaanut ingerlatseriaatsimik pilersaarusiorneq takussutissaliornerlu.

• Akiliisitsiniarnermut agguataarinninnerit naatsorsuutigisallu (aningaasartuutinik suussusiinerit, agguaariaatsit, piffissalersuinerit il.il) pitsaassusaannik qulakkeerinninneq.

• Inatsisitigut malittarisassatigullu atuuttut naapertorlugit aqutsisut peqatigalugit siumoortumik qulaajaareernerup kingorna akiliisitsiniarneq.

• Immikkoortortani pineqartuni aningaasartuutinik matussusiinissaq pillugu ilitsersuineq siunnersuinerlu – matumani ilanngullugu qarasaasiakkut atortutigut ataasiakkaani naatsorsuutinik erseqqarissumik nassuiaaneq – taamaaliornikkut ingerlaavartumik ataavartitsineq isumannaallisaanerlu aningaasalersuinermi qulakkeerneqassaaq.

Ilinnut tunngasut

Naatsorsuutigaarput illit:

• Naleqquttumik qaffasissumik ilinniagaqarsimasutit (ass. cand.merc., HD(R), aningaasaqarnikkut nakkutilliisutut imaluunniit tassunga assingusumik) kiisalu aningaasaqarnikkut aqutsinermi/naatsorsuuserinermi/suliniummi aningaasaqarnikkut minnerpaamik ukiut pingasut misilittagaqarsimassaatit.

• Missingersuuserinermi, nakkutilliinermi, naatsorsuutit tunngaviinik kiisalu aningaasartuutinik agguataarinninnermi uppernarsarneqarsinnaasumik suliatigut qaffasissumik immikkut ilisimasaqartutit.

• Misissueqqissaarinermi pitsaasumik piginnaasaqartutit, ERP/BI-p excel-illu atornissaanut patajaatsumik ingerlanneqariaasianik ilisimasaqarluartuullutillu misilittagaqartuusutit. Pisortat ingerlatseriaasiannut ilisimasaqarnerit iluaqutaasaaq.

• Suliassaqarfiit akornanni ataqatigiissaarineq, suliniutinik aqutsineq, kiisalu suliassaqarfinnut assigiinngitsunut pisortaaneqarfinnullu qajannaatsumik ingerlatitseqqiineq piginnaasaqarfigigitit.

• Attaveqaqateqallaqqissuusutit immikkoortortaqarfinnillu tamani suleqateqarluarsinnaasutit

• Namminersorsinnaasutit, iliuuseqartartuusutit kiisalu suleqatikkuminartuusutit pitsaassutsimik piffissamillu eqquutitsinissamik pingaartitsisutit. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk