Innarluutilinnut tarnimikkullu nappaatilinnut immikkoortortami ineriartortitsinissamut siunnersorti

Kommuneqarfik Sermersuumi innuttaasunut piginnaasakillisimasunut inersimasunut suliassaqarfimmi tamarmiusumi ineriartortitseqataarusuppit?

Suliat aallaavigalugit siunnersuillaqqissumik imaluunniit immikkut siunnersuisumik perorsaanikkut sulianik ilisimasaqarluartumik, misissueqqissaarnissamut piginnaasaqarluartumik aamma immikkut suliassaqarfimmit misilittagaqarluartumik pissarsiorpugut. Atorfik Inunnut innarluutilinnut Tarnimikkullu nappaatilinnut immikkoortortami inissisimavoq aamma ineriartortitsinissamik, misissueqqissaarnissamik aamma ingerlatsinermut tapersersuisumik ersarissumik ukkassiffiulluni.

Aqutsisunut pingaarutilimmik suleqataalissaatit, aamma ilisimasanik, paasisanik aamma suliatigut misilittakkanik pitsaassutsimik, ataqatigiissitsinermik aamma neqeroorutigut akimorlugit sullissilluarnermik sukumiisumik pitsanngorsaanissamut ikorfartuissaatit.

Atorfimmi fagchefi, immikkoortortami aqutsisoq, aqutsisut, tullersortit aamma sulisut immikkoortortami tunngavigilluinnakkagut pingasut aallaavigalugit suliffigisatsinni qanimut suleqataassaatit: Sulianik ilisimasaqarneq, assigiinngisitaartuuneq ataatsimoorussinerlu. Ilaatigut imaappoq, suliassaqarfinni assigiinngitsuni ataatsimoorluta pitsaasumik suliatigut naammassinnissinnaaneq upperaarput.

Atorfik pillugu:

Inunnut innarluutilinnut tarnikkullu nappaatilinnut immikkoortortani assigiinngitsuni siunnersortitut/immikkut siunnersortitut ukua immikkut ukkatarissavatit:

∙Najugaqarfinni, najugaqatigiiffinni, ikorfartuinermik suliniutini il.il. perorsaanikkut sulinermik ineriartortitsineq

∙Misissueqqissaarneq, aaqqissuussineq aamma aaqqissuussaasumik sulinermut aamma aqutsinikkut aalajangiinermut tunngavissaqarnissaq

∙Pitsaasumik sulinermi, uppernarsaanermi ilinniartitsinermilu aqutsisunut ikorfartuineq

∙Sermersuumi innuttaasunut piginnaasakillisimasunut inersimasunut suliassaqarfimmik siunissami ungasissumi ineriartortitsinissamut peqataaneq

Misissueqqissaarnerit, ineriartortitsitsinerit, isumasiueqatigiinnerit, ingerlatitseqqiinerit aamma ingerlatsinikkut ikorfartuinerit akornanni allanngorartunik ulluinnarni suliaqassaatit.

Pingaarnertut suliassat:

∙Suleriaatsinik, sakkussanik aamma suliffiup iluani malitassanik ineriartortitsinermi atuutsilersitsinermi ikorfartuineq

∙Aqutsisunut fagchefimullu misissueqqissaarnermik aalajangiinissanullu saqqummiussassanik suliaqarneq

∙Immikkoortortat akimorlugit ineriartortitsinernik ataqatigiissaarineq ikorfartuinerlu

∙Ilinniartitsinermut ilisimasanillu avitseqatiginninnermut ikorfartuineq ass. atortut, workshoppit aamma sulianut tunngasunik saqqummiussinerit aqqutigalugit

∙Pitsaassutsimik qulakkeerinninnissamut, uppernarsaanermut aamma nakkutilliinissamut piareersarnermut ikorfartuineq

∙Innuttaasut isaannit, perorsaanikkut sulinermi periutsit aamma immikkoortortami aqutsinerup akornanni ataqatigiilersitseqataaneq

Naatsorsuutigaarput:

∙Perorsaanikkut patajaatsumik ilisimasalik aamma perorsaanikkut sulinermik ineriartortitsinermi misilittagaqarluartoq

∙Immikkut suliaqarfimmut tassunga ilanngullugu innuttaasunik piginnaasakillisimasunik sullissinermut ilisimasaqarluartoq

∙Suliassaqarfinni assigiinngitsuni immikkoortortaqarfinnilu sulinermik misilittagaqartutit

∙Misissueqqissaarinissamut kajumissuseqarluartoq, ilinniagartuutut piginnaasaqarluartoq aamma teorimik misissueqqissaarnermillu sulianut tunngatillugu aaqqiissutinngortitsisinnaasoq

∙Ineriartortitsinermi aamma allannguiniarnermi periutsinik ataqatigiissaarinermik misilittagalik

Ilinniagatigut:

Ass. illit:

∙Perorsaasutut ilinniarsimasoqperorsaanerup, tarnip pissusaata, ilinniartitsinerup, aaqqissuussinerup imaluunniit assingusumik kandidatitut qaffasissusilimmik ilinniaqqinnikoq

∙Imaluunniit assingusumik ilinniagartuutut ilinniarsimasoq perorsaanermi suliassaqarfimmi ersarissumik attuumassutilimmik

∙Kalaallit Nunaanni inuiaqatigiinni pissutsit kulturilu ilisimasaqarfigigukkit iluaqutaassaaq.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

∙Atorfik suliatigut pissanganartoq suliassaqarfimmi ineriartortitsinissamut annertuumik sunniuteqarfiusinnaasoq

∙Misilittakkat piginnaasallu apeqqutaatillugit siunnersortitut imaluunniit immikkut siunnersortitut atorfinnitsinneqarnissamut periarfissaqarpoq

∙Suliffik sulianut tunngasunik oqaloqatigiiffiusoq, suleqatigiiffiusoq aamma ineriartortitsiffiusoq

∙Aaqqissuussami suliassaqarfinni assigiinngitsuni aqutsisunik suleqatinillu qanimut suleqateqarneq

∙Suliatigut aaqqissuussaanikkullu ineriartornissamut periarfissat pitsaasut

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Mathias K. Brusgaard, oqarasuaat +299 56 27 61 imaluunniit e-mail: mtbr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 37-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 23.-at, 2026

Atorfik una qinnuteqarfigiuk