INISSIARSUARNI NAKKUTILLIISOQ – INI SISIMIUT

 Sisimiuni inissialeriffitsinni suleqatissarsiorpugut. Inissiarsuarni nakkutilliisutut attartortutsinnut pitsaanerpaamik sullisseqataassaatit.

Allanngorartumik sullissilluarnissamullu tunngalluinnartumik suliaqarnissamut, amerlasuunillu suleqateqartarnissamut periarfissaq.

Inissiarsuarni nakkutilliisutut suliassannut tunngasutigut akisussaassuseqartumik sapiissuseqarlutit sulissaatit, ulapaarfinnilu tamakkiisumik isiginnissinnaassallutit.

Suleqatitit suleqatigilluinnarlugit najugaqartunut sullissineq inissialerinermillu ingerlatsineq suliassanni pingaarnerussapput.

Akisussaaffigissavatit:

• Pilersaarusiorneq najugaqarfiullu immikkoortortaani suliassat isumagineqarnissaat nakkutigalugit

• Iserterfissat misissorlugit, amigaatinut allattuiffimmiittut isumagalugit

• Nutserfiit misissorlugit, nalunaarusiorlutit, iluarsagassat aallartisarlugit Nakkutilliisup isumaqatigiissuteqarfiginera malillugu

• Teknikkimut atortut ulluinnarni nakkutigalugit, nalinginnaasumik aserfallatsaaliuineq, najugaqarfiillu eqqaani saligaatsuutitsinissaq

• Iluarsagassat minnerit aserfallatsaaliugassallu minnerit isumagalugit

• Suliassanngortut tamalaat

Suliassaq suugaluarpat pimoorussineq akisussaassuseqarnerlu

Sullissillaqqissuussaatit, assassorluni suliassanut misilittagaqassaatit. Assassorluni suliamik ilinniagaqarsinnaavutit, inissiallu aserfallatsaaliorneqarnissaannut ilisimasaqassallutit.

Aammattaaq:

·IT-mik atuisinnaalluassuseqassaatit, inissianut isertertitsinerit nuuttoqarneranilu suleriuseq digitalimik ingerlanneqartarmat

·Ammasuuvutit tamanillu inussiarnersumik torersumillu attaveqatiginnissinnaassallutit

·Namminersullaqqillutillu iliuuseqallaqqissuussaatit, suleqatikkuminarlutillu

·Pilersaarusiullaqqissuussaatit suliassanillu malinnaaviginnissinnaassallutit

·Kalaallisut qallunaatullu allattariarsornermik oqalunnermillu piginnaasaqassaatit

·Biilernermut allagartaqassaatit

Suliffeqarfik pilerinartoq

Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.

2026-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-nnanngorlutik.

INI-mi piginnaanngorsaanissanut ukkissisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.

Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.

Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.

Atorfimmi atugassarititat:

Naalakkersuisut aamma SSK akunnerminni isumaqatigiissutaat atuuttoq naapertorlugu inissialerisumut atorfinitsitineq pissaaq. Atorfimmut atatillugu inissaqartitsisoqanngilaq.

Sulilerfissaq:

Piaartumik, isumaqatigiinnikkulluunniit.

Atorfik soqutigaajuk?

Atorfik pillugu annerusumik paasisaqarsinnaavutit Ingerlatsinermut aqutsisoq Rachel Ingemann mailimut uunga attavigisinnaavat rac@ini.gl

Qinnuteqaatit CV-t pappilissallu attuumassuteqarsinnasut pinqaatissinneqarsimannginnermik uppernarsaat ilanngullugu tigoreersimassavagut ulloq 28. august 2026.

Tusagaqarfiginissat qilanaaraarput.

INI

HR-afdelingen

Postboks 1020

3911 Sisimiut

E-mail: job@ini.gl