INUILI UJARLERPAA ILINNIARTITSISUSSAMIK NERISASSIORNERMI ILINNIARNERNI GRØNLANDIMI

Inuussutissalerinermut ilinniarfiit nuannaraagit suliassaqarfimmilu ilinniarsimalluarlutit? Pitsaasumik iluamillu aqutsineq tusaamaneqaatigaajuk sulisullu pikkorissut akornanni qiimmassaasinnaallutit? Taamaappat INUILI-mi inuussutissalerinermut ilinniarfinnut pisortatut atorfimmik pissaqartippatsigit, tassami INUILI ukiuni tulinnguuttuni ilinniarfiit nutarterlugit nalilersorlugillu annertuunik pissanganartunillu suliassaqartitsissaaq.

INUILI pillugu:

Inuussutissalerinermut atuarfik Inuili Kujataani Narsamiippoq, suliassaraavullu inuussutissalerinermi tamarmi sulisut ilinniartissallugit, piukkunnarsassallugit ilinniarteqqissallugillu. Taanna suliassaq inuussutissarsiortut suleqatigeqqissaarlugit naammassineqassaaq, inuussutissarsiortut pisariaqartitaasa piviusunngortarnissaat qulakkeerniarlugu, minnerunngitsumillu takornariaqarnikkut ineriartupiloorneq malinnaaffiginiarlugu.

Inuili taassuma saniatigut ilisimasaqarfittut inissinnissamut suliassaqarpoq, paasissutissat katersortussaallugit misissoqqissaartussaallugit kiisalu inuussutissalerinerup siuarsarnissaanut paasissutissanik siammarterisuussalluni, kalaallit nerisassaataat pitsaanerusumik annertunerusumillu atugaanissaat pingaartillugu.

Tassunga atorfimmut inummik ilinniarsimasumik inuppalaartumik, takorluuisinnaasumik kiisalu sutigut tamatigut peqqissaartumik, inuussutissanik inuussutissalerinermillu taakkulu ineriartornerinik ilisimasaqarluartumik, suliassaqarfimmi kalaallinik ilinniartunik suliffimmillu misiliisunik suleqateqateqarnermik misilittagaqarluartumik, ilinniartitaaneq tamarmiusoq pillugu ilisimasaqartumik, peqatigisaanilu aqutserusuttumik ineriartortitserusuttumillu pissarsiorpugut.

Suliassatit akisussaaffigisassatillu

Ilinniarfimmi pisortatut piginnaasatut ilisimassavatit peqatigisaanillu aqutsinermit allaffissornermut eqaatsumik uteqattaarsinnaasariaqarlutit. Aqutseriaatsinni qulartuunnginnerit aalajangiisinnaanerillu takutissavatit, peqatigisaanilli tusarnaarsinnaassaatit allallu aqutsisut, suleqatit ilinniartullu suleqatigisinnaasariaqarlugit. Ilinniarfimmi pisortatut qiimmassaasinnaassaatit, aalajangiinermilu tunngaviusut suleqatinut ilinniartunullu saqqummiussinnaasariaqarpatit nassuiarlugillu. Namminersorlutit aqutsissaatit peqatigisaanillu ilinniarfiit siunissamut ungasissumut anguniagassaqartillugit.

Aaqqissuussaanikkut atuarfimmi aqutsisunut ilaalissaatit atuarfimmi forstanderi, allaffissornikkut teknikkikkullu pisortat peqatigalugit, forstanderimullu saaffiginnittuussaatit.

Akisussaaffiit akornanniipput:

• Forstanderip peqannginnerani tullersortitut atuuffeqarneq.

• Ilinniartitaanermut immikkoortortaqarfimmi ilinniartitsisunullu aqutsinissamut sulisoqarnermullu akisussaaffik

• Ilinniartitaanermut suliassaqarfimmi kiisalu suliffimmik misiliinerni siunnersuinermilu suliassat aqunneqarneri pillugit ataqatigiissaarineq oqaloqatigiinnerlu

• Atuarfimmi perorsaanikkut suliatigullu takorluugassiorneq

• Atuarfiup pikkorissaaviata, pikkorissaatit piukkunnarsarnissamullu periarfissat aqunneqarnissaat ineriartornissaasalu qulakkeerinninneq. 

• Ilinniarnernik atuartitsinernillu nalilersuineq, matumani ilanngullugit APV atugarissaarnerillu pillugit misissuinerit ingerlattarnissaasa qulakkeernissaat.

• Inuussutissarsiortut Naalakkersuisoqarfillu suleqatigeqqissaarlugit ilinniarfiit pioreersut allanngortiternissaannik nutaanillu ineriartortitsinernik ataqatigiissaarineq

• Forstanderi ilinniartitsisullu peqatigalugit periusissiaqarluni anguniakkanik ineriartortitsineq atuutsitsilernerlu kiisalu ilinniarfinnut nalinginnaasunut pikkorissaavimmullu ilinniarnissamut neqeroorutinut pilersaarusiorneq.

• Ilinniarfinni inatsisit piumasaqaatillu eqqortut malinneqarnissaasa qulakkeernissaat.

Kissaativut

Ilinniarfimmi pisortatut atorfimmut aqutsisoq sukataartoq, ilinniarfimmi aqutsinermik ilinniartitsinermillu misilittagaqarluartoq, Kalaallit Nunaat kalaallillu kulturiannik ilinniartitseriaasiannillu ilisimasaqarluartoq kissaatigaarput, aqutsisoq nutaaq ilinniarnissamut neqeroorutit pitsaassusaasa qulakkeernissaanut suliatigut paasisimasaqarnissaa qulakkeerniassagatsigu. Aqutsisoq amigaatigisarput illiusimappat inuussutissanut inuussutissalerinermullu suliassaqarfimmi misilittagaqassaatit, allannguutit pissutsillu aallaavigalugit aqutsisinnaassaatit, saqqummiisarninnilu ersarissuussallutit.

Pingaarnerpaatulli ileqqorissaassaatit, inuppalaarlutit ataqqinnillutillu, attaveqaqateqallaqqissuussaatit suleqatikkuminarlutillu, kiisalu atugarissaarneq toqqissisimanerlu pingaartillugit. Ilinniartitsisut allaffissornikkullu sulisut siuttooqatigilissavatit, taakkulu atugarissaarnissaat atuarfiup ingerlalluarnissaanut pingaaruteqarluinnarpoq.

Allassimasut tulinnguuttut amerlanerit x-ilersinnaagukkit, qinnuteqaatit sukkanerpaamik tigorusuttorujussuuarput

• Aningaasaqarnermi, pisortat aqutsineranni, inatsisilerinermi assigisaaniluunniit inuussutissarsiutinut ingerlariaqqiffiusumilluunniit ilinniagaqarputit tulluartumik.

• Kalaallit Nunaanni ilinniarfimmi allamiluunniit assingusumi aqutsinermik misilittagaqarputit kalaallillu kulturiannik ilisimasaqarluarlutit.

• Ilinniartunut allaffissornermi periutsinik atuartitsinissamullu pilersaarusiornermik misilittagaqarputit

• Ilinniarnissamut neqeroorutit pitsaassusaat qulakkeersinnaavatit ineriartorteqqillugillu kiisalu atuartitsisut ilinniarfimmiittut avataaneersullu peqatigalugit perorsaanikkut nutaaliorneq qulakkeersinnaallugu

• Tassaavutit inuk unammillersinnaasoq nammineerlunilu aqutsinermik suliaqarsinnaasoq.

• Tatiginninneq aallaavigalugu kulturimik, ammasuunermik, suleqatigiinnermik atugarissaarnermillu pingaartitsisumik pilersitseqataasuuvutit

• Kalaallisut danskisullu attavigiuminartuuneq oqallorissuunerlu pingaartinneqassapput

• Inuilip suliassaqarfimmini ilinniarfittut neqerooruteqarnerulerluni sammisassaqartitsinerulerlunilu alliartornissaanut qanoq ineriartornissaanut takorluugaqarputit

Neqeroorutigaavut

• Suliffeqarfimmi nutaaliorfiusumi atorfik pissanganartoq unammillernartorlu

• Ilinniarnissamut neqeroorutitsinnik ineriartortitsinissamut tassuunalu allanngueqataanissamut periarfissaq.

• Suliatigut inuttullu ineriartornissamut periarfissatsialaat, atorfimmilu suliassanik nammineerluni immersuinissamut periarfissarpassuit

• Suleqatit kajumissuseqarluartut tunniusimasullu suleqatigalugit ineriartortumik tapersersuiffiulluartumillu suliffimmi avatangiiseqarneq.

Atorfik pillugu paasissutissanik allanik pissarserusukkuit Ilinniartitaanermut Naalakkersuisoqarfimmi immikkoortortaqarfimmi pisortaq Trine Egede attavigisinnaavat, oq. +299 559147, mail: treg@nanoq.gl, taassuma Inuilimut tunngasut maannakkorpiaq suliarai.

Qinnuteqaat

CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput. e-mail-ikkut qinnuteqaatinik tigusineq ajorpugut. Oqaloqateqarnerit ingerlaavartumik ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk